يتيمه//

بارت ١

(بسم الله الرحمن الرحيم فَأَمَّا الْيَتِيمَ فَلَا تَقْهَرْ)

البارت 1

#اليتيمه

الكاتبه دلال

ابو حسن الحك الحك

ابوحسن خير شكو

ام حسن الحك بيت ابو تماره كابه النار بي

ابو حسن انطيني تلفوني بسرعه خلي ابدل ملابس
ابو قاسم لاحول الله البيت صار رماد

ابو حسن هسه جاي اتصل على اطفاء
ابو قاسم اتصلت اني

تمار عمو عفيه طلع بابا وماما رح ينجون

ابوحسن لاحول تعاي بابا شلته لاتخافين هسه يطلعون مابيهم شي

(تماره تبلغ من العمر 9 سنوات الوحيدة اهلها)
ابوقاسم اجت الطفاء والسعاف ادري وين صرتو البيت فحم وانتو هسه اجيتو
ابو الطفاء حجي خلينه انشوف شغلنه رجآ

ابو حسن البيت كابه بي النار صارله اكثر من ساعه

ابو الطفاء بعصوت عالي اشسويلكم على اتصال اجينه انطير خو مانطير

ابو حسن اخذت تماره وديتها للبيت وينج ام حسن خلي تماره يمج ديربالج عليه

ام حسن بجت ياايمه سوده عليه تعاي حبيبتي لاتخافين
تماره خاله اريد ماما وتبجي

ام حسن لاتبجين عيوني هسه تجي ماما

تماره خاله بيتنه احترك وماما وبابا جوه هسه ينجون وتبجي بحركه
ام حسن حبيبتي لاتبجين تعاي فوتي جوه العبي وي حسوني

..................

ابو حسن ركضت للبيت ابو تماره طفو شوي منه ركضت لبو تماره محترك كله منظره يقشر البدن من شفته ملابسه محتركه عليه وصاير اسود من فوك لجوه
هاخويه ابوتماره لاتخاف هسه رح ناخذك للمستشفى

اابو تماره ..بصوت خفيف بالكوه طلع تماااااره وينه تمااره

ابو حسن لاتخاف عليه يمي يمي
وصحت بصوت عالي ابو قاسم وين السعاف خليجون يلحكون الزلمه رح يموت

ابوتمار .. باوعتله تماا تمااا بمااانتك

ابو حسن كعدت بصفه واخاف حتى الزمه جسمه مايع مفحم وصاني بتماره وغمض

ابو قاسم لاحول ولاقوة اله بالله ام تماره ماتت ابو حسن

ابو حسن بجيت انا الله وانا اليه راجعون حتى ابوتماره انطاك عمره

..........................
ابو حسن رجعت للبيت ركض

ام حسن واكف وابوع على بيت ابو تمار دخان والنار خف دخل ابوحسن هاا بشر خومابيهم شي.

ابوحسن خليت يدي على صدري ماكدر اركض كلبي يدك سريع انطيني هويتي ومي خ اروح للمستشفى

ام حسن حاجيني ام تماره شي

ابوحسن انتقلو الى رحمة الله ثنيهم

ام حسن ضربت على خدودي عزه العزاني يمه ثنينهم فرد موته عمت عيني عليج تماره بعدج طفله هسه شكله وابجي

ابوحسن صوتج لاتسمع الطفله خطيه هاي امانه بقت يمنه دروحي انطيني هويتي خلي اروح للمستشفى

ام حسن رحت طبيت جوه اجيب هويته ابو حسن وحجي وي روحي وابجي يايمه ياام تماره سوده عليه شلون رحتى وعفتي بنتج

تماره خاله شبيج تبجين

ام حسن مسحت ادموعي لاخاله مابجي هاي صابون طب ابعيني بقت ادمع

تماره خاله نار اريداروح الماما رادت بيض خلي اروح انطيها البيض

ابو حسن غسلت اديه ونزعت دشداشتي كله صخام وطبيت ورا ام حسن سمعت تماره تحجي كلبي انمرد عليه دموعي نزلن ماسيطرت عليهن

دنكت على تماره بستها ولزمت العلاكه الي بيدها انطيني البيض باباتي وروحي لعبي وي حسوني

تمار لالا ماانطيك البيض ذن الماما تريد اسويلي كيكه

ابو حسن خانكتني العبره بالكوه مسيطر على نفسي اخذت نفس ماريد ابجي كدامها حبيبتي اني رح اوديها البيض زين

تماره هاا خوش هاك البيض وكله تماره تلعب ووووي حسوووووني شويه وتجي خلي تحطلي ككو بالكيكه زين عمو

ابوحسن هزيت راسي بمعنى اي بعد ماكدرت حتى احجي وياها اخذت البيض منه وكمت عنه خليت راسي على حايط وبقيت ابجي اخ يابويه هاي الطفله شلون بيه شلون رح تتعود على فراك امها

ام حسن جبت الهويه واني مصدومه من الي صار ماصدك جارتي وصديقتي تموت هي وزوجه نفس الساعه والمصيبه عدها بنيه صغيره
هاي الهويه اخذها امين

ابو حسن مسحت ادموعي اخذته الهويه وطلعت

ابو قاسم وينك اتاخرت

ابوحسن بجيت انقهرت على طفله هاي شلون راح اتعيش

ابو قاسم اي والله صعبه خابرت على مختار بلكي يعرف اهل المروحم اهل المرحومه

ابو حسن لا ماعدهم احد لن هم قبل 12سنه انهزمو من اهاليتهم وعاشو هنا وكاطعين علاقتهم ميتواصلين باحد كلي مره اهله متبرين منه وهم المرحومه هم يعني حتى فاصليهم من العشيره

جمعه المختار اسلام عليكم

ابو قاسم بو حسن وعليكم السلام

ابو قاسم خويه عندك معلومات عن بيت ابو تماره

جمعه كل الي عندي رقم تلفون المرحون وهو حجلي قصته اهله متبرين منه من قبل 12 سنه يعني هو مكطوع من شجره مثل مايكلون

ابو حسن لاحول الله لعد امشو خلي نستلم الجثث من المستشفى ونروح دفنهم وباجر انسويلهم ترحيم

جمعه اي اني هم رائي هيج
ابو قاسم والطفله شلون

جمعه المختار انوديه الدار الايتام هم يتكفلون بيه

ابو حسن لالا هاي امانه عندي المرحون بنفاسه الاخيره وصاني عليه

جمعه بس هاي مسؤليه
ابو حسن راجآ لاحد يدخل