كملت ولفيت حجابي
الولد شوفي لج تره احنه ما تقربنالج ولا لزمناج رئيسنه هوه التقربلج وذبج هنا راح نوديج اله
ملاك فدوه اريد اروح لاهلي
الولد بعد هالشي مو يمي يم الرئيس احنه شغلتنه بس نجيبج ونحطج هنا
سكتت ورحت وياهم للسياره صعدت وكعدت ابجي سدوا عيوني بوصله
الولد اذا فتحتي الوصله اكطعج
ضلينه نمشي هواي تالي انفتح الباب جرني واحد وحضني لصدره حاولت اوخره ما يوخر قوي صرخ عليه
الولد بصياح اثبتي مشكورين وفلوسكم توصل الكم ان شاء الله
الولد تدلل ابو حسين يله مع السلامه
الولد الله وياج
جريت الربطه وردت اركض ولزمني وجرني للبيت دخلني واني اصرخ عليه
ملاك اتركني وخر عني عوف ايدي الله يخليك
طلعت مره مبينه ب30 عمرهه وفوك
مره ها يمه منو هاي هاي ليس هالشكل خطيه
الولد ما بيهه شي
المره ولك عليوان لا تتورط ويه بنات الناس وتطيحلنه بمشكلة هالكبره
ملاك خاله فدوه نقذيني وخر ايدي اذيتني وخر فدوه وخر
المره اي كافي اترك ايدهه خطيه
الولد يمه خليهه يمج اعتبريهه جنتج هاي صعديهه فوك بغرفتي نص ساعه وجاي
اجت بنيه يجي عمرهه ب20
البنيه يا ولك هاي منيه امي سمعت الصوت تكرل شمسوي يالمعزاي
الولد ما عليج انتي ماكوو شي يله باي
المره الله وياك وليدي
البنيه شوف شوف ابنج شلون يرد
المره اتركيه يا دلال تعالي حبيبتي لا تخافين اسمج
ملاك اسمي ملاك خاله فدوه خليني اروح
المره تعالي لا تخافين ادخلي جوه محد موجود بس اني ودلال وامي ما يسويلج شيي
دلال فوتي حبيبتي
دخلت سلمت على مره يجي عمرهه ب50 وفوك صبولي اكل اكلت شويه وتعرفت عليهم وتعرفو عليه تالي اجه الولد نفسه ووياه رجال عمره هيج 25 تقريبا ورجال جبير ب50 همينه يجي عمره
دلال هذا اخوي محمد وسطاني اني دلال مخطوبه وهاي اختنه الجبيره فاطمه ام علي وهذا والدي
ملاك الله يحفظهم
صابرين مساء الورد عليكم
الكل مساء الحب
صابرين منوو هاي
علي مرتي هاي
صابرين صدوووك حتتزوج كللللووووش احلف
علي دنجبي مجذب عليج
*************************
في مكان اخر
امي يمه بنيتي وين راحت سوده عليه
ابوي اهدي يا مره نلكاهه ان شاء الله
امي يمه نباكت اني كلبي جاي يكلي انباكت ما ضاعت ولكم ما ضاعت
رتاج هسه وين راحت يربي
هشام سألت الناس اللي جانو بالسوك يكولون شباب اثنين ماخذينهه
علي اخوي يعني انخطفت
امي يمه بنيتي سوده عليه شسوو بيج وين نلكاج بعد روحي من يوم الطلعنه وما شفتي الراحه
رقيه يمه اهدي فدوه لا يصير بيج شي
امي كلولي شهده وكلبي يكلي بنتي خايفه ومتاذيه وتبجي يييممممههه
الوضع متوتر هنا والكل يدور ما خلو مكان ما دوروه واسبوع وهم يدرورن وماكوو نتيجه
ملاك ضليت فتره عدهم وسعيده عائلتهم تخبل وخصوصا بعدهم صغار يعني صابرين ودلال والاء مرت محمد خالهم بعدهن صغار وسوالفهن تجنن وكله سَوه واوقات صرت اصيح لجدهم وبيبيتهم ماما وبابا وخالهم اصيحله خالو لو عمو البنات باساميهن اما ام علي مرات اصيحلهه ام علي ومرات خاله ومرات حبي وحياتي عمرهه 36 سنه اكبرهم
اما علي اصيحله عمو هههه وهوه يضحك
صابرين مممم ملاك حبي علي يريدج
الاء روحي عيني عمج يريدج هههه
البنات ههههه
رحت للغرفه مالته طبعا لابسه حجاب وتراك طويل وعريض مستور
ملاك ها عمو
علي هههه اكعد بعد عمج
ملاك تفضل
علي راح ارجعج لاهلج لان خطيه يدورَون عليج بس فتره واجي اخطبج دربالج توافقين على احد غيري
ملاك 😇 ان شاء الله
علي يله تحضري حتى نروح
ملاك هسه نروح
علي اي هسه
ملاك مو ام علي راحت للسوك هيه و خالو اريد اسلم عليهم تاني شويه
علي هههه ولج مو ام علي ام عمو هههه ليش تصيحلي عمو
ملاك مو اني الولد كلهم اصيحلهم عمو كبار وصغار
علي هذول الغرب اني صيحيلي علي
ملاك الله كريم رايحه اني تريد شي
علي شردي شردي لا روحي تحضري اقل الساعه نطلع عندي شغل
ملاك ان شاء الله
رحت كلتلهم الصراحه فرحانه لان راح اروح لاهلي بس حزينه لان تعودت عليهم وخوش بنات اجت ام علي وضاجت لان راح اروح
ام علي والله انتي مثل صابرين حبيبتي
لبست صايه من صابرين وحجاب وبوستهم كلهم وركبت بالسيااره
