وكيف أهرب منه إنه قدري هل يملك النهر تغييراً لمجراه للكاتبة/ بوح.الصمت

الجزء الثلاثون

البارت 30

جود كانت تتقلب مو قادرة تنام فهد من لما سافر لا اتصل ولا سأل وهي من بعد الي صار ما تجرأت ترسله رسلت لغيداء وسناء
عند سالم وسارة بأميركا
سالم: جهزي نفسك بكره راجعين 
سارة: والله اني خايفه من ردة فعل اهلك لما يشوفوني وملما تقولهم انك تركت دراستك
سالم: أولا انتي زوجتي وثانيتا انا ما تركت دراستي انا بكمل مدري ليش كل هالخوف
سارة: لا تلومني انت صرت لي كل شي بحياتي أخاف افقدك أخاف يجبروك تتركني 
سالم مسكها من ايدها وكأنه يطمنها : مستحيل فيه أي احد يجبرني اني اتركك 
سارة ابتسمت ونامت فحضنه وهي حاسه بالأمان الي خايفه انها فيوم تفقده 
................
يوم جديد مليئ بالمفاجاءات الحلوة والمرة
جواهر وراشد كانوا يرتبوا الجناح مالهم بعد ما وصل الأثاث الي كله كان هادى وجميل على ذوق جواهر وجواهر كانت ترتب الملابس والاغراض الي خذتهم 
ريم دخلت عليهم من غير ما تدق الباب : وواوو واووو كثير حلوو حبيت 
جواهر: تسلمي حبيبتي 
راشد: يالله ايدك معنا ساعدينا 
ريم: من عيوني انا كم جواهر عني 
جواهر: يا عمري 
جود صحت من النوم وأول شي سوته فتحت تلفونها تمنت تشوف رسالة او اتصال من فهد 
فهد كان يتمشى في الشوارع ويطالع المناظر الخضرا كان يتمشى ويريد يصفي ذهنه من كل شي مزعج وبنفس الوقت يستغل هالفرصه ويعيد النظر بكثير مواضيع 
...................
فبيت أبو سالم من بعد ما اتصل فيه أبو رعد وقاله انه بيزوره وهو متوتر مو عارف سبب الزيارة 
فبيت أبو رعد 
فاطمة كانت فغرفة رعد تصحي رعد (فاطمة اخت ام رعد تزوجها أبو رعد بعد وفاة زوجته وهي الي مربيه رعد من لما كان طفل)
فاطمة: رعد يمه قوم ورانا يوم طويل اليوم 
رعد: خالتي خليني بنام شوي والله تعبان 
فاطمه حز بخاطرها كلمة خالتي رعد حس على نفسه وقام
فاطمة: اول مرة تقول خالتي 
رعد: انا اسف يمه(باسها على راسها) والله مو قصدي
فاطمة: طيب يالله قوم بسرعة
رعد: ان شاءالله
عند رغد الي تحسه أسوأ يوم بحياتها يوم خطبتها من هالانسان الحقير الي دمر حياتها 
رفا: رغد حبيبتي من مصلحتك توافقي وبعدها تطلبي الطلاق منه وهي فرصه تنتقمي منه
رغد: كيف
رفا: لا تخليه يتهنى فحياته ذوقيه المر مثل ما سوا فيك 
رغد: انا ما اتحمل أكون مع هالانسان فمكان واحد 
رفا: ما عليه ادري حبيبتي لكن ما فيه أي حل ثاني وانتي عارفه بعد الي صار هذا الحل الوحيد وزين انه جت منه 
................................
جود بنفسها(انا لازم اعرف نهاية هالحياة الي عايشتنها والله تعبت والله احبك يا فهدانت غيرت حياتي وخليتني احب هالحياه واتعلق فيها بعد ما كنت احس نفسي ضايعهاذا تركتني والله اضيع ) نزلوا دموعها على دخلة ريم 
ريم استغربت من الدموع الي بوجهها: الحلوة شفيها تصيح كل هذا شوق لفهد
جود ابتسمت لان هي فعلا مشتاقتله 
ريم: ما تواصلتي معه 
جود هزت راسها بمعنى لا 
ريم يا برودك تعالي أقول تعالي واتصل من تلفونها على رقم فهد وخلته ع السبيكر 
ارتجفت جود لما سمعت صوت فهد حست بالشوق اكثر لما سمعت صوته
فهد: هلا بريومه 
ريم: هلا هلا شخبارك كيف كذا توصل ما تتصل فيه ناس عندنا نشفوا دموعها من البكا مشتاقين (وغمزت لها كانت جود حاسه باحراج)
فهد بنفسه (معقوله تقصد جود): الي مشتاقلي يكلمني بروحه بدون واسطات 
ريم: الله يعينكم كل واحد يكابر على حساب نفسه يالله باي
جود كان وجهها قالب احمر من الحيا
ريم قرصتها من خدودها: فديت الي يستحون 
سحبتها من ايدها: قومي خلينا نروح نشوف جناح جواهر وراشد بعد التعديل والاثاث الجديد والدور على جناحكم بنبدأ فيه قبل لا يرجع فهد 
.......................
مهرة رجعت وكان الكل مرتبش اول حد شافته فوجهها حنان
مهرة بهمس: يالله صباح خير 
حنان اول ما شافتها اختفت الابتسامة من وجهها
مهرة بابتسامه مصطنعه: صباح الخير 
حنان: هلا 
مهرة: الا وين خالتي والبنات 
حنان: شود راني تبيهم دوريهم بروحك
مهرة تنرفزت من اسلوبها الوقح دخل غسان وف ايده شنظه ملابس مهرة 
غسان: حبيبتي 
حنان ومهرة بنفس الوقت: نعم حبيبي 
غسان: اكلم مهرة 
حنان حست بغيض وقهر وتركتهم وتوجهت للمطبخ
مهرة: هلا حبيبي شو بغيت
غسان: انا نسيت اقولك ان اليوم بيجي ناس يخطبوا رغد ويشوفوها انا بطلع الشنطه للغرفة وبعدها فيه أغراض ناقصة بروح اجيبها لان السواق ما بيعرف
مهرة: طيب حبيبي 
كانوا متجمعين فغرفة رغد رفا وام سالم ورغد تجرب الفساتين دخلت عليهم مهرة 
مهرة: السلام عليكم 
الكل بصوت واحد: وعليكم السلام
مهرة: صحيح الي سمعته
الكل كان فرحان ويسولف عن الخطبة الا رغد الي كانت تحس بنار بداخلها ومحد حاس فيها راح توافق على انسان غصبا عنها انسان اغتصبها واخذ منها كل ما تملك 
حنان بالمطبخ كانت معصبه وتتوعد بمهرة رن موبايلها 
حنان: هلا فيك وينك انت انتظرك من الصبح المهم انا بتواصل معك علشان نتفق بموعد تنفيذ الخطة 
الشخص المجهول : تحت امرك بس اول استلم المبلغ الي اتفقنا عليه
حنان: النص قبل والباقي بعد 
باليل الكل كان كاشخ وينتظروا الضيوف ومهرة وحنان ورفا وريم وجواهر مع رغد بالغرفة
ريم: رغوده حياتي والله قمر قمر 
جواهر: ما شاءالله عليك حبيبتي الله يحفظك
مهرة: بيروح فيها الرجال 
حنان كانت مو معاهم سرحانه وكل همها بس كيف تدمر مهرة وتبعدها عن حياتها وحياة غسان
رنا دخلت عليهم : بنات الضيوف وصلوا نزلوا 
(نرجع بالوقت لكم ساعه ورا
أبو سالم: رغد اذا ما تبيه انتي مو مجبورة وانا أصلا ما ابي هالزواجه تتم انا مدري ليش وافقتي عليه بعد كل الي صار
رغد: هذا قراري يبه وبعدين انا ما شفت منه الا كل خير هو ما قرب صوبي ابد ويمكن الي سواه هو وابوه نتيجه ضغط او ازمه مروا فيها 
أبو سالم: طيب يا بنيتي دام هذا قرارك ما اقدر أقول شي)