زينه

زينه 5💕

فضلنا ساكتين مسافة في الاخر ركبت السماعات ونمت نص الطريق صحيت
زينه :دايرة رواية
اسد:نعم!
زينه :دايرة رواية
اسد:في كتاب اجاثا كريستي ينفع؟
زينه:اي

شلتو بقيت اقرأ فيه لما وصلنا وما خلصت اديتو ليه

اسد:خليه معاك لما تخلصي
زينه:شكرا
ابتسم ومشا دخلت بيت كبير الناس كلها بتعاين لي
همست لحلا:ديل مالهم
حلا:عشان ما لابسه عباية
ابتسمت وبقيت اسلم عليهم المساء قاعدين جات مرة ملامح وشها غريبة
..... :يا بتي عمرك كم
زينه:22
.....:مااك ما متحننه وعندك كم ولد
زينه:لا انا ما متزوجة
.... :يا فضيحتي عمرك ٢٢وما معرسة دا هنا البت تعرس وعمرها ١٤
زينه:بس انا لا
.... :دايرة تباري لي لبس النصيب البتلبسيه وقلة الادب
زينه:اولا بابا ما منعني البسو يبقى ما عندك حق تقرري البس شنو واخلي شنو وتربيتي احسن من تربيتك الف مرة

وشلت رجولي وطلعت بقيت اتمشى جاني احمد من ورا خلعني بقيت اصرخ
احمد:انا احمد والله😂
زينه:يا حيوان يا تافه يا متخلف
احمد:عايني المزز بعاينو لينا كيف😂
زينه:اصبر😂

شبكت اصابعي في اصابعو والبنات واقفين يتكلمو رجعنا وهو عيونو مدمعة من الضحك لاقينا اسد جمب الباب ضحكنا في وشو ومشينا

تاني يوم
جات نفس المرة لقيتنا قاعدين (اولاد العم) قعدت في نصنا

احمد همس:شايفة ماف كبار مالها دي كمان
......:سجمي مالكن قاعدات مع الاولاد
احمد:عادي يا حبوبة
.... :حححببووببة يا فضيحتي انا قدر امك يا ولد
احمد:ظاهر😂
ضحكنا فيه
...... :انت يا ابو عضلات ولا دي شني
اسد:انا؟
.... :اي انت... دي مرتك؟
اسد:لا
.... :وينها مرتك
اسد:ما معرس
..... :عمرك كم
اسد:24
..... :سجممي كككبيرر عاد تمام ما بتطلع من هنا بدون عروس
اسد:ما داير اعرس
احمد:انا ممكن اخطب😂
...... :خطوبة شني للشفع
هي بتتكلم ونحن بنضحك واحمد بلعها في حنانو وسكت😂....قامت وجات عمتو
احمد:دي منو
احلام:دي سعدية مرت الجيران
زينه:حشرية خلاص
احلام:استحملوها
ومشت شلت عباية من حلا وطلعت اتمشى مع احمد وقفنا جمب البحر
احمد:الطبيعة هنا احلى من تركيا
زينه:ايوه حتى الناس ظريفين
احمد:بالذات ست حشرية😂
زينه:الليلة لو سمعتك ما بحصل خير

اتونسنا ورجعنا في الغرفة معاي شموع ودينا وحلا وجود وجوري

شموع:واااي شلت رقم بودي
زينه:هههيي ماف زول بقول ليه بودي غيري
شموع:اححيي حتى الدلع عليه غير
جوري:انتو فاقدين حنان
حلا:عشان حامل واااححيي
دينا:اتمردغ ولا اسف التراب انا
جوري قبلت على الحيطة ونامت😂

الصباح
زينه:انا دايرة اتمشى
احمد:ارح قبل ما سعاد تجي
عبد الرحمن :سعدية😂
احمد :المهم قبل ما تجي
حلا :وراك😂

قبلنا لقيناها جاية😂

سعدية:هي وليداتي ازيكم
حسام:تمام
سعدية:انتي يا بتي مالو النصيب دامقطع كدي في الركبة ما عندك هدوم
الاء:لا لا يا خالتو اصلا كدا
سعدية:عاد يا بنات الزمن دا حاجاتكن بتعرفوها براكم وانت يا ولدي ما داير عروس
حسام:لا لا كدا مرتاح
سعدية:تقعد تباري لي الحرام

هنا الاء وشها اتخطف وحسام ما قدر بتكلم واسد اضايق

احمد:لا يا خالتو مهما يكون تربيتنا ما بتسمح
زبنه(في سري) :انت لا لكن اختك واخوك اي
سعدية:والله يا ولدي الشيطان شاطر

بعدها قامت الناس عدت كلامها عادي... اسد قام ولحقو عبد الله وانا قعدت بس كل دقيقتين اسرح بعيد  في الاخر طلعت البحر لما جيت راجعة الشارع كان مظلم وانا لابسة بنطلون شفت باب بيت فاتح قمت دخلتو.... يمكن دا كان من اكبر غلط