رويده- التهيت لراسي. بيت ورووف ودراستي كمت ابد مااقتربله ولاهو بس نضراتنا. تحجي واحاول ابتعد بديت اتعلق اذا اتاخر الوب لحد ميوصل اذا ضاج من شغله وكلب وجهه اتخبل لحد ميبتسم يله ارتاح ايام مرت والحرك طاب بقه اثر جابلي عصاره توخر الاثر. ومن اكوله ديطيب ديروح الاثر يكولي شوفيليا ---
لالا استحي كمت اتحفظ لان ذليت روحي بعده كلبي مجروح عالصار بيه وي حيدر عهد اخذته لل نفسي ذله ماذلها بعد
بلشت محاضرات المعهد اروح واجي وحدي من الصبح للضهر ومن الاربعه للسته وي رووف تعبت حيل وهو هم تعب بس علاوي تزوج وسوو عرس بسيط بيومها رحت عدهم ولبست جبه كشخه ومكيجت هاديء. وزفو للبيت وباجيتي وروعه جوي باتو يمي كلش تونست وياهم مثل قبل وحتى رفيف جتي بيومها للصبح منمنا سوالف وضحك هو وي نسابته واخوته واني وي باجيتي والبنات كومه ضحكت ثاني يوم راحو. بس باجيتي تعبانه مدري شبيها من العرس وراها بعد تعبت. يومين وره العرس مرت ورجعت. للمعهد. مبقه لامتحاني التمهيدي غيرشهر وسبوع. وبلشنا مراجعه بالمعهد واني راجعه الضهر كل يوم اشوف سياره سجاد من يمر لروعه يرفع ايده يسلم ارفع ايدي اردله السلام وانصي اكمل طريقي عادي جدا. صح الطريق ياخذني لذكرياتي سوالفي وغبائي وغروري بجمالي وبس ردت اجذب نضر اكره روحي. مدرساتي بالمعهد نفسهم مدرسات المدرسه القديمه مالتي وكم مدرس ماعرفه. ومن داارجع. وافكر بالمحاضرات ومن ارجع شسوي رفعت راسي وانصدم بشي ممحسبه حسابه ابد
حيدر بسيارته العاليه القديمه ديسوق من شافني ثكل يباوعلي مصدوم عاكد حاجبه سرعت بمشيتي وكانما مشفته وكلبي يرجف وكف يمي ومشيت سريع اخاف التفت والحمد لله ملحكني كمت امشي واعثر وارجف شجابه عليه شكو شفته ليش هسه. داامشي وارجف وانركع بجتف واحد رفعت راسي كال
العفو العفو باوعت سليم بس شفته دمعت عيني خوف
ها رويده ههه شونج
زينه زينه اباوع والتفت ليوره كال
شبيج شكو ويباوع لنضرتي عاكد حاجبه
هذا عفيه شون خاف يضل يمشي ورايه وتجيني حجايه خاف يروح لاهلي
منو حيدر
اي واباوع ورايه لزم ايدي كال
امشي لتخافين. امشي ويايه طلع كدامي يمشي واني وراه حسيت بسياره ورايه مشت ثكيل رجلي رخت بس سليم ويايه مخفت صوت حيدر صاح
رويده بس دقيقه اندار سليم عاكد حاجبه كال
امشي روحي معليج. ها خير. اكو شي صاح بعلو صوته جاوب حيدر بتردد
العفو موقصدي شي
يله منا واذا وصلت بعد صوبها رجلك اكسرها
حيدر مجاوب واني صرت بعيده حسيت روحي ركضت مو مشيت شوي وسليم صار بصفي كال
رووف مو يوديج ويجيبج
احجي والرجفه بيه
مومو هسه وكت دوامه المحاضره اللخ هو يوديني ويجيبني
