عشقوني اخوان وتزوجتهم 😶😔

البارت السابع

ملاك علييييي ااا اقصد عموو ليش خطفتني

علي كملي معروفج وكولي علي

ملاك لا عيب ما اريد عمو احلى كلي هسه ليش خطفتني

علي شغله خاصه شوفي راح اذبج بباب بيت جدج تكولين لجدج
( تره عليوان يطلبكم ثار ما يخلص)

ملاك شنو هاي

علي كليله مثل ما كتلج ماشي

ملاك ان شاء الله بس ذكرني بيهه قبل لا انزل هههه وبعدين تعال كلي وين تعرف بيت جدي

علي ما عليج يبنت عمي اعرفهم

ملاك بنت عمي هاي شنوو

علي هسه ليش تدوخين روحج بس سكتي

ملاك وبعدين شرفي شلون

علي مو كتلج راح اخطبج بعد فتره

ملاك بهمس ما اريد

علي بصياح شنوو

ملاك لا لا لا  مو هيج اااا كتلك ما اريد ااااا ما اريد ما اريد موطه

علي ومنو انطاج موطه

ملاك خرب فشلني

علي يله نزلي

ملاك يااااعععع هذا صدك بيت جدي يله بيباي شكرا

علي الله وياج

نزلت دخلت انخبصوو كلهه ركضتلي شي يسئلون شي يبوسون شي يبجون

ملاك هسه بس ارتاح امي وين

دعاء لا تخافين حبيبتي امي تعبانه ونامت

ملاك دَوخري شنو ما اخاف امي وين

رقيه هناك بالغرفه

ورحتلهه ركض نايمه ومغذي بايدهه ووجه شاحب وتعبان بوستهه بايدهه وبوجهه وهيه تبوس بيه ونبجي كعدتهه جابولي ماء وكعدت كلتلهم كلشي من البدايه للنهايه من طأطأ للسلام عليكم عمامي وجدي صفنو ووجهم ضل ينطي الوان الولد متحلفين بيه

جدي واحد من الولد يعقد عليج هسه

يزن اني احبهه واريدهه

جدي روح جيب السيد بسرعه

ملاك فهموني شنو الموضوع

جدي ما عليج بهالسوالف جدو موضوع قديم وانسد

ملاك زين هوه كال لا توافقين تتزوجين احد

جدي معليج بيه يحجي وحده

ملاك براحتكم

طلعو ضلن خواتي وامي سولفتلهن من جديد وشلون ناس زينين

دعاء ماما سولفيلنه شنو الموضوع

امي راح اسولف الجن بس الكلمه ما تطلع

البنات ان شاء الله

امي قبل عمجن خاطر متزوج وعند طفلين مدري ثلاث حب بنيه وجابهه ولعب بيهه وعقد عليهه هواي تاذت جانت طفله صغيره كلشي ما تعرف حبلت وجاب ولد سموه علي واعتقد هوه اللي خطفج وانوب ذبهه على اهلهه وطلكهه تالي جابهه ولعب بيهه جوله جابت بنيه ثانيه ما اعرف اسمهه لان انتقلنه لعب بيهه جوله وذبوهه على اهلهه وتركَووه وتهمهه بشرفهه انو الجهال مو جهاله ومن غير واحد تالي اخذو الولد وطيحو حضه هنا حتى عماله شغلوه سوده عليه جان ينام بالطرمه جوعان وبردان وتعبان من الشغل اروح انطيه لفه ومي وانومه بحضني وضلو ياخذونه شهرين ثلاثه ويذبونه هناك اشهر لحد عمر 9 سنوات بعد ما جابوه نسوه ولا انطوهم فلوس ولا سئلو عليهم فالكل اعتقد هوه جاي ينتقم من عدنه

ملاك بس ماما هوه يحبني

امي بعد ما ادري يمه انوب خاف تتزوجون وينتقم اكثر

رقيه يمه خطيه هيج مسوين وياه

امي بعد شنسوي يا امي

راح اختصر الاحداث ::

عقدنه اني ويزن ونقلت غراضي بغرفته وصارت اول ليله سوه النه كلهه حب وحنان صراحه َ اني جنت احبه خوش ولد يخبل مرت الايام وعلي ماكوو كلت راح بعد شيسوي رقيه ودعاء تزوجن ولد عمي مصطفى(ايمن ومهيمن) وصار عرسهن وخطوبتهن يجنن بشهرين تزوجن لبست بخطوبه رقيه بدله قصيره للركبه وشيالات خفيفه ولونهه وردي فاتح وشعري فتحته وكعب عالي صرت روعه والركص هلكت وبالحنه بدله حمره وبالعرس بدله ليموني فاتح كصيره وحلووه وشعري شلته ونازل خصل والصور شكد كصينه نخبل طلعنه هاي رقيه اما دعاء لبست بالخطوبه بدله جويتي ضيكه وطويله شعري برمته وكعب وهم الركص والفرحه ماليه البيت وبالحنه لبست بدله سمائي فاتح وشعري فتحته وشلت خصلات وبالعرس بدله بصلي لحد الركبه وبيهه شيالات خفيفه ووراهه سلفي تسح وراي بس ذيل من وره وكعب اسود عالي اخبل طلعت طبعا كلهه انذهلن بجمالي وهواي نسوان خطبني عبالهن ما متزوجه والحفلات صارن ولا اروع كيووت وفوك الفرحتين اللي بشهرين تزوجن خواتي اثنين والبيت انمله بالضحكات والسوالف الحلوات طلعت فرحه ثالثه حامل 🤰 فديتني والكل فرحان ومتونس

بعد مرور سنتين ::

دعاء تزوجت ايمن عدهه طفل
رقيه تزوجت مهيمن عدهه طفل
هشام تزوج بنت عمي مصطفى اسمهه نور خوش بنيه خلوقه وادب حامل حاليا
أحمد خطب بنيه هم يعرفهه
محمد تزوج بنيه حبهه ورادهه غريبه اسمهه يسرى و حامل بشهرهه
علي بعده ما متزوج
رتاج انخطبت لبيت جيرانهم
ضلت ملك وعلي بعدهم ما متزوجين

اني صار عندي شمس وحامل بقمر بناتي فديتهن وحياتي تجنن ويه يزن كلش فرحانه وهوه ما مقصر وياي