Kung tutuusin...
Matagal na dapat kitang nakilala,
Ngunit hindi.
Kung iisipin...
Mas matagal na sana kitang nakasama,
Ngunit hindi.
Mas nauna sana akong napalapit sa'yo
Mas unang pumasok d'yan sa puso mo
Una sana akong nakapagpaligaya sa'yo
At naging dahilan ng bawat ngiti mo
Ngunit hindi.
Pero kahit pa, kahit na...
'Di man tayo agad nagkakilala,
'Di man agad ako nakasama,
'Di agad napalapit sa isa't isa
Masaya ako.
Una man siyang pumasok sa puso mo,
Naunang nagpaligaya sa'yo,
At nakapagbigay ng ngiti sa labi mo,
Masaya na rin ako.
Masaya ako dahil noon iyon.
At mas mahalaga kung ano ang ngayon.
'Di man agad ako,
'Di man nauna sa'yo
Maligaya ako sapagkat ngayo'y mayroong TAYO.
