عاينتا ليهو مسافة،،قولته ليهو أمجد،،،ألتفت علي براحه كأنو ما بعمل في حاجه،،،قال لي أيوة،،،قولته ليهو بتعمل في شنو؟،،قال لي كنتا بفتش في ساعتي،،،انتي عارفة إيثار جنها حاجات اولاد،،،قولته ليهو اممم،،،ولقيت ساعتك؟،،قال لي اا لالا ح امشي اشوفا في دولابي تاني،،احتمال تكون تحت الملابس،،،قولته ليهو طيب،،،،،طبعا عقلي بقى يودي ويجيب،،،بقيت استغفر عشان ما ادخل في حته شك،،،،بعد فطرنا،،،أمي قالت لي ح تغشي إيمان صاح ؟،،،قولته ليها اي،،،،قالت لي طيب ح اعمل نشا وديهو ليها،،،قولته ليها طيب،،،،مشيت استحميت وشلتا لي عباية من عبايات إيثار،،،،كويتا،،،شلتا تلفوني دردشتا مع صحباتي في الواتس لحدي الضهر كده،،،قومتا اتوضيت وصليت،،،،اتصلتا على ايثار،،قالت لي ربع ساعه وبصل البيت،،،استناك برة؟،،،قولته ليها اي استنيني،،،،لبستا واتمكيجتا،،،مشيت لقيت امي نايمة،،،،،مشيت المطبخ لقيتا جهزت النشا،،شلتو وطلعتا،،،،،لقيت ايثار جات مع مصعب،،،،ركبتا العربية،،وقولته لمصعب ووين يا،،،قال لي اللخت كيفك،،،قولته ليهو كويسة،،كيف انت والشغل،،،قال لي تمام والله،،،اها ماشة بيت نسابتك دغري ولا عندك مشوار؟،،،قولته ليهو بس عايزة اغشى ايمان حكاية 10 دقايق كده،،،قال لي طوالي،،،اصلا هي قريبة من هنا،،،قولته ليهو اي،،،،،،،إيثار قالت لي بدر اتصل عليك؟،،،قولته ليها الصباح بس قبل يسافر،،،،قالت لي اممم،،،في ناس كده قاعدين في،البلد دي،بس زي المسافرين😒👊،،،،مصعب قال ليها هوي هوي مالك كمان💔👊👊👊،،،،قالت ليهو انا سألتك اسي،،،قال ليها اها قاصده منو مثلا،،،،قالت ليهو مابخصك،،،،،عاين ليها مسافة بعدين قال ليها لاحظي انو ايناس مامعانا كل يوم عشان تطولي لسانك،،،اصبري لي بس،،بقيت اضحكك😂😂😂قولته ليهم طلعوني برة مواضيعكم دي لو سمحتوا😂👊،،،،،،،،،وصلنا بيت إيمان،،،،،إيثار قالت لي انزلي انتي بس وسلمي عليها،،،قبل كم يوم كنتا معاها وقربتا اتشاكل مع حماتا بس مسكتا نفسي،،،،قولته ليها ههه طيب،،،،شلتا النشا ونزلتا،،،ضربتا الجرس،،،فتحت لي رغد بت ايمان عمرها 4سنوات،،،قولته ليها رغد😍😍،،،قالت لي خالتو،،،شلتها ودخلتا بيها جوه،،،قولته ليها روزا وين،،لما خلتك تفتحي الباب،،،قالت لي بتغسل ملابس عمتو،،،،،قولته ليها اها وماما وين،،،قالت لي جوه في الصالة التانية مع عمتو،،قولته ليها طيب اجري العبي،،نزلتها،،مشيت الصالة،،،لقيت ايمان قاعده وبتسمع في كلام حماتا،،،،حماتا بتقول ليها شوفتي السلطه دي باردة ماعجبتني،،،وشكلك كده ماغسلتيها،،شيليها من وشي،،،،واولادي فطروا ولا لسة،،،ايمان قالت ليها فطروا وناموا،،،قالت ليها اها كويس،،،طبعا هم وضعهم ماشاء الله،،جيت داخله قولته لايمان يامزة،،،قالت لي نوسة😍😍مشتاقين،،،قولته ليها كتير والله،،،سلمتا عليها وحضنتها مسافة،،،،قعدتا في الكرسي وقولته لحماتا سلام عليكم،،،قالت لي وعليكم،،،،،ايمان قالت لي اا دي زينب اخت محمد،،،،قولته ليها لا واضح،،،صوتا واصل نهاية الشارع يشبه صوت محمد😂😂😂😂😂😂💔،،،،ايمان قالت لي جبتي لي معاك شنو في الساخن دا،،،قولته ليها نشا❤ عملتو امي،،،قالت لي اودي المطبخ واجي،،،طلعت من الصالة،،،المرة قالت لي فيك شبه من اختك،،،قولته ليها بس اختي خارباها طيبتا😊،،،سمعتك قولتي السلطة باردة وما مغسلة،،،قالت لي اي😒،،،قولته ليها المرة الجاية بخلي إيمان تغسلها ليك بالليفه والصابون وتسخنا ليك في النار،،،بعدين تختها ليك،،،،قالت لي هي ست الامر ما اعترضت على كلامي ولاعلقت،،،جاية انتي تتفاصحي،،،قولته ليها كلمتك ايمان طيبة،شديد،،،عشان كده سكتت ليك،،،،ايمان جات داخلة،،وشايلة موية،،،شربتها وقولته ليها يلا يا ايمو،،،انا ماشة،،،قالت لي يابت متين جيتي اقعدي،،،قولته ليها لا والله،،،ماشة لناس عمتي،،،بجيك تاني ان،شاء الله،،،سلمي على محمد،،ولي صهيب ومؤيد لو جوو من المدرسة،،قالت لي طيب❤،،،قولته لحماتا يلا يا خالتو ،،،،،،عاينت لي عين💔💔😂😂،،،،طلعتا،،،لقيت إيثار ومصعب بتشاكلوا،،،ركبتا العربية وقولته ليهم من اسي بتتشاكلوا اسمعوا نصيحتي وماتتزوجوا😂😂😂😂😂💔💔💔💔،،،،،،مصعب قال لي ياريت🌚👊،،،،،إيثار قالت ليهو اي فعلا احسن مانتزوج😒،،،،،المهم فضلوا يتناقشوا👊👊👊💔😂😂😂لحدي ما وصلنا،،،،،مصعب قال لينا يلا انا ماشي اشوف باقي شغلي،،،،يا ايثار لما تكونو طالعين اتصلوا علي،،،،قالت ليهو طيب،،،،،ضربنا الجرس،،،فتحت لينا جود،،،قولته ليها العاطله😂،،،قالت لي عطلة شديد،،،،سلمت علي وعلى ايثار،،،،،مشينا الصالون سلمنا على عمو صلاح،،،،وبعدين دخلنا جوه،،،،سلمتا على عمتي❤،،،،قالت لي عاد انتي وبدر الدين تتجازوا،،،عرسان واي واحد بجي براهو،،،،،جود قالت ليها اي والله حيرونا معاهم😂💔👊،،،،،قولته ليها والله يا عمتي جات كده😂😂💔ما ذنبنا،،،،قالت لي ناس بيتكم كيف،،،قولته ليها كويسين والله،،،وين بسام ما شايفاهو،،،قالت لي طلع قبل شوية قال ماشي لامجد،،،قولته ليها اها كويس،،،،جود قالت لايثار كيف مع الجامعه،،،قالت ليها جري بس والله،،،،قالت ليها ربنا يعينك،،،ويعيني انا على بورتي😂😂😂💔،،،قولته ليها كعبه كعبه يا جود😂😂😂💔💔💔💔👊👊👊،،،،،،المهم قعدنا نتونس معاهم لحدي المغرب كده،،،،جيهان جات لقتنا طالعين،،،قالت لينا ما راضية ياخ حرام انا ياداب جيت اقعدوا ونسوني،،،قولته ليها المرة الجاية يا السمحه💔،،،،قالت لي نشووف،،،،مصعب جاا ووصلنا لحدي البيت،،،،،،،،لقينا أمي ماسكه تلفونا وبتتصل وترجع تستغفر،،،،قولته ليها امي مالك مقلقه كده؟،،،قالت لي بركة الجيتو،،،،اخوكم طلع من بعد الفطور لحدي اسي ما ظهر،،،،قولته ليها أمجد ما صغير وبعدين الزمن بدري يا امي،،،بجي اسي،،،قالت لي امجد دا ليهو فترة بقى يتغيب كتييير كده،،،ماعارفة الشلة الاتلمى عليها دي شنو كمان💔،،،،قولته ليها هو بكون مع بسام طول الوقت،،،كده خليني اتصل عليهو،،،قالت لي اي،شوفيهو،،،اتصلتا على بسام رد لي،،،قولته ليهو بسام كيفك،،قال لي تمام كيف انتي،،،قولته ليهو الحمد لله،،،،أمجد دا معاك؟،،،،قال لي اي قبل شوية كنا سوا،،،اسي بكون راجع على البيت،،،،،قولته ليهو طيب تمام،،،قفلتا منو،،،وقولته لامي جااي على البيت،،،قالت لي الحمد لله،،،انا الف مرة حذرتو من بسام دا بس هو مابسمع كلامي،،،،قولته ليها غايتو بس الحمد لله،،،،،،بعد مشينا غرفتنا،،،طلعتا العباية ورقدتا في السرير،،،،بعد شوية اتذكرتا انو عندي اسورة في دولاب إيثار،،،قومتا ومشيت على إتجاه الدولاب،،،فتشتها فوق وتحت مالقيتا💔💔،،،،طوالي اتذكرتا وقفة أمجد وكيف كان بفتش في الدولاب💔دخلتا النار وطلعتا💔ماعرفتا اتصرف كيف ولا اقول يا منو💔،،،،،قولته لنفسي مابقدر اسألو من حاجه زي دي،،،اكيد ح ينكر،،،بس ياربي ليه يسرق💔،،،،،،مرت الايام،،،وكل مرة بفقد من مصاريفي50 وشي100 وبدر كل يوم بتصل علي❤،،،،حسا بي متغيرة،،،بس رفضتا اوريهو السبب💔،،،،،،،،،،اليوم الجا فيهو بدر من السفر،،،،بليل ايثار تلفونا اتسرق،،،،،الصباح لما فقدتو كلمتنا،،،ابوي قال ليها والله غريبة حتى لو حرامي جاا،،،،قدر يخش البيت كيف؟،،،،أمجد نطا وقال ليهو انا مشيت صلاة الصبح وخليت باب الصالة فاتح💔،،،،أمي قالت ليهو هيي يا ولدي ليه،،،كان ح يستفنا،،،المرة الجاية انتبه سمح،،،قال ليها تمام،،،،انا اصلا ماصدقتا قصه الحرامي دي💔،،،،،،،المساء كده اتصل علي بدر قال لي اجهزي جاي،اسوقك،،،،قولته ليهو ليه،،،قال لي هو شنو الليه انتي هبلة😂😂😂😂❤،،ساعه كده وبغشاك،،،قولته ليهو طيب،،،،جهزتا نفسي وفضلتا مستنياهو،،،،جاا سلم على ناس البيت،،،إيثار قالت لي بدر قال ليك اطلعي،،،قولته ليها طيب،،،،طلعتا وقولته لامي المرة الجاية تجوا انتو،،،،قالت لي اساسا❤،ابوي اصر يوصلنا،،،بدر رفض،،،بس ابوي حلف ليهو،،،بدر قال ليهو والله ماكان في داعي تتعب نفسك،،،،قال ليهو لا يا ابني ماف تعب،،،وصلنا لحدي البيت،،،،ودعناهو ودخلنا بيتنا،،،،،مشيت غرفتنا،،،،،غيرتا ملابسي،،،بدر طلع جاب عشا جاهز وجاا،،،،،قال لي تعالي نتعشى،،،انا فطرتا في بيتنا لكن ما اتغديت،،،،مارديت عليهو،،كنتا سرحاانة💔،،،قال لي إيناس،،،مالك،،،،هزاني من اكتافي،،قولته ليهو مالك يا بدر،،،،قال لي بتكلم معاك من قبيل انا،،،قولته ليهو معليش مامركزة،،،،تعبانة عايزة انوم،،قال لي تنومي شنو،،،اقعدي اكلي معاي،،،قولته ليهو بزهجه ماعايزة يابدر،،،عايزة اخش الغرفة قام جراني من يدي،،،،لما لفتني عليهو لقاني ببكي،،،قال لي ايناس مالك بتبكي،،،،في شنو،،،قولته ليهو ماف شي عايزة انوم،،،قال لي ماف نوم مالم اعرف مالك بتبكي💔،،،قولته ليهو أمجد طلع حرامي ارتحتا كده،،،،،،💔
#نتلاقى💜
