نزلتا من السرير وأنا ماشة،،برجلي بكل حذر،استحميت،،واتوضيت صليت،،،صحيت بدر،،،قال لي رجلك بقت كيف؟،،،قولته ليهو احسن من امس،،،،يلا صحصح عشان توصلني بيتنا،،،،قال لي ليه ؟،،،،قولته ليهو انت ناسي انو مصعب ح يتقدم الليلة؟،،،يلا،،،،قال لي طيب بس اصلي،،،على بال كده انتي جهزي نفسك،،،قولته ليهو طيب،،،عملتا الشاي،،،ومشيت جهزتا نفسي❤،،،،بدر بعد صلى،،،شرب كباية الشاي،،،وقال لي ح أأجر ليك امجاد لحدي بيتكم،،،قولته ليهو وانت ماح تمشي معاي؟،،،قال لي انا من اهل العريس وكده😉،،،،قولته ليهو طيب،،،قال لي يلا،،وصلني لحدي الظلط وأجر لي أمجاد،،،قال لي لمن تصلي اتصلي علي،،،قولته ليهو انت ح تطلع من البيت متين،،،قال لي بعد ساعه كده،،،قولته ليهو طيب يلا،،،،،بتاع الامجاد اتحرك،،،،اتصلتا على جود،،قالت لي ننوستي،،،قولته ليها وين يااا،،،كيفك،،،قالت لي تمام،،،وين انتي حاليا؟،،،قولته ليها ماشة على بيتنا،،،،قالت لي اممم تمام،،،انا قربتا،،،خالتو نوال اتصلت علي من امس😂😂،،،قولته ليها لالا تمام😂😂💔،،،،قفلتا منها،،،،،،وصلتا البيت،،،لقيت بسام وامجد واقفين في الشارع،،،سلمتا عليهم ودخلتا،،،لقيت ابوي قال لي بتي السمحهه،،،قولته ليهو ابوي كيفك،،،قال لي نحمد لله،،،كيف انتي وبدر كيف؟،،،،قولته ليهو كويسين والله،،،وين امي؟،،،قال لي امك دي قايمه وواقعة،،،متوترة شديد،،،بتلقيها في المطبخ،،،قولته ليهو تمام،،،مشيت المطبخ لقيتا بتتكلم براها😂،،،ياربي اعمل شنو،،،،اعمل غداء ياربي،،ولا شاي ولا عصاير،،،قولته ليها اعملي رايحه بس💔💔😂😂😂،،،قالت لي اخيرا جيتي👊😒،،،،،قولته ليها اااي،،،ممكن افهم متوترة مالك😂😂😂هم ح يجوا يطلبوها بس،،،يعني غداء عادي مايكون اوفر لانو ح يجو بعد الصلاة وشوية كيك مع شاي ساده وجيبي علبة حلاوة وبلح وخلاص❤،،،،قالت لي اي والله،،،اصلا كنتا ناوية اعمل كده🌚،،،،قولته ليها بالله😂😂😂❤،،،طيب إيثار وين؟،،،،قالت لي في غرفتها،،،اظن نايمة،،،قولته ليها النايمة ليها شنو؟،،،،امشي اصحيها واجي،،،قالت لي طيب،،طلعتا من المطبخ،،،لقيت جود جات،،سلمتا عليها،،قالت لي لسه مابقيتوا تلاتة؟🌚،،،،،قولته ليها لسسسه،،،،قالت لي أشوف خالتو نوال واجيك،،،،انا مشيت غرفة إيثار،،،فعلا لقيتا نايمة،،،طبعا ولا على بالها😒👊👊👊،،،،،تلفونا كان برن،،،لقيتو مصعب،،،،رديت وفتحتا الاسبيكر وختيت ليها التلفون في اضانا،،،،مصعب قال الو،،،ايثويتي،،،،الو،،،،حبيبي انتي نايمة لسه ولا شنو ؟،،،،صحت مخلوعه،،،قالت ليهو مصعبي،،،قال ليها صباح الخير يا احلى مرة😘،،،،قالت ليهو يسعد صباحك يا احلى راجل🙈❤،،،قال ليها يلا صحصحي كده علشان بعدين لما اجي عايز اشوفك أول زول قبل ابوك😘قعدت تضحك،،،،قالت ليهو طيب،،،،،بعد قفلت منو،،ضربتها في كتفها،،،،قولته ليها يلا قومي،،،،قالت لي بسم الله جيتي متين انتي؟،،،قولته ليها من بعد صلاة الصبح😒،،،يلا ياه قومي،،،قالت لي اعمل شنو،،،بعدين انا عروس😌فااا ماف داعي يعني،،،قولته ليها إيثار الله يرضى عليك قومي،،،نشوف الناقص شنو،،،والعايزنو شنو،،،،يلا،،،قالت لي طيب طيب،،،،جاتني مكالمة من بدر،،،أول ما رديت،،،قال لي معقولة دا كلو ما وصلتي؟،،،قولته ليهو اخخخ😬اسفة اسفة،،،انشغلتا بس حبيبي عشان كده مارجعتا ليك،،،،قال لي امممم تمام،،،انا يادوب طالع من البيت،،،قولته ليهو ح تجي هنا يعني،،،قال لي لا طبعا،،،ح امشي بيتنا واجي مع ناس ابوي ومصعب،،،،قولته ليهو اهااا،،،طيب ح اقفل اسي تمام؟،،قال لي تمام،،،،،قفلتا منو،،،،مشيت لقيت إيمان جات مع اولادا،،،سلمتا عليهم❤،،،والكويسة انها جابت معاها الحبشية،،،،قولته ليها كده ريحتينا،،،قالت لي اي،،،وجبتا ليكم كيك و بسكويت،،،قولته ليها لا ظابط❤😍،،،،المهم روزا نضفت البيت،،،وأنا طبختا مع امي،،،،وايثار بس بتجي تعاين لينا وتمشي❤👊👊😂😂،،،،إيمان وجود اقترحوا يجيبو فواكه،،،،،،المهم خلصنا اي شي قبل الصلاة❤،،،،بعد الصلاة كده سامعين عقد،،،،قولته ياربي يكونو عقدوا،،،،أمي قالت لي ابوك ما قال جاين عشان عقد،،،دا كلام شنووو؟،،،،،سمعنا اسم إيثار ومصعب❤،،،،إيمان فجأه بقت تزغرد،،،وجات عمتي داخله برضو من الشارع بتزغرد،،،قالت لامي شلتا بناتك الاتنين يا نوال❤ ايوووووي يوي يوي😙👌،،،،،،مشيت لايثار في الغرفة لقيتا بتبكي❤😂😂،،،قولته ليها عان عان،،،البكا شنو،،،انا غايتوا لمن عقدو لي زغردتا لنفسي❤❤😂😂😂،،،،قالت لي انتي عارفة انا ببكي ليه؟،،،قولته ليها عشان العقد وكذا❤ قالت لي لا،،،مصعب اسي كان بتكلم معاي وقال لي ح يعمل العرس بعد شهر وابوي موافق،،،قولته ليها ماجاده،،،قالت لي والله العظيم،،،يعني اسي اخلص جامعتي كيف بس وريني،،،،قولته ليها والله دا كلام لكن،،،أثناء مابنتكلم،،،مصعب جاا داخل،،،،قولته ليهو العريس❤،،،،قال لي هلا هلا،،،خليك ظريفة وخفيفة وخليني مع مرتي شوية،،،،،إيثار قالت لي والله يا إيناس لو طلعتي ما اتكلم معاك تاني،،،،مصعب حمر ليها وجاها قريب،،،،قال ليها المزعلك شنو؟،،،قالت ليهو يعني انت ماشايف حاجه بتزعل؟عرس شنو الانت ح تعملوا بعد شهر،،قال ليها عرسنا🌚،،وبعدين ماتخافي انا لسة عند وعدي،،ح اخليك تكملي جامعه،،،قالت ليهو بوين ان شاء الله،،،،قال ليها يا الله يا إيثار،،مش نفسك تكملي جامعتك بدون ما اي شي يقيف في طريقك❤ قالت ليهو اي،،،،قال ليها خلاص ح تكمليها،،،اسي خليك مبسوطة بلحظه العقد دي،،،،التفت علي،،قال لي تخيلي يا إيناس انا اتصلتا عليها،،عشان افرحها،،،كوركت فيني😂😂😂👊👊👊💔،،،،قولته ليهو ههههههههههه،،،،،طيب اطلع خلاص كفاك🌚👊👊،،،،قال لي راجل ومرتو،،،انتي المفروض تطلعي👊👊👊🌚،،،،قولته لايثار اطلع؟،،،،سكتت سااااي الكلبهه👊👊👊💔😂😂😂،،،،طوالي طلعتا،،،،مشيت حهزتا الغداء مع ناس امي،،،بعد الناس اتغدوا وضايفناهم،،،،عمتي قالت لامي ح نجي تاني عشان نتكلم في تفاصيل العرس،،،،امي قالت ليها ان شاء الله❤،،،سولافه قالت لينا اخوي مصعب بس طلع عندو حظ في العرس😍❤،،،بس بدر الدين😏بري بري،،،طبعا سولافة بتحب إيثار عشان كده❤😂😂😂😂👊👊👊،،،،قولته ليها هو صحي وينو بدر الدين،،،حتى الغداء ما اتغدا مع الناس،،،،قالت لي تسأليني انا😏امشي شوفيهو،،،،مشيت جنب صالون الرجال،،،اشرتا لامجد جاني،،،قولته ليهو يا امجد ماشفتا بدر وين؟،،،حتى لمن جيتوا بعد العقد انا ماشوفتو،،،،امجد قال لي قبل شوية كان برة،،،،قولته ليهو خلاص ح اشوفو،،،طلعتا برة،،،،مالقيتو،،،،رجعتا جوه،،شلتا تلفوني واتصلتا عليهو،،،ردا لي ب الووو،،،قولته ليهو الو في عينك،،،وين انت من قبيل،،،،قال لي قاااعد،،،،قولته ليهو قاعد وين ان شاء الله،،،،قال لي جيت حضرتا العقد،،بس ما استنيت الغداء،،،كده تعالي برة نتفاهم،،،انا جنب باب الشارع،،،قولته ليهو طيب،،،،طلعتا تاني،،،لقيتو واقف وشكلو زهجان،،،،قولته ليهو مالك؟؟قال لي شوفي تلفونك انا متصل عليك كم مكالمة،،،،قولته ليهو كنتا جادعاهو،،،وجايطه،،،،قال لي لا الليلة سفهتيني سفه من امها،،،بقيت اضحك😂😂😂قال لي ماتضحكي جادي معاك،،،اها رجلك بقت كيف؟،،قولته ليهو مع اللخمه نسيتا😂😂،،قال لي اها نمشي ولا عندك حاجهه؟،،،قولته ليهو نمشي من اسي،،،،الزمن بدري،،،،قال لي ويعني شنو بدري،،،،طيب نطلع بعد العصر،،قولته ليهو طيب،،،،،دخلنا جوه،،هو دخل الصالون،،،وأنا مشيت الصالة،،،،ونستهم كلها بقت بس عرس إيثار ومصعب❤😂😂😂،،،،،بعد العصر كده بدر اتصل علي،،،قال لي يلا اطلعي،،،ودعتا ناس امي وطلعتا،،،إيثار عاملة فيها عايزة تقدمني جنب الباب،،وهي عايزة تشوف مصعب😏👊،،،،أول ماشافتو جنب الصالون،،،قالت لي خلاص يا نوسة مع السلامة😬❤،،،قولته ليها اصبري بس ياكلبة😒،،،طلعتا لبدر،،طلع شايل عربية مصعب،،،قولتة ليهو وهو ح يرجع بشنوو؟،،قال لي مع ناس ابوي،،،انا بس عايزها بكرة ضروري،،،قولته ليهو اهااا،،،،،طول الطريق كان ساكت،،،وانا بحاول افتح مواضيع،،،،لما زهجتا قولته ليهو انت مالك؟؟،،،،قال لي والله يا إيناس بفكر في موضوع كده،،،قولته ليهو موضوع شنو؟،،،،قال لي في واحد شال مني تلفونين قريب ب30مليون،،،،ووعدني يجيب لي القروش الليلة الصباح،،،،،ومن الصباح قافل تلفونو وماقادر اصل ليهو،،،قولته ليهو بتبالغ يا بدر،،،انت المفروض تشيل منو وتسلمو،،،،قال لي والله حسب ثقتي فيهو،،،لانو قبل كده شال مني واداني،،،قولته ليهو طيب بكون عندو ظرف،،،لو واثق فيهو معناها ح يجيب ليك القروش،،،،قال لي إن شاء الله،،ولو ما جابهم عفيتهم ليهو❤،،،وصلنا البيت،،،،دخلنا،،،بعد غيرنا ملابسنا،،،،مشيت عملتا ليهو عصير❤ وجيت عملتا ليهو مساج لراسو❤،،،قال لي معليش،،،قبيل طول الطريق قالب وشي،،،قولته ليهو لا ما مشكلة،،،،،عارف المشكلة شنووو،،،قال لي شنوو،،،،قولته ليهو اني مشتاقة ليك يااااخي❤،،،،قال لي ورب الآيات انا اكتتتتتتر❤،،وطول الوقت كان نفسي اسمع صوتك،،،بس أنتي👊👊👊،،،قولته ليهو معليش يابيبي معليش😂😂❤❤❤😙،،،،،،المساء كده الراجل اتصل على بدر وقال ليهو كان عندو وفاة وماقدر يصلو عشان يدي القروش،،،،بدر قال ليهو البركه فيكم،،،،الراجل قال ليهو اا طيب بكرة نتلاقى في()،،واسلمك القروش،،،بدر قال ليهو طيب تمام،،،قفل منو،،وضماني😂❤❤،،،قال لي كلامك طلع صااااح،،،الراجل طلع عندو ظرف❤،،،قولته ليهو اممم وبعدين حق الحلال مابروح❤فكاني،،وقال لي اممم فعلا،،،،والحلال برضو طعمو حلو حلا🌚❤،،،عاينتا ليهو وقومتا جارية😂😂😂😂💔👊👊👊
الايام المرت كلها بالنسبة لي كانت جري،،،من السوق للبيت،،،ومع ايثار والحبسة،،،،حتى بدر بقيت ما فاضية ليهو😂😂❤❤،،،،،،لما فضل اسبوع للعرس،،،،،انا مشيت حجزتا صالة الحنة،،،ودفعتا العربون،،،واتصلتا على الفنانة،،،،ومشيت مع إيثار السوق عشان نقص فستان الحنة،،،،لما بدر جاا يسوقني المساء،،كنتا تعبانة ومدروخة كده،،،قال لي نغشى المستشفى؟،،،قولته ليهو لالا،،،انا كويسة،،،،قال لي ماكويسة،،ماشايفة شكلك عامل كيف،،بقيت اقول ليهو انا كويسة وماعايزة أمشي،،،ولا اشتغل بي،،،،مشينا المستشفى وعملتا فحص،،،،الدكتورة بتاعت المرة الفاتت،،،قالت لي شكلكم كده مستعجلين😅 عالعموم الف مبروك❤ جايكم بيبي❤،،،،،،كمية الفرحه الحسيت بيها حتى لما بدر اتقدم لي ماحسيت بيها❤❤❤❤😂،،،،الدكتورة قالت لي بس اعملي حسابك يادوب البيبي عمرو تلاتة اسابيع،،،،يعني راحه تااامة،،ماترهقي نفسك اكتر من اللازم❤،،،عاينتا لبدر،،،لقيت ملامح وشو كلها متغيرة زي الزول الببكي كده❤❤
#نتلاقى💜
