طالعة من الجامعة معصبة من الدكتور ورايحة لعندو محل ما يتلاقو كل يوم بكون جايبلها شطي مطي وشوكولا وغزل البنات وفطيرة جبنة ووردة طبعا ولونها أحمر لونها المفضل بيعرفها من أطفال الحجارة بضل جوعانة
هو:شبك مبوزمة
هي: مافيي شي
هو:شبك مو رايئة
هي:مافيي شي
هو:شبك زعلانة
هي: عم ئلك مافيي شي
هو:مين مزعلو للحلو
هي: لك شه عم ئلك مافي شي
هو:طيب خدي كلي أكلاتك
بتمسكهن وكأنو مشردة ومن شهور مو آكلة مع إنو كل يوم بجبلها متلهن
هو:شو حبيبتي أهلك مابيطبخو يعني
هي:ماتحكي ع أهلي ولاااه
هو:طيب طيب سكتت
هي:وين المصاصة بعدين
هو:ليكها بالجيبة يخرب عئلك فكرتك نسيانةكنت رح آكلها انا
هي:اي بلا فجعنة هاتها
هو:اي خدي يامشردة
هي:ون ون ون دب دب (غمزها وقلها)
هو:خطيبتي مين كان مزعلك
هي: لا تغمز عم تطلع كوع
هو:تضربي إنتي ويلي بدو يغمزك...شو كان فيكي ولي
هي:هاد الدكتور الدب عطانا أربع ساعات وانا كنت جوعانة
هو: هلأ مشان هيك...طيب ئومي لحتى نبهدلو
هي:لك بلا جنان تعال تعال
هو:لكن شو بدك ياخطيبتي
هي:امممم بدي تخطبني عنجد
هو: اي بأمر عيونك انا (راح ع دكانة)
هو:معلم هات كولا....يسلمهن
بيفتح الكولا وبشيل الطبة وبطالع الوردة وبتلبسها الطبة عأساس هي الخاتم
هي:عم تتمسخر عليني ولا
هو:هاد خاتم حبنا
هي:بتعرف شو
هو:لا ئليلي مابعرف
هي:لك عنجد صاير بليد تضرب إنت ويلي تعرف عليك
هو:طيب بتعرفي شو هي:مابدي اعرف بس شو
هو:بحبك انا
هي:اي أصلا بعرف
هو:وضريب ولي حبيني يلا
هي:بتجبلي بوظة
هو:اي بجبلك
هي:طيب بعشئك انا
هو: ويلي انا عم دوب من هالكلمة
هي: اي يلا امشي بسرعة
هو:لوين
هي:ناكل بوظة
هو:لعنتي ام الرومنسية عفكرة....ئومي خلصيني أوعك يزحط الخاتم ها
هي:لا لا مارح يزحط
هي:مابدي حدا غيرك بألبي مطرحو ولا بدي حدا غيرك عينيي تلمحو بدي إيدينا يلتقو ألبك حدا مايسرئو وتبئى إلي
أنت تقرأ
عاشقان
Romanceطالعة من الجامعة معصبة من الدكتور ورايحة لعندو محل ما يتلاقو كل يوم بكون جايبلها شطي مطي وشوكولا وغزل البنات وفطيرة جبنة ووردة ........................
