(انثى في فم ذئب ) الجزء الثاني البارت ٥
للكاتبة ياسمين العزي:
اول مافتحت الباب وكع عليه حارث وميبين من الدم
صحت عممممممه
حارث فدوه جاوبني شبيك
اجت عمتي تركض يمه ابني شبيه
ولك خابري سيف يجي بسرعه
يمامه...كمت ركض خابرت سيف اخذت مي وطلعت
ذبيت عليه مي شوي فتح عيونه
فدوه حارث لا تخوفنه
حارث...لا تخافون مابيه شي بس اريد ادخل للبيت
يمامه...لا يابيت سيف هسه يوصل ناخذك للمستشفى
حارث...لا تكبرون الموضوع جروح بسيطه
يمامه...انت ليش عنيد
حارث...اني هيج شسوي
يمامه...خليني اساعدك
حارث...اني اكوم وحدي
ام عمر...هاي شطلعت شبيك انت هذا دلال لو شنو روح شوف حالك
يمامه...خليني اساعدك اخذت ايده ومشيت وياه للبيت دخلته للغرفه
وجان يجي سيف متخبل
سيف...حارث كلي هذا ياكلب سوه بيك هيج
حارث...سيف عوف موضوع هسه مو وكته
سيف...كوم يمعود خلي اوديك لدكتور
حارث...لا يابه يادكتور اني زين
يمامه...حارث شوف وضعك ليش هيج انت عنيد
حارث...شبيكم ليش كبرتو الموضوع عادي بس جروح
يمامه...اباوع على عمتي وجها صار اصفر ولازمه راسه ركضت عليه عمه شبيج
ام عمر...دخت يمكن ضغطي صعد
سيف...يمامه جيبي عبايه امي خلي اوديه
ام عمر...لا هسه اصير زينه
سيف.. كافي لا تخبلوني كومي يمه انتي مريضه
ام عمر ...اي يمه كمت وانتي يمامه ديري بالج على حارث على ما اجي وعقمي جروحه جيبي معقم من الصيدليه بالمطبخ
يمامه...حاظر عمه ...طلعو واني رحت للمطبخ جبت المعقم والكطن طبيت للغرفه كعدت يمه على حافة الجربايه بديت امسح الدم من وجه
دا اوجعك
حارث..لا يمامه
يمامه...منو سوه بيك هيج
حارث...اكو غير مهند الكلب جايب جم زعطوط
يمامه...دموعي نزلت اني السبب اني دمرت الكل
حارث..اششش انتي مالج دخل
يمامه...من بجيت حارث كعد اتقرب مني ومسح دموعي بقيت مصدومه
حارث...عيوني واختي مارح اسمح لاحد يخليج تبجين واني موجود
يمامه...بقيت بقيت اباوعله
حارث...يمامه بس اصبري وهاي السنه راح تداومين
ماراح اخليج ادمرين مستقبلج
يمامه...وانت لا ادمر مستقبلك علمودي وزوج الي تحبه
حارث...اوف
يمامه...شبيك
حارث...مريم ماتدري اني ازوجت
يمامه...يعني ماراح تقدر الي صار
حارث...ماعرف يمامه ماعرف
يمامه...اسفه
حارث...جم مره كتلج انتي مالج ذنب شتردين يعني اشوفج انتي وابن اخويه تدمرين واني اسكت
يمامه...ربي يخليك شوكت راح تحجي ويه حبيبتك وتفهمه
حارث...اول شي عندي احساب اريد اصفيه
يمامه..فدوه حارث مالك شغل بمهند ماريد مشاكل
حارث...الله كريم
يمامه...يلا انت ارتاح اني اكون اسوي غده هسه يجون واني بعدني ممسويه شي
رحت للمطبخ سويت دجاج وبرياني واني دايخه بكل
الي ديصير اذكرت شلون مسح ادموعي ابتسمت
راسن خطر ابالي عمر واختنكت
اه ياعمر اه ....
حظرت كلشي اجو وصبيت الهم الغده وصار حجي
بس حارث ماكال مهند كال اتعاركت ويه واحد بالشارع
صبيت غده لحارث وحده واخذته اله بالغرفه
حارث...اني مو جوعان ليش تعبتي نفسج
يمامه...لا تعب شنو لازم تاكل
خليت يمه الصينيه تكعد ياكل واني خليت عموري بحظني واباوع على حارث حيل بيه شبه من عمر
بس حارث اسمر
حارث...شبيج صافنه عليه هههههه
يمامه....هااا لا والله دا افكر بشغله وصفنت ..عزه انتبه عليه واني صدك دا افكر بعمر
مرت ايام وحارث صار زين والي عرفته منه انو
كاتل مهند كتله زينه ومهدده انو مايتقرب منه
حارث...حظري نفسج انتي وعموري
يمامه...وين
حارث...نروح نتعشه ميصير يعني
يمامه...لا حارث ميحتاج اباوع على عمتي خزرتني
حارث...امشي يمامه خطيه عموري هم نطلعه شويه
يمامه...ماشي هسه نبدل
حارث...يلا بسرعه
يمامه..طبيت ابدل واني مامقتنعه دخلت عمتي
ام عمر...يمامه اسمعي الكلام ولا تعبيني وياج
يمامه...عمه ماعرف انتي شدا تحجين الولد يحب بنيه وعنده حياته تردين اني اجي اخربه مستحيل اقبل
ام عمر...يمامه بنتي والله اريد مصلحتج حارث وين يلكي احسن منج وثاني شي كولي خليتي يشوف
حياته وانتي شنو تاليتج وين يصفي بيج الدهر
يابنتي البنيه ماله غير زوجه
يمامه...واني زوجي مات
ام عمر...ادري بيج تحبين عمر بس عمر دفتر وسديه انتي بعدج بأول عمرج وهاي الدنيا ماترحم
يمامه....لا يكون انتي كلتي لحارث يطلعنه
ام عمر...اي شكو بيه
يمامه...اوف عمه والله ماعرف وين تردين توصلين
ام عمر...اريد اوصل للخير
حارث...يلا يمامه اتاخرنه
ام عمر...يلا روحي ومعليج خليه عليه
يمامه...طلعت واني افكر يالله عمتي شدا تفكر
صعدت بالسياره
حارث...شبيه لا يكون نفس المحاظره
يمامه...فتحت عيوني عزه يعني حاجيه وياه نفس الحجي
حارث...شبيج ما احجي وياج
يمامه...ليش شنو حجت وياك
حارث...لا هيج ماكو شي
يمامه...عزه فشله والولد مايشوفني اله اخته يجوز هسه يفكر اني هم اريده وصلنه يم مطعم
وعموري يباوع ويظحك
حارث...شفتي شلون فرح
يمامه...اي سوده عليه من زمان ماطالع....
كعدنه ناكل وحارث كعد عمور بحظنه
واني اكل واباوع عليهم فجئه بنيه حلوه مبينه نفس عمري وياها مره مبينه امه
كالت مساء الخير
وحارث رفع راسه مصدوم واني بس اباوع
حارث..هلا مريم
مريم...لا ماريد ازعجكم بس ماعرفتنه منو وياك
يمامه...الدمعه صارت بطارف عيني
حارث..هاي مرتي وهذا ابن اخويه
يمامه...بقيت مصدومه من كلامه
مريم..شنو حزوره
حارث...لا هاي زوجة المرحوم اني ازوجته وهذا ابنه
مريم...شكد كرهتك انت واحد كذاب ومثير
يمامه...حارث عيونه صارت برأسه من غلطت غلطت عليه مريم كام ولزمه من ايده حيل ولج على منو تجاوزين
يمامه...فدوه حارث من العالم
ام مريم...على كيفك ابني ترى البنيه مصدومه
حارث...خاله اخذي بنتج وروحي
مريم...يصير خير حارث
حارث...امشي من وجهي لا ابتلي بيج هسه والله
مريم ....لا والله صير انت ابو الحق
ام مريم...ولج امشي ليش لسانج طويل
حارث...خاله اخذي بنتج وروحي ماريد مشاكل
مريم...اي عيني رايحين وانت اتونس
حارث...لا صدك راح ابتلي بيج
يمامه...بقيت بس اباوع اتمنى الكاع تنشك وتبلعني فشلت من حارث راحت هيه وامه
حارث...يلا يمامه احنه هم نرجع للبيت
يمامه...بدون صوت مشيت كل هذا بسببي شريد اكول حتى استحي احجي
ومبين على حارث شكد يحبها طول طريق ساكت
وصلنه البيت والدمعه بعيني
بقى نزلت بسرعه اني ماكو احد الظاهر الولد طالعين وعمتي نايمين
دخلت للغرفه خليت عموري ع الجربايه واني كعدت
جوه وخليت ظهري ع الجربايه حسيت داخلي انهار
شلون مرات بغلطه مني دمرت نفسي ودمرت الكل
وياي بس ميفيد الندم يمكن لو سوسن باقيه وياي بوقته وياي جان ماصار الي صار ويمكن لو حاجيه راسن لأهلي هم ماجان صار الي صار
صرت ابجي بصوت عالي اني السبب بكلشي وهسه
دمرت حارث ويمكن عمر هم مات بسببي
صرت ابجي واملخ بوجهي
دخل حارث عليه رفعت راسي عليه
يمامه...حارث اني اسفه
حارث...ولك شمسويه بنفسج خبله وانتي شعليج
يمامه...اني السبب اني دمرت الكل اني الغلطانه
ليش انتو الي تتعاقبون ليش
والله اني استاهل الموت يارب موتني بعد ماتحمل
اريد اخلص واخلص الناس مني
حارث....اشششششش ماقبل هيج تحجين
يمامه...رفعت راسي عليه انت هم خسرت حياتك بسببي مو ودموعي نزلت
حارث....لا ماخسرت شي كافي تبجين تعاي
يمامه...جرني حارث لصدره وحظني.....
أنت تقرأ
أنثى في فم ذئب
Ficción Generalانثى تتعرض للأغتصاب من اقرب الناس لها ياتره من يصدقها لتعاني ماتعاني احزان قصة حقيقه #
