وكيف أهرب منه إنه قدري هل يملك النهر تغييراً لمجراه للكاتبة/ بوح.الصمت

الجزء الرابع والاربعون

البارت 44

المعاريس سافروا شهر العسل بسويسرا كانوا مستانسين وكانت ريم اول مرة تروح سويسرا عكس سيف الي زارها كذا مرة كانت فرحانه وحابه تزور كل مكان ما تبي تضيع فرصة وجودها بسويسرا من غير ما تستانس بزارة كل الأماكن الحلوة
.......
عند رغد الي كانوا ينتظروا الصبح يطلع عشان يفتحوا عيون رغد 
دخل الدكتور وعيون رعد متوجهة عليه وكله رجاء انه رغد تفتح من جديد
جلس الدكتور مقابل رغد: الحين بنشيل الشاش عن عيونك 
رغد كانت خايفه وترجف: طيب
ورعد الي كان واقف ومتوتر
الدكتور: بسم الله
بد يشيل الشاش وبعد ما خلص : رغد فتحي عيونك 
رغد كانت تحاول تفتح عيونها وصارت ترمش بعيونها كذا مرة 
الدكتور: بشري رغد تقدري تشوفينا 
رغد كانت توزع نظرات عشوائية على الغرفة بدت دموعها تنزل 
الدكتور ورعد انصدموا 
رعد قرب منها: شفيك حبيبتي 
رغد: انا اشوف رعد انا نظري رجع انا اشوف 
حضنها رعد بكل قوته: الحمدلله الحمدلله
الدكتور والابتسامة بوجهه: الحمدلله وحمدلله على سلامة المدام الحين بكتبلها على ادوية لازم تلزم فيهم خلال الفترة الجايه عشان ما ترجع حالتها تنتكس مرة ثانية وبعدها تقدر تاخذها 
رعد: ان شاءالله مشكور دكتور على كل شي سويته معنا 
الدكتور: واجبي 
طلع الدكتور ورعد ما زال حاضن رغد ورغد تبكي من الفرحة
رجعوا البيت واستقبلتهم فاطمة بعد ما عرفت بالي صار 
فاطمة تقدمت من رغد وحضنتها: حمدلله عالسلامة حبيبتي 
رغد: الله يسلمك خالتي ومشكورة على كل شيس ويتيه لي الفترة الماضيه ووقفتك معي
فاطمة: ماله داعي تشكريني هذا واجبي وانتي مثل بنتي وبعدين انتي مرت الغالي 
رغد طالعت رعد بنظرات ما فهمها ابتسمت فوجهه وبعدين استأذنت لغرفتها عشان ترتاح 
رعد طلع وراها 
رغد شالت عباتها وانسدحت عالسرير وهي تتنفس براحه دخل رعد وقرب منها 
رغد قامت وحضنته وباسته على خده رعد تفاجأ من حركتها وحس براحة بداخله لان عرف انها كسرت كل الحواجز بينهم 
رغد: تصدق اني حسيت اليوم اني انولدت من جديد فرحتي اليوم ما تنوصف 
رعد: من حقك تفرحي حبيبتي 
رغد: انا اسفة على كل شي سويته بحقك 
رعد حط اصبعه على فمها : اوششش ما ابي اسمع هالكلام مرة ثانية منك ومن اليوم اعتبرينا بنبدأ حياة جديدة وبعدين عندي مفاجأة لك
رغد تحمست: شو 
رعد قام وفتح باب الكبت وطلع فستان ابيض انيق وبسيط 
رغد فتحت عيونها وفمها على وسعهم من الفرحه لما شافت الفستان وقفزت من السرير 
رعد: شوي شوي يا بنت 
رغد مسكت الفستان: هذا لي 
رعد: أي
رغد: لكن شو المناسبة
رعد: اممم ابي اسوي عرس جديد ما فيه الا انا وانتي 
رغد شبكت ايدينها حوالين رقبته: وراح يكون احلى عرس 
رعد: المفاجأة الثانية 
رغد: شو
رعد: العرس ما راح يكون هنا راح يكون بمكان انتي وايد تحبينه 
رغد: وين
رعد: عاد هذي ما راح اقولها المهم جهزي ملابسك وملابسي وطيارتنا باليل 
رغد: ما بتقولي 
باسها على خدها : لا .. انا بطلع اخلص كم شغله وبرجع وسمعت من خالتي تقول انه اهلك بيتغدوا عندنا 
رغد: والله مشتاقتلهم وااايد 
.........
ام فهد: فرحتوني بهالخبر راح اصير جده بنفرح بولد راشد وولدك
فهد: الله يخليك لنا يمه .. لكن مدري ليش احس ان جود مو فرحانه كثري بهالحمل
ام فهد: يمكن تحس انها بعدها صغيره على تحمل هالمسؤولية 
فهد: مدري 
.
.
رفا: حبيبتي رغوده حمدلله على سلامتك لما سمعت الخبر من امي فرحت وايد
رغد: الله يسلمك حبيبتي 
ام سالم: تعالي جلسي جنبي هنا خليني اشبع منك الفترة الماضيه كنتي حابسه نفسك ولا ترضي تطلعي وتشوفي أي احد 
رغد: شسوي يمه حسيت اني ما ابي اشوف احد كنت مضايقه وتعبانه 
فاطمة: الي راح راح خلونا ننسى الي صار 
سارة: اهم شي ان رجعتي رغد الي نعرفها الله يبعد عنك كل شر حبيبتي 
رغد: تسلمي حبيبتي ..الا وين مهرة 
ام سالم: الحمل متعبها ما قدرت تجي معنا تسلم عليك وايد
رغد: الله يعينها 
.
.
عند رنا جالسه مع ابوها 
أبو مهرة: رنا حبيبتي بكلمك بموضوع
رنا: تفضل يبه اسمعك
أبو مهرة: يا بنيتي فيه واحد تقدملك وانا ما عطيته رد مع اني مرتاحله هالشخص وأتمنى انه يكون من نصيبك لكن حبيت انه انتي توافقي قبل موافقتي انا 
رنا نزلت راسها وهي مستحيه ومتوترة: الي تشوفه يبه
أبو مهرة: ما تبي تعرفي من هالشخص 
رنا : من 
أبو مهرة: دكتور خالد الي كان يتابع حالة اختك مهرة 
رنا فتحت عيونها على وسعها : دكتور خالد
أبو مهرة: أيه دكتور خالد شفيك 
رنا: لا لا ولا شي 
أبو مهرة: طيب فكري وردي لي خبر 
رنا : ان شاءالله 
قامت وباست راس ابوها : يبه ممكن توديني عند مهرة اشتقتلها 
رنا: طيب تجهزي بوصلك الحين قبل لا اروح الشركة
رنا بفرحة: طيب دقايق واكون جاهزة
........
جود كانت نايمة دخل فهد وقرب منها وهزها بخفيف
جود بكسل: فهد وخر عني بنام
فهد: يكفي نوم والله مليت كل وقت نايمه أبا اشوفك اجلس معك والله اشتقتلك 
جود: بعدين فهد بعدين 
فهد: انا اراويك
شالها فكتفه وهي تصارخ وترفسه وهو يضحك عليها دخلها الحمام ونزلها وفتح الماي واخذ فكفه ماي وغسل وجهها 
فهد: اذا ما تقومي بالطيب انا اعرف كيف اقومك يالكسوله الساعه صارت 1 وانتي نايمة 
جود: حرام عليك 
طلع فهد من الحمام وهو يكلمها: 5 دقايق وتكوني تحت 
............
رغد ورعد وصلوا على المالديف كانت رغد كثير فرحانه لانها تحب هالمكان الي له ذكريات حلوة عندها كان رعد محضرلها مفاجأة 
رعد: يالله الحين خذي فستانك وغيري انا انتظرك خارج 
رغد: طيب 
رغد خذت شور سريع ولبست الفستان وحطت ميكب هادئ وناعم يتناسب مع الفستان والمكان الي هم فيه وشعرها سوته ويفي كانت طالعه جميله طلعت لرعد الي كان منزل راسه ويلعب بتلفونه 
رغد: خلصت
رعد رفع راسه فتح عيونه بانبهار من شكلها وجمالها وشعرها الي كانت نسمات الهواء تطيره تقرب منها ولا شعوريا