Matchmaker's Series #1: Guilty As Charged (Raw Version-Unedited)

Chapter 11

Hindi alam ni Nica kung tama ba ang ginagawang pag-iwas kay Leo. But one thing's for sure: Nasasaktan ito sa Silent Treatment nya.

Ilang araw na ang lumipas at hindi na nya mabilang kung ilang rosas na at strawberries na may kasamang chocolate dip ang natatanggap nya mula kay Leo, at lahat ng mga iyon ay may nakasulat na "I'm sorry, honey."

Mas lalo syang nanlulumo. Hanggang ngayon kasi ay hindi pa rin nito inaamin na mahal sya nito. Nasasaktan sya dahil pakiramdam nya ay naging biktima sya ng isang unrequited love.

Muli syang napahagulgol sa iyak. Hindi nya maintindihan ang sarili dahil nitong mga nakaraang araw ay nagiging emosyonal sya. Maliban doon ay halos wala syang ganang kumain at halos masuka sya kapag tinitingnan ang strawberries at chocolates na ipinadala ni Leo sa kanya kaya napipilitan syang itapon ang lahat ng iyon.

"Ganito ba talaga kapag heartbroken? Pati katawan ko umaayon sa nararamdaman ng puso ko?" Tanong nya sa sarili.

Hindi nya rin maintindihan pero lagi nyang gustong makita at makausap si Harvey. Lagi syang natutuwa kapag nakikita si Harvey, lalo na kapag nginingitian sya ni Harvey. Hindi nya maintindihan pero pinangigigilan nya palagi ang pisngi ni Harvey. Maliban doon ay napapansin nyang madalas ang pagdalaw at pagkamusta sa kanya ni Harvey. Kapag wala naman si Harvey ay palagi nya itong hinahanap. Para syang babaeng may crush kay Harvey.

Mali ito! May asawa na si Harvey! Bakit ba kasi pinanggigigilan ko yung lalakeng 'yun?

****

"Bossing sorry po talaga. Hindi ko alam kung bakit lagi akong kinukurot at niyayakap ni Nica. Sorry talaga boss. Nahihiwagaan din ako boss. Hindi naman ganun si Nica dati." Napakamot sa batok si Harvey habang nagpapaliwanag.

Pakiramdam ni Leo ay nalulunod na sya sa selos. Bakit mas gusto pa ng babaeng yun ang secretary ko?!

Nitong mga nakaraang araw ay laging nagkikita sila Harvey at Nica. Nakikita nya  mula sa monitor nya ang mga nangyayari sa buong building kaya alam nya na laging nagtatagpo ang dalawa.

Nagseselos sya dahil natiis ng dalaga na hindi sya makita ng ilang araw samantalang ito naman ay mas gustong makita ang secretary nya kesa sa kanya.

"May asawa ka na, Harvey. Ano na lang ang iisipin ng asawa mo?" Hindi nya napigilan na ipakita ang tunay na nadarama kay Harvey. He might look so childish but he doesn't care.

"Naku boss wala akong gusto kay Nica. Sa tingin ko naman boss ay walang gusto si Nica sakin. Pinangigigilan lang nun ang pisngi ko."

"Why is she acting like that kung wala syang gusto sayo? Ginagago mo ba ako?" He gritted his teeth in anger.

"Bakit hindi sya ang tanungin mo boss? Ilang araw na yang away nyo a? Halos ako na ang naiiipit sa pagitan nyong dalawa." Reklamo ni Harvey. "Sa tuwing pinapadalhan mo sya ng chocolate at strawberry ay lagi nyang tinatapon kaya i hereby conclude na matindi ang galit nya sayo boss! Paborito kaya ni Nica ang strawberry at chocolate kaya hinding-hindi nya itatapon yun. Ang laki siguro ng kasalanan mo bossing no?" Saad pa nito.

"Get out of my house." Galit na asik nya.

"Sorry naman bossing. Ikaw naman masyadong galit."

Naputol ang mga sasabihin pa sana ni Leo nang mag-ring ang phone ni Harvey.

"Hello Attorney Manalo? Ano ang mapaglilingkod ko sayo?" Tanong nito sa kausap sa kabilang linya ng phone. Napakunot-noo sya nang magbago ang ekspresyon ni Harvey na animo'y nakatanggap ng bad news.

"Bossing. Si Nica.. Sinugod sa ospital si Nica."

Nagmamadali nyang hinanap si Nica sa monitor ng CCTV pero bigla syang binalot ng kaba nang makitang wala ang dalaga sa opisina ng pinsan nito. Nahagilap nya na kasalukuyang binubuhat ang walang malay na si Nica ng pinsan nito palabas ng building.