مكتوبتلك

الحلقة السادسه

الـحـلـقـة #الـسـادسـة6⃣
.
.
.
#مـكـتـوبـتلـگ❤
.
.منقووول
.
اني..اهلا
مروان..اهلين كيف حالك
اني..الحمد لله اي كيف قتلي
مروان..ولت حالتها صعبة وبكري عطوها جرعة كيماوي حالتها تقطع القلب امي يا شمس تمشي من بين يديا زي ما مشي بوي بالزبط علاش مكتوبلهم يتعذبو ويعذبوني معاهم💔
اني..قل ما يصيبنا الا ما كتب الله لنا يعني هدا مكتوب من ربي والي مكتوب ع الجبين لازم تشوفه العين يعني صح هي امك وهي حياتك ولو غابت ع العين اتظلم في عينك الدنيا لانة هي الي تدعيلك في كل وقت هي الي تحبك اكتر وحدة وتخاف عليك وهي الي مستحيل تعيش من غيرك هي الي توكل وتشرب هي الي تسهر علينا كان مرضنا هي الي تسألنا كان نبو حاجة هي الي اول ماتصير معانا حاجة تعلم بيها هي نصنا التاني هي الي تكافح ع خاطرنا تتحمل كل شي ع خاطرنا هي الوحيدة في الدنيا هدي تتمنا الخير ليك ربي مايوريك فراقها ربي مايذوقك مرارة فراقها ربي مايغيبها عليك ويخليها تاج فوق راسك لازم تكون جنبها طول الوقت ولما تاخد جرعة الكيماوي لازم تكون واقف جنبها ومعاها وكون قوي قدامها باش تقويها ماتكونش ضعيف رد بالك تبكي قدامها هي تستمد في القوة منك ومن خواتك كونو قدامها ياجبل مايهزك ريح ماتحسسوهاش ان خلاص انتِ انتهيتي حبيبي هدا مرض بس وهو هكي والا هكي بنموتو هدا المرض بيوجع صح بس هو بيوريك ان نهايتك قربت خلاص هدا هوا لكن احني مكتوبلنا كلللنا بنموتو الموت علينا حق ولااازم تعرف الشي هذا لازم تقوي نفسك قدامهم انت خوهم وبوهم وسندهم في الدنيا لازم تكون قوي قدامهم حتى يقدرو يوقفو ع رجليهم👌🏻💔
مروان..شمس ماتسيبينش انتِ الي تعطي فيا في القوة انتِ الي مخليتيني واقف ع رجليا لعند توا شمس بكلامك هدا اني وعيت ع عقلي بس ردي بالك تخليني حتى انتِ اني عارف امي خلاص قرب يومها بس عندي امل صغير انها تنوض💔وان شاءالله ربي يشفيها او ياخدها من دون ماتتعذب اكتر من هكي والله ماقادر نتحمل نشوفها هكي تتعذب
اني..الله غالب ربي يشفيها يارب خلاص توا سكر وارتاح ماتفكر في شي ريح راسك شوية باش تبدا يوم جديد ماتندريش ربي شن داس لغدوا مرات خبر حلو يفرحك ومرات خبر حزين يحزننا كلنا لكن في كلا الحالتين حيجي خبر حلو ويفرحك وينسيك همومك❤ف خلي املك بالله كبير مهما صار ومهما انكسرت حيجي يوم وحتفرج
مروان..ان شاءالله هي تصبحي على خير
اني..وانت من اهله💕
سكرت منه وع طول للنوم معاد نندري عليها لعند الصبح💤
.
.
.
ماما..شمس شمس نوضي ياسر بنتي نوضي
اني..اااه كتفي
ماما..بسم الله خيرك
اني..نعرفش شكلي اشبح كيف راقدة
ماما..ردي بالك عاد
اني..حاضر
ماما..خديتي دواك امس؟
اني..ايه خديته وقعدت ساهرة مع يوسف ومرته لين روحو
ماما..روحو امخر ؟ رقدت اني
اني..ايه كلكم رقدتو وخليتوني اني
ماما..هههههه هي نضوي دوشي واهو طلعتلك حوايجك واني وتيت الفطور هيا
اني..باهي
نضت دوشت وكان كتفي يوجع هلبا ولبست ونزلت وشادة يدي نبي نحركها
بابا..صباح الورد ع شموستي
اني..صباح الخير بابا 😓
بابا..خيرك
اني..كتفي يوجع
تيم..اكيد رقدتي غلط عليه
اني..ايه ممكن
تيم..معاش ترقدي عليه حاولي تعودي روحك ترقدي ع جيهة التانية
اني..باه
حازم..نمشو للبحر اليوم بوي
اني..اييييه😍
بابا..اسبح تو مش كان كتفك يوجع
اني..عادي تو يمشي الوجع مامشيناش بحر بكل
بابا..بتقولولعمامك والا شنو
حازم..خليها احني بس بوي تو مرة تانية نمشو مع بعض
بابا..باه براحتكم كلمو يوسف
تيم..كلمته ممن بكري
ماما..صار متفقين 😅
حازم..بالزبط 😂
نضت اني بعد كملت فطوري ووتيت حوايجي نزلت مع ماما بنوتي معاها الحجات
حازم..قعمزي انتِ مفروض ماتحركيش كتفك تو يزيد يوجع تو نديرو معاها احني
تيم..ايه
ماما..اني بنركب نوتي الحوايج انتع بوك وانتم ديرو بروحكم تعلمو😂
ماما ركبت وخلتني معاهم قعدت واقفة عليهم جيب هدي حط هدي دير هدي لسن دهشوني
اني..شطااار
حازم..😂😂يصير مننا
تيم..ايه وين محمد قاعد راقد؟
اني..ان شاءالله ماناضش
حازم..تو بينكد بيقول ماخاطريش
تيم..اكدب عليه قوله قمر جاية تو تشوفه قدامك في السيارة
حازم..😂😂تم
اني..حرام علسكم تكدبوش عليه
تيم..اسكتي خلي ينوض
اني..😂😂بس كان سألي مادخلنيش ره
تيم..ساهل ساهل هي نرفعهم خلاص مش ناقص شي
اني..ايه ونزل الصاكو انتعي
تيم..باه
ركبت اني لبست قفطان ملون انتع بحر ودرت فوقه مالية ولبست مداسي ودرت وشاحي وطاقية خطر في بالي مروان ياترى توا شن يديررر؟ هي هي شمس علاش مهتمة بيه هكي شن الي ديري فيه هدا ياسر خلي الولد في حاله 💔
خش عليا تيم..هيا واتية؟
اني..ايه واتية هي
نزلنا وهو نزل حجاتي..
.
.
وصلنا للـ🏖 خدينا عشة نزلو خوتي الحجات واني فرشت الطاولة وغيرو خوتي حوايجهم لبسو شورت كل واحد وقعمزو ناض محمد خدي الشواية وولعها حطت طلعت ماما بضاعة المكرونة
حازم..يما تخاينا احني نديروها😊
تيم..ايه يام والله تجي مش عادية وفيسع ما طيب مش انتم ساعة باش اطيب الحاجة
اني..خليهم ياماما الفالحين اليوم اشبح شن جاهم😂ماتضيعيهاش الفرصة
ماما..براحتكم مدابيا اني😁
حط محمد الطنجرة صب الزيت ناض تييم يقرض في البصل وحطه في صونية وحط فوقه اللحم وحط كاشيكين طماطم وفلفل وملح وبزار وخلطهم مع بعضهم
اني..هدا شنو اللطف😕
ماما..هدا تمزريط خليهم تو نشوفو شن يطلع
تيم..قالك تمزريط😂تي تجي بنة مش عادية تو تشوفو
بابا..زمان لما نتزردو ديما نديرو فيها هكي
محمد..ها ريتو
وصل يوسف وجانا وزاد كراسي وقعمزنا مع بعض نضحكو ونهدرزو
كانت المكرونة قريب اطيب جاب يوسف تومة ودارها فيها وجاب قرون فلفل حطهم وبدت ريحتها تفحفح😍
اني..هيا بطني بدت تزوي اني جعت
محمد..هي طابت
جابت اميرة الصواني وصبها محمد وخدي يوسف الطنجرة وقعد يحك فيها
ماما..عقله في الحراق الولد هدا 😂
اني جيت قعمزت جنبه بي كاشيكي وسيفة عطيني🙂
يوسف..هاك خوديها كلها
كملت عقابها اني ونضنا قمنا المواعين ناضت اميرة بتغسل المواعين
بابا..برا معاها تخليهاش بروحها
يوسف..باهي
مشي يوسف معاها غسلو المواعين وجو
اني..حازم طلع الفواكه وحطهم الي بياكل ياكل
طلعهم حازم وقعدنا نهدرزو ونضحكو جو مليح غابت الشمس شوية نضت اني واميرة بنعومو
عمنا ليين ظلمت العين طلعنا دوشنا وبدلنا لقيناهم يشوو والجو يهبل🤗
اتصل فوني وكان مروان والحمد لله مدايراته سايلنت
اميرة..نوضي ردي
اني..شن بنقول باه
اميرة..تو نغطي عليك
نضت اني رديت عليه وكنت نرعش
اني..اهلين مروان
مروان..اهلا بيك وينك اليوم
اني..والله طلعنا من الصبح للبحر ماقدرتش نتصل بيك
مروان..اها جنبك هما
اني..ايه حولت من جنبهم بس بيني وبينك نرعش رعش 😂
مروان..حي لا معناها خلاص سكري وتو لما تروحي كلميني
اني..باهي بس قبل كيف حال امك
مروان..الحمد لله قاعدة اهي تقاوم لكن ما أظنش
اني..خلي املك بالله كبير
مروان..ان شاءالله هي خلاص سكري توا
اني..هي سلامات
مروان..سلام
.
محمد..وين شمس
اميرة..فونها شرين قالت قمر
محمد..حقا خيرهم ماجوش يا بوي
تيم..ماقلنالهمش احني كنا نبوها بروحنا وتو يوم تاني نمشو لي قرية مش مصيف
محمد..ايه ايه
ويشبحله هوا وحازم قريب ينقز عليهم
وتيم وحازم يضحكو😂
جيتهم اني وقعمزت
ماما..شمس شن جو قمر😊
اني..شنو
قرصتني اميرة
اني..ااه هههه باهي الحمد لله قتلي كيف مشيتو وماتقوليليش
بابا..قتلكم اني تو يحرجو خلاص الخميس الجاي شوفو مكان باهي نمشو مع بعض
اني..اه ههه ايه صح اي😁😅
يوسف قعد يشبحلنا ومش مصدق كلامنا
حازم فاتح فونه وفايت شن ندوو وتيم ناض يتكلم وقعمز قدام البحر ومحمد فتح فونه ومرة مرة يقلب في الشوا وماما تهدرز مع بابا واما يوسف مركز معاي اني واميرة
اميرة..اسمعي يوسف كأنه حس في حاحة ره ردي بالك امسحي اي حاجة عندك ومعاش تكلميه هلبا ردي بالك
اني..الله
اميرة..تشبحيلاش تو يفهم ان ندوو عليه
يوسف..شن توشوشو
اميرة..دوة بنات😏
اني..ديما في كل طبيخة غاطس 😂
يوسف قعمز جنبنا..باه انسة شمس خليني اني ومرتي دقيقة الزفت تمنيتكم ماتحبو بعض سحبتيها مني معش محصل معاها طريق
اني..صار هكي باهي يا يوسف تمام اهو نضت هي☺
اميرة..ياحمار هكي
يوسف..نعم
اميرة..قصدي اني حمارة خليتك بروحك هكي☺
يوسف..ايه ريتي الله غالب نوضي نتمشو
اميرة..باه
ناضو يوسف واميرة يتمشو واني قعمزت ناكل في سامينسة ونلوح في القشور ع حازم
حازم المرة الاولى ماعدلش بس لما كترتها عليه..ياعن.. قعمزي يابلوة قعممزي خيرك
اني..😂😂😂😂😂ووووه في شن لاهي ااه قول😎حييييي يابوي يا امي يخووون في اسيل حي حي
ماما شبحتله وبابا يشبحله قريب ينقزو عليه
حازم..كددب والله كددب يا بوي
ماما..ياحشمتي مع الناس شن تبيني نقوللهم
اني غمزت لبابا وبابا فهمني
بابا..هدي اخرتها يا ولد ااااه
حازم..والله الا تكدب عليكم ياسر بلا كدب يا بلوة امتى شفتيني انتِ
محمد..صح ريته بكري يكلم في وحدة تانية
حازم..علاش الكددب والله مادرتها
اني..😂😂😂ووووه جناااابي خلااص معاش قادرة نتحمل مقلللب
حازم..وحق ربي ماتتحشمو
بابا..😂😂😂
محمد..😂😂
ماما..خزي رعشتووني ناقصة انني خليتوني نفكر في العرس الي بعد شهرين وحاجزة وصارفة كل شي في النهاية يمشي يكلم وحدة تانية نهاره احرف
اني..🤣🤣🤣ماما مافكرت كان في هذا
بابا..شن خطر عليك
اني..تبي الحق زهقتوني كان قعدت في الحوش خير كل واحد شاد تلفون وفي عيونه وهدوكا مشو يتمشو وانتم تهدرزو اني مع منوو🙄
بابا..باه هاتو تليفوناتكم هي وهدرزو
حازم..تبيني نهدرز مع هدي اني😒
اني..ايييه تو نمشي ناخد الفون من تيم شوفوه كيف مقعمز وسارح 😂😂
مشيت لي تيم وقفت وراه وهو هااايم ويقولها نحبك حبكم برص ياوخيي😂 جبدت من ودنه التلفون وطحت فيها جري
تيم..يانعن.. والله لما نوريك
اني..ههههههههههههههههاااااي
ونجري نجري ونتلفت نلقاه واصل فيا ونكمل جري وهو يجري واني نجري لين كتفي بدي يوووجع معاش قدرت نجري بنوقف بس بيحصل عليا وقفت وقعدت نشبحله..وقف وقف وقف
وقف تيم..اسمعني اني نعطيك فونك وماتمسنيش والله كتفي ناض عليا😓
تيم..مالياش علاقة
اني..بالله عليييك🤧 اصلااا بابا قالي خوديه منه وهاتيه
تيم..خلي نمسح الي فيه وخوديه
اني..حيييي شن فيييه😅
تيم..هاااتي
اني..اصبر نشوف شن فيه
تيم..ماتخلينيش نفصل هاتي امه هني
اني..هاك ها خود الناس تسمع فيك باه مافكرتيش في الناس لما خديتيه علااااش
شدلي ودني وماشي بيا لي بابا والي يشبحنا يضحك علينا
بابا..اطلق اختك
اني..اييي كتفي يابابا
ماما..والله الا عيلة دردنو
اني..هوا كله منه كتفي يوووجع
ماما..من جريك
بابا..قعمزي ماه بدلتي جهد هلبا ارتاحي وانت هات تلفونك وقته هواا
تيم..ها خوده
خداه بابا ودسه في جيبه وقعمزنا نهدرزو ويوسف و اميرة اختفو بعدين جو
اني..وين كنتوو😂
اميرة..مشينا بعيد ماوصلنا لين رجليا طاحو
يوسف..ايه
اني..امممم بااااه
قعمزنا نهدرزو وناكلو ونضحكو فرحانين مع بعض بس اني نص فرحان ونص يفكر في مروان وكيف صاير فيه توا
كملنا وضمؤنا حجاتنا وروحنا كللنا دووش ونوم حتى بمروان ما اتصلتش رقدت كنت تعبانة وكتفي متعبني🤦لأمتى على هالحال💔
نضت الصبح
خشيت دوشت ولبست وقعمزت قدام المرايا نسرح في شعري وسرحانة في روحي كيف بديت هكي كيف شن صايرلي اني بدست انحبه امممم لالالا شن الدوة هدي لكن لازم نكلمه نشوفه كيف حال امه ضروري
اتصلت بيه مرتسن ماردش انشغلت عليه قلت ننزل وشوية ونركب نتصل خليت فوني في الشحن ونزلت
.
.
.
نزلت..صباح الخير ماما😊
ماما..صباح النور وتي الفطور☺والله ماعندي جهد
اني..حاضر هي
وتيت الفطور وحطيناه وقعمزنا فطرنا
اني..بنركب ماما نقرا وبعدين تو ننزل نوتي الغدي
ماما..باه
ركبت اني حطيت شيتاتي قدامي وقلت قبل ما نبدا نكلم مروان
اتصلت بيه مايردش اتصلت مرة تانية حتى هو ماردش بديت ننشغل عليه وحاسة ان في حاجة صايرة يارب خيير💔
قعمزت نقرا جتني ماما جابتلي قهوة وطلعت كملت نقرا لين دهشت قلت ننزل نطيب مع ماما
خديت فوني واني نازلة نتصل بيه بس مافيش رد قلبي قعد مشغول عليه🤦مش عارفة كيف نوصل فيه خشيت للمطبخ لقيت ماما مقعمزة تقشر في البطاطة
اني..شن نديرو ماما
ماما..ديري مكرونة مسقية واني تو نقلي البطاطة
اني..حااضر
قعدت نطيب وعقلي مع مروان
ماما..شمس شممس يابتنتي وين سارحة
اني..اااه نعم ماما
ماما..خيرك سارحة
اني..لا شي نفكر في الامتحان نعم شنو تبي
ماما..مديلي هدي نقرض عليها
اني..امباه
ماما..شمس منو الي واخدلك عقلك😊
اني..نعم
ماما..نعرفك اني
اني..بنقولك بس مزال مش متأكدة من مشاعري
ماما..كيف يعني
اني..في واحد في عقلي بس مزال مش متأكدة من روحي
ماما..اه من هوا هدا
اني..لحضة خلي نكمل هدي ونحكيلك كل شي بالتفصيل
ماما..باهي
~
~
درنا قهوة☕ وقعدنا نهدرزو وحكيتلها على كل حاجة🍃
ماما..ان شاءالله خير بس ماتكتريش معاه دوة يبيك اهو الحوش يعرفه غر تفك ازمة امه وبعدين قوليهاله
اني..ايه حاضر بس مزال نبي نتعرف عليه قبل ماما اني مانعرفش عليه حاجة غير الي قلتهولك
ماما..باهي ردي بالك بس خايفة عليك اني
اني..ايه عارفة
ماما..اصلا كنت حاسة توشويشك انتِ واميرة وجوك متغير بدي حسيت ان في موضوع
اني..هههههه
طاب الغدي وحطيناه تغدينا مع بعض والي هدا ناض طلع قعدنا اني وماما
اني..ايوا اميرة
اميرة..وين انتم
اني..في الحوش مكسدين
اميرة..باهب تعالو عندي نكسدو مع بعض
اني..تو نشوف ماما
اميرة..وردي عليا
اني..اووك
.
.
اني..مامااا
ماما..نعم
اني..كلمتني كنتك تبينا نجوها مكسدة بروحها
ماما..كلمتني جارتنا توا قتلي بنجيك بري انتِ
اني..امباااه ..ايوا اميرة اهو جاية اني ماما جايتها وحدة من الجارات
اميرة..تمام
مشيت لبست وطلعت💃🏼
.
.
.
اني..السلام علييكم
اميرة..وعليكم السلام واخيرا شرفتينا في حوشنا ههههههه
اني..هههههه والله بنجوك لكن معاش فضينا
اميرة..مناش خاشين ره بنقعمزو برا عييت منه الحوش
اني..باهي خلي نحط حجاتي ولاحقاتك😊
نحيت عبايتي وواسيت روحي وطلعتلها
اني..ايييه شن جوك
اميرة..الحمد لله😌وانتِ
اني..ااااه خليني ساكتة
اميرة..شن في
اني..شكلها امه يناري توفت مافيش ولا خبر منه مقفل من الصبح
اميرة..ترا جربي توا
اتصلت ولقيته مقفل تاني
اني..مقفل😔
اميرة..ان شاءالله خير ترا اتصلي برقمه ليبيا
اني..ايه صح
اتصلت وينادي لكن مارد حد
اني..مارددش شكله روح والله شكلها الا توفت
اميرة..ان شاءالله خير يااارب
اني..ان شاءالله
قعدنا نهدرزو واميرة كل مرة تجيب حاجة نتسلو بيها
اميرة..يوسف بكري وصيته ع لحم هبرة نبي نديرو شوا لكن لتوا ماجاش😓
اني..اتصلي بيه
اتصلت بيه اميرة..ها وينك
يوسف..بسم الله غر قولي كيف حالك قبل شن ادير مش طول هكي تقول هادة على معسكر
اميرة..هههههههه باه السلام عليكم حبيبي كيف حالك
يوسف..الحمد لله يا عزيزتي
اميرة..وين اللحم
يوسف..اهي بدت في المداهمة
اميرة..يوسف بجديات نتكلم وين اللحم
يوسف..نسيته حبيبتي
اميرة تعفلقت..تي كيف نسيته اختك عندي من بكري نوكل فيها في السامينسة والحلويات لين بطنها انتفخت حشمتني
يوسف..باهي حاضر اهو جايك هي
اميرة..ماتعطلللش
يوسف..باه
سكرت اميرة منه وجتني قعمزت جنبي وهي قارنتهم
اني..خيرك اللطف 😂😂
اميرة..حرقلي دمي طول الوقت صحابه بعد يروح ساعة 2يتغدى معاش نشوف وجهه لعند العشي واخدينله وقته 24 ساعة معاهم والله لين كرهتهم وكلهم عزابة شكلي بندورلهم اني نساوين باش يلهو في عمرهم😡
اني..😂😂😂😂وووووه جنابي
اميرة..اضحكي زيدي
اني..والله جو انتم
اميرة..اهو صوت سيارة
اني..مسرع
اميرة..ايه جي بسرعة
اني..شكلك عاطيتيه قراماته😂😂
اميرة..بالزبط
اني..لا شكله مش هوا الباب يشرين
اميرة..اياح منو بيجينا نبي نقعدو بروحنا عااد
اني..شوفي ترا من الكاميرة
شافت اميرة من الكاميرة انصدمت من الي قدامها
اميرة..حيييي مش مصدقة الي نشوف فيه
اني..منوو
اميرة..خوي الي كان برا ليا سنييين
اني..استني خلي نخش 😂
خشيت لداخل ولبست وشاحي
فتحت اميرة الباب وتغمراته خش خوها وسكر الباب
اميرة..😍استااااحشتك😭
خوها..ههههههه والله حتى اني ياوخيتي
اميرة..تعالى تفضل قعمز
خوها..شكله في عندك حد
اميرة..ايه حماتي
خوها..اه ايه شن اموورك
اميرة..الحمد لله انت شن اخبارك شن جوك شن خطر عليك تروح بعد كل هالسنيننن😍
خوها..نولي قصدك
اميرة..عيييينك هههههه والله كبرت ودرت عضلات ولحية وجنتل وجو😂😍
خوها..باش تعرفي خوك بس
اميرة..اييييه ناقصاتك وحدة زيك بسسس😍
خوها..انوض راهو
اميرة..خلاص خلاص سكتت هههههههه
خوها..ايه كيف حال راجلك
اميرة..الحمد لله بخير
خوها..وينه
اميرة..كيف كلمته جاي في الطريق
خوها..باهي خلي يجي نسلم عليه ونتعرفو ونمشي
اميرة..اقعدد تعشى
خوها..لالا عازميني الاولاد ع العشي
اميرة..باهي براحتك بس هاا يوم تاني عندي ره
خوها..حاضر خودي حقا هدم ليك
اميرة..علاش هدا كله
خوها..قبل كل مانطلع نشري ونقول لي اميرة واماني لين اهو روحت 😂
اميرة..مليح😍😍
خوها..شن اخبارك شن مستريحة معاهم؟؟
اميرة..ايه الحمد لله ناس كويسين هلبا ومش متاع مشاكل بكل
خوها..الحمد لله ريحتيني
اميرة..وحتى يوسف مش مقصر معاي كويس هلبا
خوها..باه الحمد لله😌
اميرة..ايه اسنتى نجيبلك عصير
خشت اميرة ولقتني موتيتلها سفرة فيها عصيرر وشكلاتة وحاطتهالها
اميرة..صحييتي😍
اني..ولوو😘اسمعي كنهدا نروح ننديرو مرة تانية
اميرة..عينك هو بيروح بيسلم ع يوسف وبيطلع
اني..باهي
طلعت اميرة وحطت العصير والشكلاتة وقعمزت تهدرز معاه
واني فتحت النت نتصفح ونتصل بي مروان لا حياة لمن تنادي💔
جي يوسف
يوسف..السلام عليكم
اميرة وخوها..وعليكم السلام
يوسف استغرب من هدا!! قعد يشبح لي اميرة ويقرب
اميرة..يوسف هدا خوي الي مسافر برا
يوسف..اوووو منين جاتك مروح
خوها..والله الغربة كلتني عييت منها قلت نروح بين اهلي وناسي ونستقر اهني خير
يوسف..والله خير مادرت لكن من ناحية الغربة كلاتك والله ما كلاتك 😂😂 زاداتك صحة😉
خوها..كلا من هدي صدقت فيها
قعدو يهدرزو انسجمو مع بعض
واميرة فرحت انهم انسجمو❣
خوها..هي نستأذن توا
يوسف..اقعد تعشا وين ماشي
خوها..لالا صحيت بارك الله فيك معزوم
يوسف..غدوا عندي😉
خوها..بإذن الله😎هي السلام عليكم
طلع خوها وخشت اميرة لقتني نشرح في اللحم ونوتي فيه وتبلته وطلعناه ويوسف شعل الشواية وقعدنا مقعمزين نهدرزو غيرت جوي💗
وبعدين روحت ووراي يوسف بالسيارة لين وصلت وخشينا قعمز بحدا ماما وبابا شوية هدرز معاهم وبعدها روح🕺
اني ركبت بدلت وقعمزت نتصل ومافيش فايدة بكككل
بنهبل مانعرفش ولا شخص يوصلني ليه كيف ندير😭
خشت عليا ماما لقتني مقعمزة وشادة الفون ونبكي
ماما..شممس خيركك
اني..معاش يبي يرد يا ماما😭تلفونه انتع مصر مسكر ولما بكري جربت اتصلت بشفرته اللي اهني نادا معاش عرفت كيف نوصل فيه
ماما..بلكي امه
اني..مانعررفش
ماما..ان شاءالله خير يارب
ترررن ترررن
ماما..منو
اني..هوا😍
ماما..ردي
رديت
اني..ايوا
مروان بصوت مبحوح..اهلين
اني..وينك يا مروان بالله عليك من امس واني نتصل وانت ماتردش يا اما مقفل😭
مروان..امي عطاتك عمرها💔
اني..انا لله وانا اليه راجعون😔الله يرحمها عظم الله اجركم
مروان..شكر الله سعيكم
اني..الله يرحمها ويغفرلها ويوسع عليها
مروان وخانقاته العبرة..يااارب
اني..كون قوي وصبر روحك
ماما وجعها..عطيني نكلمه
اني..مروان ماما تبي تكلمك
مروان..باه
ماما..السلام عليكم
مروان..وعليكم السلام
ماما..عظم الله اجركم يا وليدي ان شاءالله خلفتلكم البركة يارب وربي يرحمها ويجعل مثواها الجنة
مروان..يااااارب ياخالتي نااار حارقتني مش قادر نصبر عليها
ماما..الله غالب يا وليدي هدي سنة الحياة ماتعارضش حكمة ربي وليدي وكون قوي قدام خواتك توا انت بوهم وانت امهم وانت خوهم رد بالك منهم وقوي روحك وماتكونش ضعيف
مروان..ان شاءالله
ماما..هاك شمس
طلعت ماما وواضح انها بتبكي ماما كبدها رهيفة وفيسع ماتنزل دمعتها
اني..ايوا مروان
مروان..شمس اني توا مش فاضي الناس عندي ماه
اني..باهي المهم طمنتني عليك اسمع غدوا لما نتصل بيك رد عليا انعتني ع حوشكم بنجي
مروان..باهي تمام
اني..هي مع السلامة ودير بالك ع روحك
مروان..ااااه ان شاءالله
سكرت منه وقعدت مضايقة هلبااا نضت صليت واتكيت رقدت
نضت الصبح مشيت الجامعة بعدين روحت
اني..ماما تمشي معاي؟
ماما..وين
اني..لي حوش مروان نعزوهم
ماما..هدا ما ناقص غير تمشي
اني..يا ماما عيب هدي امه واخته نعرفها في الجامعة
ماما..باه بري انتِ ومرت خوك اني والله كان نمشي نمرض😔
اني..باه طلعت كلمت اميرة وحكيتلها
اميرة..وسيفة
يوسف..خليني راقد تعباان
اميرة..باهي غر بنقولك ام صاحبت شمس توفت نبي نمشي معاها لانة امك مابتش تمشي
يوسف..باه ماتعطلوش برو
لبست اميرة ع السريع ودقيقة وكنت قدام الحوش اني ركبت اميرة وطلعت
اني..اميرة خودي فوني واتصلي بي مروان
خدت اميرة واتصلت بيه وحطاته ع ودني
اني..السلام عليكم
مروان..وعليكم السلام
اني..مروان اني في الطريق
مروان..باه تعالي لي .... ولما توصلي غادي كلميني
اني..اووك
مشينا لي وين ماقاللنا اتصلت بيه لقيته قدامي بالسيارة وصلنا لعند الحوش
اميرة..هدا مش حوش هدا قصر😍😍تبااارك الرحمن
اني..اييه شن ينفع مداما البو والام مش فيه💔
اميرة..ايه الله يرحمهم
مروان..اسمعي
اني..نعم
مروان فنص..دخلي شعرك وخواتي وحدة اسمها شهد ووحدة اسمها الاء ووحدة اسمها داليا كلمت شهد تو تلقيها قدامك
اني..باه
مروان..تمام هي خشي
خشيت اني واميرة وكنا مانعرفو حد جتنا شهد اخت مروان الصغيرة كانت نسخة منه
شهد..تفضلو
اني..ءء
شهد..انتِ شمس صح! توا كلمني مروان عليك
اني..اااه ايه صح
شهد..اني شهد اخته
اني حضنتها..عظم الله اجركم حبيبتي
شهد تبكي..شكر الله سعيكم
اميرة..عظم الله اجركم الله يرحمها ويجعل مثواها الجنة يااااارب ماتبكيش وخليك قوية
مسحتلها اميرة دموعها..صح واعرة بس لو تبي تريحيها معاش تبكي ادعيلها وصلي واقريلها قرآن مش حينفعها البكي صدقيني💔
شهد..ان شاءالله💔
اني..وين باقي خواتك
شهد..قعمزو اهني تو نجيبهم
اني..تمام
اميرة..يقطعو القلب
اني..ايه يناري ربي يصبرهم
اميرة..هديكا المرا الي مقابلتنا كأني نعرفها
اني..وينها
اميرة..اهيا الي قدامنا بالزبط تشبحلنا حتى هيا
اني..اي صح شايفتها حتى اني اشبح منو
اميرة..ايه حي ناضت جايتنا
اني..اشبح منو شكلها عرفتنا حي حي مانعرفهاش منو
اميرة..تو نعرفو اس
جتنا المرا سلمت علينا واحني مستغربين من انتِ؟؟ 😂
اني..سامحيني بس والله ماعرفتك
المرا.. #يتبع
.
.
.
ان شاءالله تعجبكم حبايب قلبي😍😍 هيا نبي تفاااعل يكون🔥⚡ #حنو