ياليتها ما كانت معي

بارت..15

*استيقظت في اليوم التالي وذهب الي جامعتها وجلست مع هند حتى جاءت من خلفها بنت *
البنت:اوة بيان محمد المهدي الجميلة بتاعة اسكندرية طب ينفع كدة بقالي سنتين بلف ورراكي في اسكندرية كلها عشان اكلمك ولما اشوفك يبقي هنا في الجامعة.

بيان"بسخرية":واللهي معلشي بقي مشاغل خير مين حضرتك؟.

البنت:ياة معقولة نسيتيني انا نانا.

بيان:ايوة يعني خير مين انتي؟

نانا:اه صح ما انتي الذاكرة رجعتلك تاني هتفتكريني ازاى؟

ببان"بأندهاش":ذاكرة...ورجعتلي!!!

نانا:اه ما انتي فقدتي الذاكرة من اربع سنين وانا اتصاحبت عليكي فيهم بس طبعاً لما الذاكرة رجعتلك الدكتور قال انك هتنسي كل اللي حصل في المدة اللي فقدتي فيها الذاكرة.

بيان:ياه علي كدة انتي تعرفيني اوي.

نانا:طبعاً.

هند:اسفة اني قطعت كلامكوا بس انا حاسة اني شوفتك قبل كدة يا آنسة نانا.

نانا"بأرتباك":ها اه اه ممكن ما انا معاكي هنا في الجامعة فأكيد تعرفيني من هنا.

هند:ممكن.

نانا:طب بعد آذنكوا انا همشي بقي متنسيش يا بيبو تبقي تسلميلي علي عمو محمد بباكي وطنط مها أوي.

بيان:اه ومالوا اتفضلي .

هند:بيبو انتي كويسة يا حببتي؟

بيان:ايوة ايوة انا كويسة هاروح الحمام واجيلك علي طول.

*ذهبت بيان الي الحمام ودلفت الي الداخل وطلبت من احدي العاملات به ان تستخدم هاتفها لدقيقة واحدة فقط فهاتفت اهلها*
بيان:الو يا بابا انا بيبو..

صفوت"الاب الحقيقي":الو يا حببتي عاملة اية حمزة قلنا علي اللي حصل ربنا يعينك يا حببتي المهم انتي كويسة؟

بيان"ببكاء":لا مش كويسة بس اهم حاحة خالي بالك من ماما وكل اللي معاك.

صفوت:هتفرح اول لما تسمعك بتقوليلها يا ماما..

بيان:خليها تدعيلي عشان ممكن مرجعش..

صفوت:متقوليش كدة يا حببتي هترجعي تاني وهتعيشي وسطنا.

بيان:يارب يا بابا يارب المهم اتصل علي القائد اللي معايا وقولوا بعد 60كيلو نتقابل كمان ساعة وشوية.. فاهمني يابابا؟

صفوت:اه اه ياحببتي فهمك متخفيش حاضر سلام.

*هاتف صفوت حمزة واخبرة بما أرادت بيان وافق حمزة وذهب في المكان المحدد فوراً بينما هي ذهبت الي هند ولم تجيب علي اي سؤال من اسالتها حوا فقدان الذاكرة انهوا المحاضرة وذهبت هند الي بيتها وبيان الي المكان المنشود ولكن استطاعت ان تهرب من المراقبة الموضوعه عليها من جهة هشام ذهبت الي المكان رأتة جالس ويظهر علية الشرود.. ذهبت له ووقفت امامة..... رفع عينة لها نظر لها كأنة يتفحصها جيداً نظرت له بأعين دامعة ....في اقل من لحظات جذبها بشدة داخل احضانة يشم رائحتها الذي افتقدها...وجدها بدأت تبكي بين احضانة ربت علي ظهرها بحنان بالغ حتي هدأت اجلسها وجلس هو امامها*
حمزة:وحشتيني......اوي.