وهم الحبيب ( القصه كامله )

البارت الرابع

مساء الخير حبايب كلبي

شلونكم شخباركم

#🌹 الكاتبه آمل الروح #🌹

................               ................

يا ترى ماذا نفعل حتى نتخلص

من الاوهام التي تسيطر علينا

حتى نستطيع أن نستمر بحياتنا

حتى لاندعها تستمر معنى

وتدمر  كل شي من حولنا

..........................................

رحمه ..ّ...ومرت لأيام وأني ابدا ما يوم من لايام
تقبلت وجود. مراد مع أنو مر على زواجنه شهر
وأني ابد وجاي احاول بس ما
يفيد شي هسه أني بيت عيالي
بس شلون عدي مرت حمه كله تحسدني
عليه😁😁😂😂😀😀
تخبل وطبعا هو لمشلوع كلبه هم يوم
يرتاح خاف أني جنت مرتاحه عدي
اهلي شويه اجت هاي كملت لراحه مالتي
ماعبالك مرت حماي تكول ضرتي

ومنا علاقتي بمراد تخبل كملت كله
بس كان شي حلوه لي مخليني
اتحمل هذا كله هو حنين اخت مراد دائما
واكفه وياي ومساندتني على كل شيء

لان هناء مرت حماي حيل وكحه واني
استحي احاجيه عيب من خالي ووعمتي
فه دائما كانت حنين هي لي ساعدني
بكلشي حته بعلاقتي وي مراد
دائما تحاول تقربنه من بعض
بس اني شسوي اريد اكدر بكل طريقه
انو ولو شوي احب مراد بس ابد

أما اني ومراد علاقتنه بس زوج وزوجه
يعني بس بل لفراش نلتقي هذا لشي لي
جامعنه بس ولا يوم من لايام حسيت بيه
أبد كنت اتمنه اجرب هذا لاحساس مع
زوجي بس ما كو شي كنو صنم
ما اتحرك

ومراد خطيه حيل تعب وياي
ودائما يكلي لو مو بت عمتي واستحي
من عمتي ما كنت باقي وجاي دقيقه لهسه
ودائما كان يكلي بس اريد اعرف شي
اني مزوج مره لو حجاره ما كو حساس
وطبعا هذا لشي حقيقية بس اني ما اعرف
شسوي ما بيدي شي و الله
دائما كنت وما زلت احاول انو احبه
بس ما جاي اكدر حيل تعبت ومليت من
هذا لوضع لي أني بي لان ما كو
وحده تتمنه تعيش هيج

كرهت كلشي بحياتي ومليت من هاي
لعيشه ويوم بعد يوم تزيد مشاكلي
مع مراد بس اني حيل تعبت من هذا لوضع
فه حاولت شويه اتغير واتفاعل
وي مراد بمساعده حنين انو لازم
احسسه انو أني احبه وتفاعل وياه

وسويت هذا لشي بس أبد ما فاد لان
مراد عرف بهذا لشي هو مجرد تمثيل
واني بالي وعقلي مو يمه وكالي بعد بطلي
هذا لتمثيل تره ما احبه بس اني اريد
استقر بحياتي وجاي اسوي كل لطرق حته
تتحسن علاقتي بمراد بس جاي تفشل
كل محاوله اسويه ........

ومرت الأيام وهناء تزيد بخبثه وياي
حته شغل ما تشتغل وياي لشعل كله عليه
هي بس باوقات لاكل تجي حيل كرهتني
بعيشتي وكل ما اكل لمراد عليه يكلي يعني
شسوليج اني ما اكدر اسوي شي عيب من اخوي
بس بهاي لايام الحمد لله علاقتي بمراد تحسنت
شويه  ظليت ابدل واتمكيج وانتظره
لمن يجي وكان كل هذا لشي لي
اسويه بلكي ولعل يوم من لايام احب
مراد هو حيل حبني وتقبني بكل
سلبياتي وكلي راح انتظر اليوم لي راح
تحبيني بيه

مراد شنو يخبل يموت عليه شنو اريد
يسويه اليه  ولا يوم رفضلي طلب
مدللني دلال لكل يحسدني عليه
صارت امنيتي لوحيده هي انو احبه 
ماخليت شي ما سويته نزلت مقاطع
من لموبايل حته اتعلم شويه تابعت مسلسلات
وأفلام بلكي شويه اتعلم حركه فد شي
يفدني
كل لطرق جربته ما خليت طريقه تعتب عليه

حته الامئه عليهم السلام دعيتهم كلهم
حته اضل احب مراد

بس شسوي لهذا عقلي لعايش
بل لاوهام ولخيال لي ابد ما راضي ينسه
ما اعرف شنو لسبب لي مخليه دائما على بالي
وما يروح منه اه يا احمد والله شلعت
كلبي هسه اني جاي اعوف لحب لحقيقي
واركض وره الاوهام مالتي لي
راح ادمر حياتي

يعني هي لوحده منه شتريد من هاي الحياة
غير زوج يحبه ويحترمه ويقدره
واني كل هذا لشي عدي بس ما تارس
عيني متعافيه على لنعمه لي اني
بيه ..............

مااريد اخسر حياتي ومااريد اخسر مراد
بس شسوي يالله فدوه ساعدني ما عدي غيرك
الجله اله 😢😢😢😢😢😢😢
صح علاقتي بمراد صارت احسن
بس مو مثل ما تتخيلون لا
بقه يعمه لبرود لشي لوحيد
لي تغير هو انو كلشي يطلبه مني مراد
انفذه اله من غير تردد او نقاش بينه
هو هذا لشي لي تغير قبل لا كنت كله بكيفي
ولي يعجبني اسويه لهذا لشي دائما
كانت مشاكل بيني وبين مراد
بس بعد ما عرفت مراد
حيل كرهت نفسي لان هيج جاي اصرف
ويا وهو ما يستاهل كل هذا لشي مني
الان جاي اظلمه وياي وضميري جاي يانبني
بس ما بيدي شي اسويه اله ..........

يتبع

#🌹 الكاتبه آمل الروح🌹#

لبارت كان قصير بس إن شاء الله راح اعوضكم
بارت هديه مني الكم

اتمنه شاركوني بتعليقاتكم وتصويتكم على لقصه إذا عجبتكم

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹احبكم 🌹🌹