هنا:ياخالد مينفعش اللي انت عامله ده انا اهه بحاول امارس حياتي عادي بعد خطف حاتم
خالد بيأس وتعب شديد ودموع :انتي مش عارفة حاجة حاتم ده اخويا يمكن اكتر من يونس نفسه ساخنا روحي متعلقة بيه بشكل غريب بنحس بوجع بعض اووي وانا موجوع اووي وده معناه أنه تعبان اووي ساخنا
تنهدت هنا بحزن وصمتت إلا أن سمعت دق ليلة علي الباب ودخولها بسرعة
ليلة:اسفة ياجماعة بس عندي خبر حلو جدا لاقوا حاتم ويونس وهشام راحوا يجيبوهانتفض كل من هنا وخالد :بجد ياليلة
ليلة :طبعا هو انا اجيب غير الاخبار الحلوة بردو
هنا وهي تقبل ليلة :طبعا يااحلي ليلة
خرج خالد مسرعا وهو بهاتف يونس ليبلغه بما حدث
******وصل يونس للمكان المحدد وجده هشام أنه نفس مبني المستشفي ولكن من الخلف ووجد باب جانبي داخل حديقة واسعة من الأرض الاسمنتية ويلفها بعض الأشجار والنخيل الطويل
هشام:غريبة انا اول مرة اشوف المكان ده مع اني فالمستشفي هنا من اكتر من سبع سنين
يونس:ماهو ده المبني اللي بيعملوا فيه العمليات القذرة بتاعتهم
وصل فريق العمليات الخاصة وتمت الموافقة.اهمة للمكان وبين طلقات نارية والكثير والكثير من قنابل الغاز تم في النهاية القبض علي محمد وجمال وبعض الأطباء وطاقم كامل للتمريض والاكثر من الأطفال والكبار ايضا في غرف تشبه المقابر أسفل المبني ووجدوا حاتم وعلي وجهه غمامة بيضاء حزن هشام كثيرا علي أخيه ولكنه أمر ينقله الي المستشفي العسكري ثم يبلغ اهل البيت بكل ماحدث
*****
سعاد:يالا يامة الراجل تحت من بدري بسرعة بقي
نعمات:طيب يابنتي جاية اهه
بت ياسعاد انتي متا كدة من الناس دي
سعاد:أيوة طبعا يامة دول ناس ابهة بيوت ايه وعربيات ايه وعز ايه ربنا يوعدنا
سعاد:طيب يااختي يارب
هبطوا الي السيارة التي انطلقت بهم لمنزل يونس
********يعني ايه اللي حصل ده
مجدي:ياهانم احنا كرة واحدة لاقينا الحكومة مايسة علينا معرفناش نتصرف ازاي انا هربت بالعافيه
..:طيب غور من وشي الساعة دي
ليكم يوم ياكلاب
*******
فوزية :ايه ياعمر رايك غالبا وربنا زي الفل
عمر:اه ياماما شكلها كدة
فوزية :يعني اكلم امها واخلص معاها
عمر:زي بعضه اهه احسن من غيرها والبت مزة ولبس اغيظ بيها عمتي وولادها ولا ايه
فوزية بضحكة خبيثة :طبعا ياروح امك امال ايه
عمر:طيب هكلمها دلوقتي ونخرج سوا وبالمرة اجيب لها دلالة وخاتم كدة هدية تكوني انتي خلصتي الموضوع مع امها
فوزية:اخرج ياقلب امك واتبسط
********
في المشفي العسكري
يونس:طمنا ياهشام
خالد:قول ياهشام انت مالك فيك ايه
هشام بحزن:ياجماعة عاوزني اقول ايه شاب فاول عمره يعيش بعين واحدة بس ومش كدة لاء كمان كلية واحدة اعمل ايه
احمد وهو يربت علي كتف هشام
:يابني نحمد ربنا أنه علي وش الدنيا واذا كان علي الكلية ناس كتير عائشة بكلية واحدة وزي الفل وموضع القرنية ده عادي هو كدة كدة لابس نضارة معتقدش أن حاتم هيضايق انا متاكد انه هيتقبل مصيره بحمد وشكر لربنا
خرجت الممرضة تبلغ الجميع لإغاثة حاتم
ظلفوا جميعا الي الغرفة وكان اولهم خالد الذي احتضن أخيه وادمعت عيناه ربت حاتم علي كتفه
:خلاص ياخالد انا كويس اهه بقيت اعور بس تمام
هنا:نحطلك بتاعة سودة علي عينك ونعملك قرصان
انفجر حاتم وخالد في الضحك
حاتم:طيب يبقي بابا احمد يجيبلنا مركب بقي ومسرح بيها اهه نلقط رزقنا احسن من القعدة
مال احمد علي هشام :مش قولتلك هو اقوي مننا كلنا
ابتسم هشام وأماء برأسه
خالد:يالا بقي هتخرج امتي
حاتم:مش عارف لما نشوف الخالة ايه ولا ايه يادوك
هشام:لاء اطمن شكلهم خدموك بنضافة تقدر تخرج كمان يومين
خالد:عال عشان عاوز البس البت اللي حمضت دي دبلة ولا اي حاجة شكلي بقي زفت بصراحة
حاتم:اه جدا
ظلوا علي وضعهم يضحكون ويبتسمون علي نكات خالد وجنون حاتم وهنا
********
ليلة :ياعاصم تعالي تذاكر حبة بقي
عاصم:جاي يالولو حاضر بس مش هنذاكر حساب
ليلة:ربنا يسهل
ظلفوا السيارة الي المنزل وبداخلها نعمات وابنتها ومن خلفهم سيارة يونس
ليلة :وهي ترحب بهم اهلا وسهلا نورتونا
نعمات :منور بأهل البيت ياحبيبتي
يونس من خلفهم :دي أن عاصم مراتي
نظرت له ليلة نظرة مستفهمة لقبها
بادلها يونس بنظرة ذات مغزي صمتت ليلة علي آثارها
سعاد:دي امي نعمات ياسيادة الرائد
يونس وهو يرحب بهم
:اهلا بيكم والله ياحاجة من شعارف اردلك جميلك ده ازاي
نعمات بقلق :تحمينا يابني انا ماليش غير بنتي ونفسي اطمن عليها
يونس:طبعا ياست نعمات ربنا يقدرني وارد جميلك
حضرت الخادمة أمرها يونس بقيادتها الي غرفة بحديقة المنزل وتوفير كل أدوات الراحة لهن
ليلة مستفهمة بعد رحيلهم :ايه بقي
يونس :دول ناس اول مرة نعرفهم أقوالهم انك ليلة افرضي كانت سمعت اسمك فالمستشفي وزغللوا مرة عينيها بفلوس ولا هددوها ببنتها تقولهم علي مكانك نعمل ايه وقتها
ليلة:طيب طيب متزوقش مكانش سؤال يعني
يونس:ازق وربنا انا مش عارف جيتك منين
ليلة :من المشرحة
يونس:أيوة صح وربنا نسيت
نور:لولو عاصم ضربني
ليلة وهي تجري وراء عاصم خد ياولاد وربنا هربيك ياعاصم
عاصم:ده لو حصلتيني يالولو
يونس باستغراب
:انا ايه اللي عملته فنفسي ده انا ناقص جنان كدة البيت كله بقي سراية صفرا
*******
طارق:الو أيوة يابابا
صالح:طمني يابني عرفت حاجة
طارق:اه لاقوه وحاليا فالمستشفي خالد لسة قافلة معايا
صالح :اللهم لك الحمد ربنا يزيح يابني ويسترها علي اختك
طارق:يارب يابابا هقفل انا بقي عشان خالد ليه كام يوم مش هنا والشغل كله علي دماغي
صالح:طيب يابني ربنا معاك
تدخل مها السكرتيرة :مستر طارق مدام نورة وصلت
طارق :دخليها بسرعة وقف ليكون في استقبالها
دخلت نورة تفاجا طارق بأنها شابة في العشرين أو الخامسة والعشرين لا اكثر عيونها زرقاء بلون السماء ترتدي تنورة تكاد تصل إلي فخذيها ملتصقة بهم ترسمها من جميع الجهات مع بدي بدون اكمام
نورة بصوت رقيق:اهلا مستر طارق
طارق :ها اهلا يا مدام اتفضلي
جلست أمامه واضعة رجل فوق الاخري
انا هدخل فالموضوع علي طول انا محتاجة شراكة مع شركة زي شركتكم لاني داخلة مناقصة كبيرة وللأسف مش معايا سيولة حاليا
طارق:طبعا يسعدني يامدام مشاركتك بس انا ليا شريك وهو هيرجع بكرة باذن الله نتكلم انا وهو وهبلغ حضرتك بس الاول تقوليلي وتشرحلنا ايه نوع الشغل وايه أهمية المناقصة
بدأت نورة تقص علي طارق كل شئ أراد انا يعرفه حتي دلفت مها بسرعة
معا:مستر طارق الحق ............
