انا زي أي بنت نفسي أعيش حياة طبيعيه .. بس فيه بنات الدنيا بتديهم الفرصة دى و بنات بيدور عليها ..
انا كنت من البنات اللي بدور عليها .. بس مش لاقتها ...
انا اسمي جينان .. الناس البسيطة كلها احتفلت بمجي لدنيا .. بس شكل الدنيا ماكنتش قبلاني .. أنا بنت من عيله بسيطة على قد حالها .. عندي 8 أخوات 4 بنات و 4 ولاد .. وكنت أنا اكبرهم .. بتبدأ قصتي من بعد موت امي ..
بعد موتها ابويا زادت عليه مصاريفنا و عليه ديون والعيشة بقت صعبة اوي عليه .. فقرر ابويا يطلعني من المدرسة ويشغلني خدامة في البيوت عشان اسعده في المصاريف .. ولسه كلماته لحد دلوقتي بتترد ليا " جينان يا حبيبتي عارف والله انه صعب عليكي تسيبي التعليم بس دى ظروف عايز حد يساعدني في المصاريف شوية واخواتك زي ما أنتي شايفه قطط عمي لسه وانتي خلاص معاكي الابتدائية و سنة والإعدادية حلوين يا بنتي المهم أنك تعرفي تميزي الحروف وتفكي الخط عشان محدش يدحك عليكي صدقيني يا بنتي لولا الحوجة لفلوسهم ماكنتش شغلتك عندهم .. جينان : اللي تشوفه يا بابا " وقضيت الليل كله والدموع على خدي .. عشان كان عندي حلم أبقى دكتورة أساعد الغلابة اللي زينا .. وتاني يوم ابويا خدني وراح بيا لبيت كبير اوي زي القصر .. الناس اللي فيه لبسهم غير وطريقه كلامهم وريحتهم كأنهم جاين من كوكب تاني .. وأول ما دخلنا عند كبير العيله الفخمة دى كان اسمه حازم صلاح " حازم صلاح : هي دى اللي هتشتغل عندنا يا عمار ؟! ابويا : أيوه يا سعت البيه .. بنتي الكبيرة جينان .. حازم صلاح : بس دى شكلها صغير اوي هتقدر على الشغل هنا لوحدها ؟؟ ابويا : أيوه يا بيه صدقني انا اضمنها لك برقبتي .. حازم صلاح : خلاص هنجربها أسبوع كدا ولا حاجة ولو عجبتنا هبعت لك عمولتك .. ابويا : تشكر يا بيه .. مع السلامة " .. وسابني في الكوكب الجديد اللي جبني فيه .. وأنا ببص حواليا .. فجأه الاقي بنات وولاد من سني وأكبر مني داخلين يقولوا .."جدو جدو .. حازم صلاح : حبايب جدو واحشنيني يا عفاريت .. واحد منهم : مين دى يا جدو !! الشغاله الجديدة ؟! حازم صلاح : ايوة يا حبيبي اسمها جينان .. الولد : بس دى صغيره اوي على أنها تكون خدامة .. حازم صلاح : يلا يلا كل واحد على اوضته وانتي يا هبه وديها لداده حنين .. الولاد : حاضر يا جدو .. هبه : جينان تعالي معايا .. جينان : حاضر يا هانم .. هبه : ههههههه هانم ايه بس انتي في سنة كام يا جنان .. جينان : انا كنت في أول الاعدادية .. هبه : قدي يعني .. اسمك حلو على فكرة يا جينان .. جينان : ربنا يخليكي يا هانم .. هبه : هانم تاني يا بنتي قوليلي هبه ومن هنا ورايح احنا صحاب.
ماشي .. جينان : اللي تشوفيه .. هبه : داده حنين دى جينان .. الخدامة الجديدة خلي بالك منها بقى عشان هي خلاص بقت صحبتي .. وأنا هطلع انام شوية على ما تخلص اللي وراها .. الدادة حنين : حاضر يا هبه ..
داده حنين : مالك خايفه كدا يا جينان .. جينان : اول مرة أجي مكان زي دى .. دادة حنين : انتي اول مرة تشتغلي .. جينان : انا لحد امبارح كنت طالبه في المدرسة والصبح بقيت خدامه في البيوت .. و داده حنين صعبت عليها فقعدت تتكلم معايا وتخليني احكلها سبب شغلي هنا وقالتي أقولها يا ماما .. والحمد لله عرفت اتأقلم مع العيله كلها .. وبعد أسبوع حازم صلاح بعت لابويا الفلوس .. وكل حاجة كانت ماشية كويس وانا و هبه كويسين مع بعض وبيقنا أقرب لبعض .. وفضلنا سنة كدا .. لحد ما جت واحدة من بنات حازم صلاح ... والقصر اتغير .. من أول يوم شافتني فيه ماحبتنيش وطلبت من أبوها يمشيني .. بحجه أنها خايفه على ولادها مني ومن أخلاقي .. بس حازم صلاح رفض انه يمشيني .. من بعد رفضه و حياتي باظت .. كل يوم تعذيب منها تزود عليا الشغل .. وتخلني في اوضة ضلمة وتفرجني على حاجات مايستحملش انسان انه يشوفها ... لحد ما كنت بشوف نفسي في الأحلام مكان الحاجات اللي بتفرجني عليها .. روحت لهبه في ليله بعيط : هبه انا عايزة امشي من هنا انا مش قادرة اقعد هنا تاني انا عايزة ابويا واخواتي .. هبه : جينان اهدي بس تعالي نامي جنبي انهرضة .. جينان : ﻻ ﻻ ﻻ ﻻ مش عايزة مشاكل انا هرجع اوضتي بس عشان خاطري كلمي حازم بيه .. هبه : هبل ايه اللي انتي بتقوليه دى .. انتي هتباتي معايا أنهرضة يعني هتباتي .. وفضلت معاها .. وأول ما الصبح طلع وجت قريبتها تصحيها وشافيتني عندها .. ضربتني وزعقت فيا و جرحتني بالكلام .. انا بعد ما خلصت طلعت على البوابه وانا بعيط رجعت لابويا وحكيت له بس كان ابويا خلاص صحته راحت .. خاف علينا من الدنيا من بعده .. فحافظ علينا بطريقه صعبه شوية .. خدنا ووقفنا عند ملجأ وقال بصوت مش واضح .. " ربنا يحميكوا ويسامحني " وهو بيعدي الطريق .. جت .. عربيه كبيرة بسرعه السواق مش عارف يوقفها .. و حصل المكتوب .. الناس اتلمت وانا واخواتي نعيط ونقوم فيه وهو مش سامعنا .. واقوله "بابا انت زعلت عشان سبت القصر خلاص هرجع وهستحمل اللي يحصل بس قوم معانا يلا للبيت " بعد الحدثه دى بيومين داخلونا الملجأ اللي سبنا قدامه !!!!
