علي بس مو هسه بعد سنتين ثلاثه براحتهه
جدي شتكولين ملاك
ما رديت انصدمت بس مستحيل اوافق
ملاك لا جدو ابقه هنا احسن
جدي براحتج
مر اسبوع وكلساع يحاجوني اخير شي جبروني لان علي اثر عليهم حييل وهددوني بيناتي ياخذونهن وافقت اجباري طلب يسوي عرس رفضت بس هوه اصر ولزك الا عرس لان اول فرحه بحياته واني ما مجربه العرس يعني اني ويزن بس عقدلنه الشيخ استسلمت للامر الواقع بدوا يجهزوني من جديد ويشترون ويحطون اني صرت جسد بلا روح كلش تاذيت بس الكل فرحان لان يزن صار شهيد يعني راح للجنه وراح يرتاح صارت الخطوبه لبست فستان ازرك طوخ وكلوشه وصدره دلع شعري سويته تسريحه بسيطه شلت الفوك ونزلت منا ومنا خصل مكياجي مرتب وحلوو كعدت الناس تركص وتهلهل ولا جنه اكو واحد توفه قبل اشهر قليله اجه باس راسي وكعد لزم ايدي ويحجي بهمس كلمات غزل وحب عقدنه وخلصنه كصينه كيك وراح نزعت وكعدت ابجي ما اريده تالي خابرني فوك العشر مرات ما ارد لو اسده اخير شي اتصل على ابوي
ابوي بويه هذا علي يكول خل تجاوب لا اجيلهه
ملاك اهووووو شنو مو خطبني المن يحاجيني بعد هسه اتصل عليه بابا
خابرته ضل يصيح ويغلط ليش ما ارد وشنو جاهل اني ومستصغرتني اطيح حضج تالي هدء واني دموعي ما وكفن ضل يسولف وياي ونمت سوولي الجهاز الكامل وكلشي كملوه غرفتنه اني ويزن رتبتهه وعطرتهه من عطر يزن وعدلت كلشي صارت جنهه بأول يوم عرسنه طفيت الاضويه والثلاجه وطلعت قفلتهه المفتاح خليته بكلبيي ونزلت دموعي رحت ضميته ويه غراضي كلشي خليت ما شلت فانيله وحده من الغرفه حتى شمس ملابسهه نزعتهه وحطيتهن بالغرفه واشتريت جديدات خليت كلشي ذكريااتنه الحلووه والكلام والحب والمشاكل القليله وكلشي خليته بالغرفه وقفلتهه اللي راح تبقه للابد نمت ببيت اهلي رحنه اني وعلي اجرنه بدلات أجرت بدله مال حشد الشعبي وهوه لبست هم زي حشد الشعبي وكلش حلوات صارت الحنه لبست فستان اسود رداناته مشجره طوال وهوه طويل وكلوشه وحلو تصميمه حطتلي ام الصالون مكياج غامق وشعري سويته تسريحه بسيطه حجو عليه وكالو الاسود مو زين ما اهتميت اجه حناني وراح الركص والأغاني والهلاهل والفرحه تالي بدلت ورحت نمت وافكر اكول باجر راح اتزوج غير يزن بس مستحيل انساه لو اموت ما انساه
احبه حيل 👈💛🌿
وفوگگ الححيل بشويةة 🐬🌸🐶
