ساره: رحت الاحلي لكيت شومه بالباب فدوه اتخبل لابسه تنوره قصيره وبدي سمائي والكرش طالع وشعرها نخلات ولابسه نعال سمائي اتخبل نزلت وبستها وراح اسد دخلنه جوه جان تحجي شومه
شومه :ساغه (ساره) هذا مو حولو (حلو) ما حبه
ساره بشهكه : ولج شومه هاي ليش تحجين على زوجي
شومه: ساغه(ساره) مو حولو (حلو) وجه بي شعغ (شعر)
هههه قصدها على لحيته
ساره: يي والله حقج يخاله هو اني وكوه متحمله لحيه اسد
دخلت جوه وسلمت على اهلي وبقينه يمهم نسولف ونضحك حجه وياي سيف
سيف: ساره اريد اخطب رقيه
ساره: يي حبيبي ليش لا مبروك
سيف: بس لدكولين الرقيه اريد اسويلها مفاجئه
ساره : ماشي حبيبي
كمت سويت عشه ويه فاطمه اختي وتعشينه وكملنه اجه بليل اسد عليه واخذني من بيت اهلي ورحت للبيت سبحت ونمت اجه اسد هم نام حظني ودفنت راسي بصدره ونمت كعدت الصبح باوعت بوجه اسد فدددديته حبيبي كعدت سبحت وطلعت بدلت لكيت كاعد اسد
ساره: صباح الخير حبيبي
اسد :صباح الخير يعمري
ساره: يله كوم اسبح حتى اتروح للشغل
اسد: ماشي حب
كام اسد دخل سبح وطلع ونزلنه جوه لكيتهم كاعدين بس مؤمل ومريم بعدهم
ساره واسد: صباح الخير
الكل: صباح النور
اسد: يمه لعد مؤمل وين
ام اسد: والله يمه بعده مكاعد هو ومريته
ساره: يااا سوده عليه يمه وهاي بعدها هسه اصعد عليهم
صعدت الغرفه مؤمل ودكيت الباب اجه صوت مؤمل يكول منو كلتله افتح الباب ولك اجه فتحه جان بس بالشورت وهي نايمه هل جربايه ولافه اللحاف على جسمها ضحكت وحجت
ساره بضحك: يله مريم انزلي عمتي تنتضرج لتبقين اهنا
مريم بخجل: هاا يي جايه
مؤمل: يعني خصوصيه والله حرام
باوعت على مؤمل وحجيت
ساره بخبث :خصوصيتك اكطعها مثل مجنت تكطع رزق اسد
مؤمل: هههههههه خبيثه
عفتهم ونزلت جوه اسد راد يروح
اسد: يله حبيبتي اني رايح محتاجه شي
ساره: لا يروحي سلامتك
راح اسد وكمت غسلت المواعين ونزلت مريم وساعدتني باوعت على رقيه وياقوت حزنانات صدك منظر ياقوت كسر كلبي اجيت يمهن وكعدت
ساره: ياقوت لتضوجين عليج الله
ياقوت: على شنو ضايجه لا والله عادي
ساره: امانه لاتزعلين على مود سلام
ياقوت: لا والله عادي اصلن نسيته السلام هو عايش حياته ويه علياء خلص
ساره: حبيبتي انتي فدوه الكلبج
كمت اضحك بياقوت وهي اتجاوبت وياي بالضحك
ساره: ها رقيه شبيج ضايجه
رقيه: اسكتي اني راح اطلع سيف من حياتي
ساره: ليش ولج
رقيه: احسن ميحبني هو واني ما اجبره على هيج شي واصلن اكو ولد وياي بالكليه طلب ايدي وافقت
ساره:انجبي لج اسمعي شريد اكلج.....
بعدني ممكمله كلامي ودخلت عمتي ام اسد صاحت رقيه اجاي رقيه كعدت يم عمتي ام اسد واني واكفه يمها ومريم دتغسل بالماعين وحجت عمتي
ام اسد: يمه رقيه انتي كبرتي والج قرار حياتج واكيد صار علاقه بينج وبين هذا الولد الوياج وطلبج للزواج
اباوع على رقيه فتحت عيونها مصدومه
رقيه بصدمه: لا ماما شهل حجي ماعندي شي ويا اصلا
ام اسد: لا يمه عادي اتصير مثل هل شغلات بس الي راح اكوله الج انو اسد رفض هل ولد
رقيه بتعجب: ليش عود رفضو
ام اسد: لان اكو واحد طلب ايدج من زمان قبل هل ولد واحنه كلناله الحد متتخرج
رقيه: ومنو هذا
ام اسد: يمه الطلب ايدج هو سيف اخو ساره وهو اوله من غيره راح يحافظ عليج ويدير باله عليج وانتي عاقله وراح تديرين بالج على رجلج
اباوع على رقيه العيون مفتوحه على وسعها والحلك انفتح ومصدومه صافنه بوجه عمتي ام اسد
ام اسد: ياا يمه رقيه شبيج يمه عززه بنتي مدري شبيها لج يمه ساره هاي شبيها بنتي
ساره بضحك: ههههه لا يمه مابيها شي
باوعت على رقيه وكرصتها هي حست على روحها
ام اسد: لج يمه رقيه شبيج احجي
رقيه بصدمه: سيييف اخو ساره
ام اسد: يي يمه سيف شبيج
هي عمتي كالت هيج ما اشوف غير رقيه مثل القرده صعدت عل ميز وكامت وطكتها بهلهوله
رقيه: ككككككلللللللللللللوووووووشششش
ام اسد بتعجب وصدمه: يا يمه رقيه تخبلتي عود كلتلج انتي عاقله وكبرتي على هذا خبالج وحركتج راح اكول الاسد يكول السيف ماننطي مره
اباوع على رقيه نزلت بسرعه من الميز وحجت
رقيه: لا يمه على بختج تكطعين قسمتي اني مصدكت اجه اقصد عيب تفشلين اسد كدامهم
صدك ضحكت عليها وعلى خبالها ونفس الشي ياقوت ومريم هم يضحكن طلعت عمتي من المطبخ وجان تباوع عليه رقيه وتهز جتف
رقيه بركص: كلللللووش عرس رقيه هيل وطش بالولايه كلللللووش مبارك عرسك يلهيبه ماريد العشه زفوني ماريد العشه زفوني
رقيه تركص وتغني وجان تدخل مره ثانيه عمتي للمطبخ شافتها وحجت
ام اسد: لج يمه رقيه اعقلي شنو هل حركات شنو مشايفه زواج
رقيه بتفاجئ: لا يمه بس
ام اسد: لا بس ولا شي والله راح اكول للجماعه ماعدنه مره واعيد تربايتج من جديد الظاهر تخبلتي
رقيه: لا لا يمه هاهيه اصير عاقله
اباوع العمتي باوعت عل رقيه وهزت ايدها وطلعت ضحكت على شكل رقيه وبقينه انسولف ونضحك مرت الايام والليالي احس بدوخه ولعبان نفس حجيت ويه اسد
ساره: حبيبي اخذني للدكتور
اسد: ليش حبي بيج شي احجي
ساره: لا حبيبي بس اخذني
اسد :كومي اخذج
كمت بدلت ورحنه للدكتوره دخلتلها وفحصتني طلعت حامل فرحت من كل كلبي طلعت الاسد وحجيت
ساره بفرح: طلعت حااامل
اسد بفرح: صدووك تحجين
ساره: يي والله
اسد: يبعد اسد وعشيرته لج اعشششكج
رحنه للبيت وخبرناهم هل خبر فرحو حيل بهل شي واني فرحتي متنوصف واسد ميخليني اشتغل اذا اتحرك شويه يكلي لا موزين عل طفل خطيه ومرت الايام وبطني بدت تكبر وصار عرس رقيه وسيف فرحتلهم انوب كل ملابسي كوه يدخلن عليه لا كبرت بطني لو اذا البس الملابس بطني جبيره وتبين من الفستان اضوج من هل منضر وهذا اسد يضحك عليه ويكلي صايره دبدوبه نفاخه ومريم هم حامل بشهر الخامس واني بشهر الثامن ومبقه شي على ولادتي والكل ديحظرون على ولادتي جنت نايمه بليل بصف اسد حسيت الم بطني كمت كعدت اسد
ساره بوجع: ااه اسد كووم
اسد بنعاس: شبيج حبي
ساره بوجع: ااه اسد الحكلي راح اجيب
اسد: شنوو بعد وكت
ساره بوجع: ولك ماعرف اااه بس كووم ااااه اسسسد
كام اسد كعد امه واخذوني للمستشفى قبل لا ادخل صالت الولاده باوعت على اسد والدموع بعيني والالم موتني وحجيت
ساره بالم والدموع بعينها: اسد اخاف امووت دير بالك على بنتي ولا تزوج اموتك والله
مؤمل بضحك: هههههه شلون اتموتي وانتي راح اتموتين
اسد بغضب: لتحجي هيج مؤمل حبيبتي مايهون عليه اشوفج هيج اشششش لتحجين هل حجي
باوعت على اسد ودخلت ليجوه وره ساعات صحيت والكه بنتي بصفي جنها كمر حبيبتي وجانو يمي عمتي وامي واسد باوعت عليهم وبتسمت بتعب
ام ساره: يمه صلاوات عل نبي جبتي بنيه تخبل مثلج شنو راح اتسميها
ساره بتعب: اتفقت اني واسد انسميها حور
وبقينه نسولف ونضحك وطلعت من المستشفى ومرت الايام وصرت اني وبنتي حور كل حياته الاسد شنريد يجيبلنه ويحب بنته كوولش يمكن حتى اكثر مني كمت حتى اغار من بنتي لان ماخذه اسد كله الها ومرت فتره ومريم اختي جابت ولد سمو علي كلش حلو طالع يشبه مؤمل ورقيه هم حامل واني هم مره ثانيه صرت حامل هفف تعبت هوواي اما نسمه فتزوجت مرتضى وصار عدها بنوته سموها ايه وتجنن حبيبتي وارجوان اتزوجت ابن عمها ولد حباب ومؤدب بس ميصير عدها اطفال خطيه وياقوت اتقدملها واحد وقبلت بي واني جبت ولد سمينا جنيد يشبه اسد كوولش عيونه وحلكه وشكله كله على بعضه اسد يجنن حبيبي اجتي علينه فاطمه اختي وبنتها شومت شافت جنيد ابني اتخبلت عليه
شومه: ساغه (ساره) هذا جنوتي (جنودي) ابنج
ساره: هههه يي ابني
شومه :هذا حولو (حلو ) اغيد(اريد) اغيد اعغس (اريد اعرس) وهو العغيس (العريس)
ضحكنه على كلامها اتضحك باوع عليه اسد حجه
اسد: اعشقج انتي وجنودي وحوري
ساره: جذذااب اتحبهم اكثر مني
اسد بضحك: لا احبج انتي اكثر منهم بشويه
ساره: شلون يعني
اسد: انتي حبيبه عمري وحور حوريه كلب ابوها وجنودي شريان كلبي
ساره: امممم
اسد: احبج
ساره: اعشقك
(النهايه)
"""""""""""""""""""
هلاو قلبوشاتي وهاي نهايه قصتنه فصليه اخ خطيبي انشاء الله عجبتكم واتمنى اكون عند حسن ظنكم وانشاءالله ارجعلكم وياي قصه جديده
احبكم ❤
الكاتبه صفو 💕
أنت تقرأ
فصليه اخ خطيبي
Roman d'amourالكاتبه صفو 💕 قصه كلش حلوه بالعراق قصه رومانسيه وبيها احداث تخبل القصه تتحدث عن بنيه تحب شخص وتنخطب اله وبعد فتره من خطوبتهم تروح فصليه الاخو تابعو الاحداث وانشاء الله تعجبكم??
