زواج_تقليدي
بقلم منسى
بارت 12
نزلت ركض، شفت خطيبتي سابقا
وامهه كلت اهوووو بدت رحمة الله
واحنه عدنه حقوق مااخذناهه وبنتنه محد بحالهه ومن هالحجي
اول مشفتهه كلتلهه باعي تردين تدلين ابنتج هاي مشكلتج بس لتزعجينا
رانيه .. اني دااتفرج ومن عرفو اني مرته اتخبلن وكامن يحجن اشكال ع منتظر حتى اتهموه هوه متقرب من خطيبتهه وضاحك عليهه بفترة الخطوبه عيالي محد عبرهن بس عموو صار عصبي وكام ايصيح وهيه اتكول بنتي ع ذمة ابنكم
اني هنا ضجت هاي شصاير
منتظر .. بنتج طلكتهه وشمرت عليهه اجورهه مال فترة الخطوبهه ومامتقرب لبنتج هيه طلبت مني واني شاب اخر لحظه صحيت وعرفت لعبه عفتهه وطلعت مو تتذكرين ضحى لو اذكرج
رانيه .. ايع شنو ديصير هذا بيمن جان متورط كالت ليش تخابر عليه اذا مطلكني ومتريدني
كاللهه شوفي لج لتمسلتي انتي طلبتي اخابرج ع نفس الموضوع خابرتج وتسجيل المكالمه موجود حتى خاف تنكرين ويلا طلعوو بره بديت افقد اعصابي الرخيص ميدخل بيتنا كامت تعيط امهه وتهدد
رانيه .. واني مدري شحجي بس اتفهمت موضوع منتظر بقيت ساكته وكل احنه سكتنه
منتظر .. راحو البيت صار هدوء
اجوي بيت اخويه احمد احب كيان ابن احمد كلللللش عمره 3 سنوات حركاته وسوالفه اتجنن ايصيحلي ( اموو تتر) فدوه راحلك عموو اصعده يمي ابوسه العبه مرات اينام يمنه
مرت 3 شهور واني هالفتره تعبت كلش لان العصر صار عندي،شغل بالصيدليه دخلت شريك ويه دكتور وفتحنا صيدليه شويه تعب والتزام بس محتاج هيج شغل
رانيه .. بديت احس واشك بحمل لان شهرين مجايتني الدوره كلت اخاف نفس اول مره خلي اجيب التحليل البيتي بس مااريد احد يعرف خاف ماكو حمل هسه شيكولون
كلت لازم اطلع اجيب بدون ميعرف احد كلت لاشراق مرت احمد كالت االصيدليه قريبه نزلي جيبي كلتلهه اخاف منتظر ميقبل كالت كولي لخاله وروحي
نزلت كلت لخاله محتاجه اجيب هذا التحليل من الصيدليه كالت اخذي هدوره ونزلي للصيدليه
هم لبست جبه اني وهدير نزلنا اخذنه واحد من طلعنه من الصيدليه اكو شباب هيج كبالنه واحنه نمشي اتعرضونه وكاموو يذبون حجي احنه خفنا لان محد ويانه بسرعه رجعنه
منتظر شايفنا وهنا المصيبه رجعنا بسرعه وهيه قريبه مو بعيده سولفنه لخاله كامت تحجي عالولد والتربيه بس اني حسيت الخوفه بداخلي مدري ليش
كمت حللت طلع خطين يعني حامل
كلت لاشراق كالت مبروك هاي حامل فرحت وخاله فرحت كلش وهدير كالت رح اخابر منتظر كلتلهه لا الله عليج اريد اسويله مفاجئه
وبديت اسوي حلو وكيكه ونشتغل بالمطبخ واشراق كالت تبقه يمكم احمد يتأخر اليوم
كملنا سوينه العشا طلعت سبحت ودننتظر منتظر اجه عموو بشرنا وباركلي وفرح
ساعه 9 ومنتظر ماكو اني متعشيت منتظرته كلت خلي اخابره
دكيت رفضه كلت جاي يمكن
بديت احس بتعب ونعست مرت نص ساعه هم دكيت مجاوب دكيت رفض ساعه 10سمعت صوت هورن السياره كلت ي اجه محظره الاكل والحلويات الي سويتهن ومبدله وكاعده
جان اسمع صوت صياح وعيطه وبجي اخترعت كمت، شصاير دخيلك ربي لبست دشداشه طويله فوك مال النوم داانزل رأستا اندفر باب الغرفه واجه منتظر جرني من شعري واني اعيط اريد بس افهم شكو بقه يسحلني من الغرفه لحد ما ايريد ينزلني الدرج سحل واني جلبت بالسياج مال الدرج كلتله عوفني واصيح خاله واشراق يصيحون عوفهه صعدت اشراق كالتله اوكف دفعهه لتتدخين طلع عموو ايصيح ومنتظر كامشني من شعري واني مسحوله محسيت بس اني انكلب من بايه لبايه عالدرج والعياط تارس البيت ومنتظر يغلط ويفشر كوموني متكسره .
كالتله خاله يا ظالم مو حامل ليش هيج بقت تصيح واني مااعرف ليش هيج سوه بعدني ممستوعبه وهدير كاعده بالكاع متبهذل شكلهه وتبجي
منتظر .. فقدت من شفتهن والولد اتعرضولهن وكفت اتعاركت لزمت اثنين كسرتهم اتكسر وكسرو جامة سيارتي اجوي شرطه قريبه جانت يمنه اخذونه للمركز لحد الليل واحد اتنازل عن اللاخ وبتعهد من الطرفين وطلعوني رجعت واني نار شنو يطلعن بدون علمي اني شنو خروف وشكو طالعات وحدهن وشكو يفوتن بنص الشباب اذا يردن شي اني فقدت دخلت ضربت هدير
وصعدت لرانيه سحلتهه وشمرتهه من الدرج وماحسيت بس الحجيه تكول مرتك حامل اني طلعت من البيت
رانيه.. نوموني بغرفة هدير وخاله واشراق بقو يمنه كل شويه يترقبون وضعي خاف ينزل دم واني حسيت اكو الم كلت لخاله الالم موتني مااتحمل بعد
هدير انطوهه منوم نامت
ساعه 2 بالليل ومنتظر ماكو
عمو ايخابر ومغلق جهازه
اني تعبت من الالم كمت مااتحمل خاله اخذوني للمستشفى رح اموت
اجه احمد اخذني راحت ويايه خاله طول الطريق تقره ع راسي وتدعي واني متت من الام الي صاير بظهري وبطني وحسيت نفس الالم الي صارلي من سقطت الطفل بالطريق حسيت دم نزل كلت لخاله اكو دم وكمت ابجي وهيه هم تسكت بيه كالت ماكو شي وصلنا المستشفى كبل للسونار كالت الدكتوره الطفل مهدد بالاسقاط ولازم تسوي ربط اني خفت ومااعرف شلون الربط اني بنجوني نص
يتبع
بقلم منسى
زواج_تقليدي
بارت 13
بقلم منسى
واكملت العمليه الصبح صحيت والالم بعده وزايد شرحتلي خاله وكالت لازم تبقين نايمه ع ظهرج ومتتحركين ولا تصعدين فوك اجوي الصبح احمد واشراق وعموو وماكو وياهم منتظر طبعا مراجع للبيت
منتظر.. بقيت بشقة عباس ومانايم خايف ماريد افتح جهازي خايف ايصير،شي واني ليش مااعرف بموضوع الحمل اتندمت من هيج سويت اني شلون شسوي فتحت تليفوني كلت خلي اخابر ع اشراق اسال اول شي دزيتلهه مسج كلتلهه رح اخابرج ماريد احد يعرف واذا متكدرين تحجين دزي مسج دزتلي كالت خابر
خابرتهه كالت انت وين خايفين عليك كلتلهه منو يمج وشصار كالت احنه بالمستشفى البيت محد بي بس هدير اني انهبطت كلت هم راح الطفل
كلتلهه رانيه شبيهه كالت سوولهه ربط والطفل مهدد كلت الحمد لله رجعت للبيت ابوس بهدوره اعتذر منهه سولفتلهه شصار وكالت احنه بس جبنه تحليل مال حمل ورجعنا ومرتك رادت تفاجئك تحجي وتبجي واني ابجي وياهه كلتلهه جنت متوقف حز بداخلي اختي ومرتي بالشارع اتعارك علمودهن وادخل توقيف متحملت عصبت متفهمن انتن اني غلطت بس محد راح يعذرني
اجوي من المستشفى وهدير حالتهه حاله ومقهوره مدلله واول مره تنضرب
صعدت فوك واني ميت خوف وقلق اعتذرت من اهلي وشرحتلهم اني متوقف
رانيه .. مااسامحه لو ايموت خلي بس ارتاح واكدر اكوم اروح يم اهلي واخلص منه
خلصتهه بس هم وغم وبجي مشفت شي زين وياه لا هوه يحب ولا هوه يكره عيشه متنطاق بعد
عمو رفض اكول لاهلي حتى لتصير مشاكل اني هم سكتت
شفت منتظر كبالي اجه يعتذر ويبوس اني مااهتميت ولا حجيت ولا باوعت بوجهه
مر اسبوع واني ممتحركه وباقيه بغرفتي والاكل يصعدلي حمامات فوك وبغرفتي واحد تعبت وضجت من النوم كلت اكوم شويه مقبلوو اتحرك بقيت نايمه امري لله
ونفس الروتين يوميه ينعاد وماعندي،بس التلفزيون والفون اطب منا واطلع منا مر شهر كلت كافي متت من النوم
كمت اتمشه متكسره ومورمه
خلي اروح اسوي سونار اشوو الطفل مبي حركه واني ع حسابي دخلت بالرابع صار،يومين ليش لهسه ماكو حركه خاف ميت الطفل كلش خفت
يتبع .. بقلم منسى
زواج_تقليدي
بقلم منسى
بارت14
بده الخوف ايسيطر عليه واني اخذ نفس واهدي من نفسي وانتظر حركة الطفل حبست انفاسي وهديت نفسي ومتحركت كلت بلكي احس بشي وهم ماكو شي كمت ابجي كل كل هالتعب ايروح ياربي
دخل منتظر شافني ابجي
منتظر.. دخلت حسيت بيهه شي وجنهه خايفه ودموع بعينهه كلتلهه خير،شبيج محجت ويايه كلتلهه حبي كولي،صاير،شي دارت وجهه ونامت
رحت اتقربت منهه شبيج منو مضوجج كولي كالت عوفني اني هم عفتهه
رانيه.. اني هم مالي خلك احجي وياه سالني شبيج غلست ومن لح كلتله عوفني وراح
اتمنى اكوله وديني للدكتوره بس مااتنازل ولا اطخ راس واني وعلانه صار فوك الشهر النوب هسه اجي اطلب منه
كمت سبحت وحظرت ملابس كلت لازم اروح للسونار
كلت لخاله اريد اسوي سونار لان مااحس بحركة الطفل اخاف صاير،شي كالت يمه كون حجز هسه حتى كبل ترحين خابري السكرتيره تحجزلج صعدت جبت فوني ونزلت
منتظر .. هاي شو صاعده نازله كل شويه شكوو لعد المن نايمه ع ظهرهه
رانيه.. نزل منتظر كال شكو نازه وتتمشين هم ياريت كاعده كل ساعه صاعده نازله
سكتت محجيت وياه ولا جاوبته
كال احاجييج جاوبي اني سكتت ودااطلع الرقم اخابر اخذ التليفون كال تشوفين احجي وياج تجاوبين كلتله اي رجع تليفوني وطلع بسيارته ضايج
حجزت ب5 العصر الموعد زين منو ياخذني منتظر افندي طالع واحمد طالع
خاله خابرت ع منتظر يجي
منتظر. .. اني طلعت وره ساعتين خابروني تعال عدنه موعد وحجز يم الدكتوره لرانيه تجي تودينه
ماشي جاي
رانيه .. بدلت وحظرت نفسي بعد ربع ساعه وهذا ماكو يربي ايريد اتوسل بي مثلا خابرت واني اعصاب كلتله تره تأخرت شوكت اولي
منتظر.. صار عندي بنجر سويته واني راجع خابرتني رانيه وعصبيه وتصيح واني طالعه روحي عطت بيهه كلتلهه مااشتغل يم ابوج اني احجي عدل وانلصمي لا ارجع تعرفين شسوي
رانيه .. ابويه شدخله وشنو هالحجي عيب عليك روح مااريد ولا اصعد وياك لو اموت سديت الاتصال نزل كلت لخاله مااروح
بدلت ورجعت نمت
منتظر رجعت للبيت سلمت عالحجيه وحاجتني كلتلهه اسلوبهه زفت متعرف تحجي وتصيح واني السياره عاطله وبنجر وروحي طالعه وتجي ست رانيه تصيح عليه
الحجيه .. يمه استهدي بالرحمن هيه خايفه الطفل مايتحرك وتخاف لا اكو شي والعصبيه بمثل وضعهه مانعتب عليه
منتظر اني هم خفت رحت فوك لكيتهه نايمه كلتلهه يلا كومي بسرعه
كالت مااروح كلتلهه كومي قبل ما تفلت اعصابي واخذج غصب كالت هوه انت متعلم ع هيج اسلوب كلشي عندك قوه وهوسه رانيه كومي البسي خلي انولي مبقه صبر الدنيا طافره من عيني ليش اتخليني اشيلج بهذني هدومج اخذج
رانيه كمت بدلت نزلنا صعدنا بالسياره
يحجي ويايه ومااجاوب كال كافي لعبان نفس وجاوبي من اسالج كلتله مالي خلك احجي شي وكلش قلقه خلي نرجع ونحجي
منتظر .. اني هم سكتت كلت حقهه
وصلنا كالت السكرتيره يمهه وحده تطلع وانتو وراهه
دخلت رانيه واني كلبي كام ايدك سريع وقلقت كلش كمت افتر بين متطلع
نص ساعه وطلت رحت عليهه
رانيه... منتظر مبين خايف اكثر مني ردت اضحك بس كلت خلي اشوف شيسوي
منتظر.. ها رانيه شكالت شنوو احجي
ي منتظر خلي اخذ نفس شبيك واني وجهي معقج عود ضايجه
كال احجي خرب يومج كلبي راح يوكف كلتله ماكو شي والطفل زين وسمعت صوت كلبه واني ابتسمت هوه ارتاح وحمد الله وشكره
كلتله بس هاي فيتامينات وابره لازم
كال اني اجيبهم
صعدنا بالسياره واني مرتاحه ودمعت عيوني من الفرحه وكلت الحمد لله ياربي خابت خاله كلتلهه وفرحت الحمد لله
اخذني منتظر للمطعم اتعشينا وكمنه افترينا طلبت موطه مشتهيتهه مقبل اول شي بعدين وجابلي موطه وهنا جنه خريف وبداية شتا ودتبرد الدنيا كال موعيهه يلا تاكلين الجو اتغير حتى علاج متكدرين تاخذين اني هم اموع واكل وكمت اكل هيج بدون متموع اخذ الموطه مني ضجت طنكرت.
منتظر.. اخذت الموطه مابيه حيل اكعد اسوي كمادات حتى علاج متكدرين تشربين غير انتي حامل هسه اكلتي شويه كافي شكو طنكرتي
رانيه .. والله الا اكوم احك بوجهي وجسمي وخلي الوحمه تطلع بوجهه
كمت اضحك متت ضحك عليهه مثل الطفله عود زعلت كلتلهه تره كبرتي ورح تصيرين ام واني اضحك انقهرت رجعتلهه الموطه وصلنه البيت وتعبانين دخلنا الغرفه فاتت للحمام واني انتظرهه شوكت تطلع
رانيه دخلت للحمام والدوش دافي ايريح الاعصاب نسيت روحي محسيت غير، بس منتظر ايدك الباب ويصيح ها نمتي كلتله بعدني روح اسبح هناك كال اطلعي واني مامهتمه ومسيطره جوه الدوش مسترخيه خليته يحجي كلتله روح حباب روح
مااحس الا والباب انفتح عليه واني عيطت
يتبع ....
بقلم منسى
زواج_تقليدي
بقلم منسى
بارت 15
