اول يوم بالجامعة
كعدت الصبح فتت للحمام. سبحت وفرشت
اسناني وطلعت لبست بدي اسود وبنطرون
اسود وفوكا يلگ ابيض وتراننشوز ابيض
وجنطه وميك بسيط وطلعت انتضر خطي
واجه وطلعت ولگيت سمر منتضرتني
صعدت بالسياره واني وسمر نسولف
وصلنه للكليه ونزلنه واني وسمر مبينات
مرحلة اولى لان بس نتصفن 😂
احت بنيه
شهد: هلاوو بنات انتن مرحلة اولى موو؟؟
سرى وسمر: ايي وانتي
شهد: اني هم مبينات كلشي متعرفن نفسي 😂
سمر: اي والله بس نتصفن 😂
شهد: تعالن بنت عمي هنايه مرحله ثالثه
خالانشوفه
رحنه لبت عم شهد ودلتنه عل قاعات وشوفتنه الكليه
ورحنه للقاعات وخلصنه محاضرات وتعرفت على بنات ورجعت للبيت اتلكتني ماما
ماما: هاسرواي شلونج
سرى:تمام ماما بس جوعانه كولش
ماما: حبيبتي ملحكت اطبخ كنت بالمستشفى عندي عمليه وهسه اجيت
هسه ادز وسام يجيب دجاجه مشويه للغداا
سرى: اووكي ماما حاصعد ابدل
صعدت بدلت ونمت شويه كعدتني ماما
نزلت اتغديت وصعدت كملت نومي كعدت
العصر قريت شويه لبين مااذن نزلت
اتوضيت وصعت صليت كملت ونزلت
اتعشى كملت وصعدت حاجيت سرمد شويه
ونمت مر الاسبوع عادي وحييل اتعلقت
بسرمد الى ان فديوم.
رجعت للكليه ولگيت ماما تبجي وتصيح وسهير وسها حاضناتها ويبجن وبابا ضايج وكاعد على القنفه اني ركضت
سرى:ماااماا شكوو لجج سهير
سهير:لجج سرى حسام متعارك ويه واحد والولد بالمستشفى وحالته خطره ويمكن يموت وهسه حسام بالسجن😭😭
سرى:شنووو شدتحجين انتي 😭
كعدت ابكي واصرخ وبابا خابر اعمامي وراحو لاهل الولد
واهل الولد طارديهم وكايليلهم. لبين
منشوف تالي ابنه بيومه احنه متنه من البجي.
ثاني يوم كاعدين واجه لبابا اتصال بابا سد الفون بس حبيل ضايج احنه سالنه
بابا: الولد الضاربه حسام ميت
ماما:شنوو شدتحجي يعني ابني راح يروح لييييش ياربي ليششش 😢😭😭
بابا: هسه راح ننتضر لبين ميخلصون الثالث ونروحلهم لبين ميهدون
وفعلا خلص الثالث وراحو بابا واعمامي وخوالي وشيخ عشيرتنه وشيوخ كبار بلكت ياثرون عليهم
طلعو الصبح واجو الضهر ووجوهم متتفسر
كعدو بالاستقبال وبابا ضايج ومقهور
دخلنهةاحنه وماما
ماما: ها ابو وسام شصار وياكم
بابا:رضو يتنازلون عن حسام بس يردون فصل فلوس ووو.........
ماما: اذا على الفلوس سهله ننطيهم
بس كون يطلع ابني
بابا: ويردون ويا الفلووس فصليه
ماما: شنوووووووو شدتحجي انته شنو فصليه مانطي بنتي اني 😡😭😭
بيومها ماما اتخربطت ونقلناها للمشفى
وبيومها متت من البجي للن ادري اذا
يردون فصليه لازم اني اروح لان سهير
مخطوبه وسهى اصغر مني فلازم اني
اروح. رجعنه ماما للبيت وبالليل صاحني بابا حتى يحاجيني رحتله
بابا:بابا سراوي تعرفين اني ما فرق بيناتكم. كلكم اولادي واني احبكم كلكم بس اليوم لازم اختار اذا مارضيتي ترحين حيقتلون اخوج انتي صحيح حتمشين فصليه بس حتبقين عايشه وحنشوفج. انشاء الله. والقرار حيضل الج فانتي قرري ورديلي جوابج
من شفت كلام. بابا شفت انو كلامو صحيح وقرءت اوافق لخاطر اخوي
سرى: بابا اني موافقه
بابا: بابا انتي متاكده ترع اني ماريد اجبرج
هنشوف شنو حيكون مصير سرى وهل قراره صحيح ام لاء حبايب تفاعلو حتى انزل الكم بارتات جديده وغلسو على السحگ اذا لكيتو لانو مصححت البارت😅😅
أنت تقرأ
فصليه لحبيبي
Chick-Litتتمحور القصه حول فتاه من عائله غنيه تلتقي بفارس أحلامها لتذهب فصليه إليه ولكن هل سيبقى هذا الحب أم أنه يتحول الى كره وانتقام لنرى مايحصل ب{فصليه حبيبي} تابعوني {برينسسه سوسو}
