تاريخ 12 / 6 / 2014 تاريخ عظيم سموه مجزره سبايكر لحد هسه ما مستوعبه الامر ومستحيل انسه هذا التاريخ وراح اضل اكرهه واخاف منه لاخر يوم بعمري لان خسرت هواي اشخاص عزيزين خسرت نص مدن العراق وخسرت شبابنه وخسرت اشخاص كانو عائلتي الثانيه
خسرت اخ سؤدد وخطيب سؤدد وام سؤدد اللي ما تحملت الصدمه يروح ابنهه الوحيد وتوفت بيوم اللي درت وهيه حاضنه ملابسه وخسرت ابو سؤدد بعد ما توفت زوجته وابنه الوحيد توفه بجلطه وخسرت سؤدد اي خسرتهه صديقتي اختي تؤامي حبيبتي انتحرت وره اهلهه ولحكت امهه وابوهه واخوهه وخطيبهه راحت وتركتني شعور صعب كلش صعب من تفقد اعزاز على كلبك محد راح يفهم هالشي غير اللي ساكن بالمناطق ذيج وشاف خساره احبابه تدمرت الموصل راحو الشباب والبنات والعوائل والبيوت والمدارس هه اتذكر ذاك اليوم نلعب اني وخواتي واخواني وسؤدد واخوهه وخطيبهه وابن خالي وبنت خالي ويانه نلعب كلنه سوه ونركض اخخخخخ شلون وكت حلوو مستحيل يتكرر
بعد ما كعدت مريت بصدمه وعرفت هالشي جانت صدمه الي كعدت لكيت روحي بالمستشفى وحاطيلي مغذي خلص المغذي وكمت ولا انتبهت لشي الكل يحاجيني طلعت وصعدت بالسياره وصافنه دخلت للبيت دخلت للغرفه بسرعه صارلي اسبوع نايمه مستشفى متحملت خبر موت سؤدد واهلهه ومتحملت شي كعدت على السرير صافنه دموعي ما تنزل وبالي مو يمي مرت الايام واستمرت حياتي هيج واني اباوع الاخبار والنشر وشلون الموصل تدمرت وتاذوا الناس كلهه ومو مصدكه اللي صار بيت جدي اهل امي هاجروا خارج العراق 🇮🇶 بعد ما توفه خالي وابنه بمجزره سبايكر وزوجته ما تحملت لحكتهم وبنته اخذوهه احد الدواعش خطفوهه ومدروا عنهه بشي وبيبيتي القهر والحزن والضيم ماكلهه قرووا يرحون ويرتاحون خارج العراق
اهلي جانو يحاولون وياي باي شي انو ادير بالي على نفسي واكمل حياتي واحجيلي حرف ما اكدر ما اكدر احجي احس الكلام اختفه مني ما جنت اتذكر يمته انام ويمته اكعد ويمته اكل ما اتذكر
........................................
ألفانِ من شباننا قُتلوا هنا ...
كان الدفاعُ عن العراق مرامهم
لم يدخلوا حرباً وكانوا عُزلاً ...
أُعطوا أماناً، ممن لا أمان لهم
وثقوا بقائدهم وبالكذب الذي ...
لعق اللسانُ بهِ فحطم ما لهم
أوصل رسالتك التي حُملتها...
بدمِ الشهيد منادياً: ما ذنبهم!؟
فدوه اللي يقره القصه يدوس نجمه 🌟 تره ما تسوي شي وشكرا الكم وانطوني رئيكم بالتعليقات
