صدفه اوقعتني بين يديك
البارت السابع
##########'##
في باريس في بيت حمزه
حمزه :خلاص تمام زي ما تحبي
ماجده:طب يالا افطر عشان نمشي
حمزه:ماشي
----------------
في مصر في قصر ادهم في المخزن
ادهم:ياريت تكون الخدمه عندنا عجباك يا باشا
الشخص :هاتندم يا ادهم صدقني هتندم
ادهم:لا متخفش عليا انا كدا مبسوط اووي
الشخص:هتستفاد ايه ايه الي باسطك في الموضوع
ادهم:يااااااه مش قادر اوصفلك قد ايه مبسوط وانا شايفك كدا مزلول ومقهور ومش عارف هتعيش لبكره ولا لا
الشخص :ليه كدا انا عملت فيك ايه
ادهم:انت بتسأل ؟لا بجد مش عارف عملت فيا ايه افكرك انت قهرتني كنت السبب في موت امي زلتها واهنتها انت السبب في الي انا فيه انت السبب سامع انا مش هسامحك ابدا انا مكنتش عايز ابقي كدا (وبدء في البكاء)كنت عايز اعيش محترم شايف حمزه بقي عامل ازاي كان نفسي اكون احسن منه او حتي زيه دايما بيتقارن بينا في كل حاجه من واحنا عيال صغيره شوف حمزه طلع الاول شوف حمزه الناس كلها بتحبه شوف حمزه واقف جمب ابوه شوف حمزه ..شوف حمزه... لما كرهت حمزه وعيشته بس انا مش سايبه انا انتقمت منه خليته يحس انه ولا حاجه وانا كل حاجه كنت السبب في موتها قهرته عليها وكست قلبه دمرته بس هو رجع تاني دلوقتي مش عارف ناوي علي ايه بس عارف لو راجع ينتقم مني هنفز الي انت منعتني اعمله زمان
الشخص؛لا يا ادهم كغايا الي عملته فيه ارجوك اقتلني انا ادبحني بس سيبوه في حاله الي شافه في حياته مش قليل
ادهم بصوت جهوري؛انت ايه ياخي ليه هو ليه بتحبه اكتر مني ليه بتخاف عليه اكتر مني انت ايه مش بتحس وسايه ومشي.
*********************
في باريس في المستشفي
حمزه:ادخلي ياماما يالا هركن العربيه واجيلك
ماجده : ماشي بس متتأخرش
دخلت المستشفي وقابلت يوسف
يوسف :طنط ماجده ايه الي جابك هنا
ماجده:امشي يعني ولا ايه
يوسف:لا طبعا مقصدش انا بس استغربت انت تنوري في اي وقت
ماجده:ماشي ياسيدي انا جايه هنا عشان اشوف البنت
يوسف :دا ليه يعني
ماجده:عادي عايزه اشوفها بس
يوسف :تمام تعالي معايا
مشيت ماجده معاه ووداها عنده
ا
في غرفت العنايه
يوسف:هي دي
ماجده:خلاص ماشي امشي انت وانا هدخل وحمزه بيركن العربيه تحت
يوسف :خلاص ماشي انا هقابله سلام
مشي يوسف وسابها وهي دخلت للبنت اول ما شفتها عيونها دمعت من منظرها وصعبت عليها جدا شكلها وهي نايمه لا حول لها ولا قوه وحوالها الاجهزه متوصله بجسمها كله قعدت جمبها وفضلت تكلمها
ماجده:عيني عليكي يابنتي دا انتي صغيره اووي معلش كله بيعدي والله اعلم الخير فين بس عارفه انا مبسوطه اووي بعد ما حمزه قابلك وهو اتغير بقي بيضحك ويتكلم معايا ويخرج انت غيرتيه من غير ما تتكلمي معاه ولا كلمه دايما حاسس انك مسئوله منه وهو دايما هيفضل جمبك بس انت فوقي عشان تساعديه وانا كمان هفضل جمبك
وسابتها وخرجت وقابلت حمزه
حمزه:ها ياماما شوفتيها
ماجده:ايوه شفتها صعبت عليا اووي دي صغير في السن
حمزه:عارف وانا السبب في الي هي فيه
ماجده:لا ياحمزه الله اعلم لو مكنتش خبطها كان هيحصل لها ايه مش كان ممكن يقتلوها وتموت
حمزه:ايوه ممكن بس برضه مش قادر انسي اني السبب في رقدتها دي
ماجده:وحد الله ياحمزه وخليك قوي عشان تقدر تساعدها
حمزه:لا اله الا الله ماشي ياماما انت هتروحي فين دلوقتي
ماجده:هروح اشتري شويه حاجات واروح علي طول
حمزه:ماشي خلي بالك من نفسك ولو عوزتي اي حاجه رني عليا ماشي
ماجده:ماشي ياحبيبي سلام
حمزه؛سلام
رجع حمزه ليوسف وقاله اتصل علي سيرين وقولها تيجي انا عازمك علي الغدا وفي موضوع مهم لازم نتكلم فيه
يوسف :موضوع ايه دا
حمزه:لما تيجوا هقولك
يوسف ماشي
حمزه:قدامك ساعه وتكونوا في مطعم*******سلام
يوسف :سلام
سابه وراح لها العنايه دخل وقعد جمبها وفضل يكلمها
حمزه:انا عارف انك سامعاني انا مش هسيبك وهفضل جمبك بس انت لازم تساعديني لازم تبقي قويه وتفوقي انا هسيرك دلوقتي بس هرجعلك تاني
بعد ساعه راح المطعم وقابل يوسف وسيرين
يوسف :ها موضوع ايه
حمزه:بخصوص البنت
سيرين :حصلها حاجه ولا ايه
حمزه:لا محصلهاش حاجه بس في تحسن حتي ولو بنسبه بسيطه بس في تحسن
يوسف :تمام دا شئ كويس
سيرين :استني يايوسف عايز تقول ايه ياحمزه
حمزه:الموضوع بخصوص وشها انا عايز ليه حل عشان كدا كلمتك اتصرفي وشها فعلا مدمر
سيرين: ماشي هشوف ها واشوف اقدر اعمل ايه
حمزه ؛بجد يعني هتساعديني
سيرين :ايوه طبعا انت بتقول ايه اكيد هساعدك
حمزه :انا متشكر جدا يا سيرين كنت عارف انك هتقفي جمبي
سيرين :عيب عليك احنا صحاب
يوسف:انا عاطف معاكم في القاعده تحب اجبلكم شجره وكوبايتين لمون ايه ياحنين دي مراتي
حمزه:دا انت فصيل يالا غور بقي وسبنا لوحدنا شويه
يوسف :طب اكلوني الاول وانا اسيبكم وامشي
سيرين:انت بتبعني يا يوسف
يوسف :سوري يابيبي دا هيأكلني
حمزه:واطي ماشي ورا بطنك
يوسف:انجز شزف هناكل ايه خلينا نرجع المستشفي
حمزه:شوف هتاكل ايه يالا
اتغدو مع بعض ورجعوا المستشفي تاني وسيرين ؤاحت علي شغلها
عدي اليوم بسرعه ورجع حمزه البيت لامه وحكالها الي حصل بينه وبين سيرين
ماجده:بجد هتساعدك كنت متأكده انها هتساعدك دي بنت كويسه اووي وهتبدءو من امتي
حمزه:من بكره هنيجي تشوفها ونعمل شويه تحاليل ونشوف هيحصل ايه ربنا يستر
ماجده:يارب ياحبيبي اطلع ارتاح بقي شكلك تعبان
حمزه:ماشي تصبحي علي خير
ماجده:وانت من اهله
----------☆------
في مصر
ادهم قاعد علي البار في القصر بتاعنه وسكران وبيكلم نفسه
ادهم:ليه كدا انا عملتلك ايه انت دمرت حياتي بس مش هسكتلك والله لاقهر قلبك عليه استني عليا انا وانت والزمن طويل ياحمزه وبدأ يكسر في كل حاجه حواليه من كتر الغضب
♡♡♡♡♡♡♡♡♡♡♡♡♡♡♡♡♡♡♡
(استووووووب)
خلص البارت لحد كدا ياتري ادهم ناوي علي ايه لحمزه؟
العمليه هتنجح ؟
هتفوق ولا لا؟
قولولي رايكم في الكومنتات
#صدفه اوقعتني بين يديك
بقلمي/SehamRady
أنت تقرأ
صدفه اوقعتني بين يديك
Tajemnica / Thrillerغموض رومانسي #هو كره العوده مره اخري للبعد عن الماضي لكنه عاد ليلتقي بها وتربطه اكثر بهذا الماضي #هي لا تتذكر من هي ومن فعل بها هذا لتجد نفسها في بيته ويساعدها في الانتقام لها وله ايضا
