إلتقينا صدفه

التقينا صدفه الجزء الاول

رواية إلتقينا صدفه الجزء الأول 

... 

بسم الله الرحمن الرحيم 🌹

ﻋﻤﺎﺭ ...

ﺩﻛﺖ ﺍﻟﺴﺎﻋﻪ ١٢ ..

ﻳﻮ ﺍﺗﺎﺧﺮ ﺍﻟﻮﻗﺖ ﻭﺍﻧﻲ ﺑﻌﺪﻧﻲ ﻫﻨﺎ ﻭﻻ ﺣﺴﻴﺖ ﺑﺮﻭﺣﻲ .. ﺑﺲ ﺣﺴﻴﺖ ﺟﺴﻤﻲ ﺗﻌﺒﺎﻥ ﻭﻧﺤﻼﻥ ﻭﺭﺍﺳﻲ ﺛﻜﻼﻥ ﻣﻦ ﺍﻟﺸﻐﻞ ..

ﺳﻴﺪﻱ ﺗﺎﻣﺮ ﺷﻲ ﺍﻧﻲ ﺭﺍﺡ ﺍﻧﺰﻝ ﻟﻠﺒﻴﺖ ..

ﻻ ﺍﻟﻠﻪ ﻭﻳﺎﻙ ﺍﻧﻲ ﻫﻢ ﻧﺎﺯﻝ ..

ﻟﻤﻠﻤﺖ ﺍﻭﺭﺍﻕ ﺍﻟﺘﺤﻘﻴﻖ ﻛﻠﻬﺎ ﻭﺧﻠﻴﺘﻬﺎ ﺑﻔﺎﻳﻠﻬﺎ ﺍﻟﺨﺎﺹ .. ﻃﻠﻌﺖ ﻣﻦ ﺍﻟﻤﺮﻛﺰ ﺩﺍﺗﻮﺟﻪ ﻟﻠﺒﻴﺖ ﺑﺲ ﺍﻟﺪﻧﻴﺎ ﺑﺮﺩﺕ ﻭﺍﻟﻤﻄﺮ ﻗﻮﻱ ﻟﺒﺴﺖ ﺍﻟﺴﺘﺮﺓ ﻭﺍﻧﻲ ﺍﺭﻛﺾ ﻟﺴﻴﺎﺭﺗﻲ ﺧﺎﻑ ﺍﺗﺒﻠﻞ ﻭﺍﺗﻤﺮﺽ .. ﺻﻌﺪﺕ ﺍﻟﺴﻴﺎﺭﻩ ﻭﻣﺸﻴﺖ ﻋﻠﻰ ﻛﻴﻔﻲ ﻳﺎﺩﻭﺏ ﺍﺷﻮﻑ ﺍﻟﺸﺎﺭﻉ ﻣﻦ ﺍﻟﻤﻄﺮ ﻭﺍﻟﻈﻼﻡ ﺍﻟﻲ ﻣﺨﻠﻲ ﺍﻟﺮﺅﻳﺎ ﺷﺒﻪ ﻣﻌﺪﻭﻣﻪ ﺩﻙ ﺗﻠﻔﻮﻧﻲ ..

ﻫﻠﻮ ﺍﺯﻝ ..

ﻫﺎ ﻋﻤﺎﺭ ﺑﻌﺪﻙ ﺑﺎﻟﺸﻐﻞ ...

ﻻﺭﺍﺟﻊ ﻟﻠﺒﻴﺖ ﺑﺮﺩﺕ ﻭﺍﻟﻤﻄﺮ ﻗﻮﻱ ..

ﺩﻳﺮ ﺑﺎﻟﻚ ﺍﻧﻲ ﺣﺎﻧﺎﻡ ﺗﻌﺒﺎﻧﻪ ..

ﺷﻠﻮﻧﻬﺎ ﺍﻟﺤﻔﻠﻪ ..

ﺗﺠﻨﻦ ﺑﺲ ﺿﺠﺖ ﺍﻧﺖ ﻣﺎﻛﻮ ..

ﻏﻴﺮ ﺷﻐﻠﻲ ﻫﻮ ﺍﻟﻤﻦ ﻏﻴﺮ ﺍﻟﻲ ﻭﺍﻟﺞ ﻳﺎﺣﺒﻴﺒﺘﻲ ..

ﻟﺸﻮﻛﺖ ﻧﺒﻘﻰ ﻫﻴﺞ ﻫﺎﻱ ﻋﻮﺩ ﺍﺣﻨﺎ ﻣﺨﻄﻮﺑﻴﻦ ﺑﺲ ﻣﻦ ﻧﺘﺰﻭﺝ ﺷﻠﻮﻥ ..

ﻻ ﻫﺎﻱ ﺗﺨﺘﻠﻒ ﺑﻌﺪ ..

ﺧﻞ ﻧﺸﻮﻑ .. ﺑﺎﻱ

ﺑﺎﻱ ﺣﺒﻴﺒﺘﻲ ﺍﺣﺒﺞ ..

ﺍﻭﻭﻭﻑ ﻣﻨﺞ ﺍﺯﻝ ﺷﻜﺪ ﺗﺤﺒﻴﻦ ﺍﻟﻤﻈﺎﻫﺮ ...

.. ﺿﻠﻴﺖ ﺍﻣﺸﻲ ﻋﻠﻰ ﻛﻴﻔﻲ ﻃﻠﻌﺖ ﺑﺎﻛﻴﺖ ﺍﻟﺠﻜﺎﻳﺮ ﻭﺳﺤﺒﺖ ﺟﻜﺎﺭﺓ ﻭﺍﻧﻲ ﺍﺩﺧﻦ ﻭﻛﻌﺖ ﺍﻟﺠﻤﺮﺓ ﻋﻠﻰ ﻗﻤﻴﺼﻲ ﻃﻔﻴﺘﻬﺎ ﺑﺎﻳﺪﻱ ﻭﺍﻧﺠﻮﻳﺖ ﻓﻠﺖ ﺍﻻﺳﺘﻴﺮﻥ ﻣﻨﻲ ﻧﺰﻟﺖ ﺍﻟﺴﻴﺎﺭﺓ ﻋﻦ ﻣﺴﺎﺭﻫﺎ .. ﺣﺴﻴﺖ ﺑﻀﺮﺑﻪ ﻗﻮﻳﻪ ﺿﺮﺑﺖ ﺷﻲ ﻭﻛﻔﺖ ﻭﺍﻧﻲ ﺣﺎﻳﺮ ﺑﻴﻦ ﻣﺎﺍﻧﺰﻝ ﻭﺍﺷﻮﻑ ﺷﻜﻮ ﺷﻨﻮ ﺍﻟﻲ ﺳﻮﻳﺘﻪ .. ﻟﻮ ﺍﺳﺘﻤﺮ ﺑﺎﻭﻋﺖ ﻣﺎﻛﻮ ﺷﺠﺮﺓ ﺍﻭ ﻋﻤﻮﺩ ﺷﻨﻮ ﺍﻟﻲ ﺿﺮﺑﺘﻪ ﺑﻄﺎﺭﻑ ﺍﻟﺴﻴﺎﺭﺓ ... ﻧﺰﻟﺖ ﻣﻦ ﺳﻴﺎﺭﺗﻲ ﺑﻌﺪ ﻣﺎﻣﺸﻴﺖ ﺷﻮﻳﻪ ﻟﻜﻴﺖ ﺷﻲ ﻣﻐﻄﻰ ﻭﺳﻤﻌﺖ ﺻﻮﺕ ﻭﺣﺮﻛﻪ ﺑﻄﻴﺌﻪ ﻣﻨﻪ ﻃﻠﻌﺖ ﺍﻟﺠﺪﺍﺣﻪ ﺍﻟﻲ ﺑﻴﻬﺎ ﺿﻮﻩ ﺧﺎﻓﺖ ﻭﻏﻄﻴﺖ ﺍﻳﺪﻱ ﻣﻦ ﻓﻮﻙ ﺍﻟﻀﻮﺓ .. ﻭﺍﺗﺠﻬﺖ ﻋﻠﻴﻪ ..

ﻫﺎﻱ ﺷﻨﻮﻭﻭﻭ

ﺍﻧﻲ ﺿﺮﺑﺖ ﺷﺨﺺ ﺑﺴﻴﺎﺭﺗﻲ ﺍﺭﻋﺒﺖ ﻭﺍﺗﻘﺪﻣﺖ ﺧﻠﻴﺖ ﺍﻳﺪﻱ ﺣﺘﻰ ﺍﺷﻮﻑ ﺍﻟﻤﻼﻣﺢ ..