صدفه اوقعتني بين يديك

البارت 26💖

جني وسيرين لسه في النادي
سيرين؛ها اتصلي بقي
جني؛انت مستعجله علي ايه
سيرين :عشان اشوف المحن بتاع الحبيبه
جني؛هتكلم بعيد عنك
سيرين؛ليه كدا بس دا انا غلبانه سيبيني اتفرج
جني؛كلم يوسف ياختي
وقامت وسابتها عشان تكلم حمزه
حمزه؛الو
جني؛حمزه عامل ايه انت كويس
حمزه؛ياستي والله العظيم كويس ومفيش حاجه
جني؛انا بطمن عليك بس انت عارف انا قلقانه عليك من ادهم اكيد هيدبر لك حاجه تانيه
حمزه؛متقلقيش كل حاجه بيدبرها بعرفها قبل ما ينفذها وبتصرف
جني:يعني حاول يقتلك تاني صح
حمزه؛ايوه بس مش عايزك تقلقي
جني؛يعني ايه مش عايزني اقلق وانت ممكن تموت في اي لحظه
حمزه؛انا وصلت له انك جايه وعايزه شريك في الشغل زي ما اتفقنا فأجل حكايه قتلي دي لما انت تيجي ويضحك عليكي يعني بيستغل وجودي وهو مش عارف ان انا الي بستغل نقطه ضعفه مش هو
جني:يعني ايه وصلتله انت بتعرف اخباره ازاي اصلا
حمزه؛دا سر المهنه بقي المهم انت عامله ايه
جني؛الحمد لله كويسه
حمزه؛وحشتيني علي فكره
جني؛وانت كمان وحشتني
حمزه؛خلاص يومين وتيجي
جني؛مش قلت بعد اسبوع
حمزه:لا قدمت المعاد شويه وحجزتلك كمان
جني:بجد وامتي
حمزه؛اايوه بعد يومين بالظبط بعد بكره بليل تجهزي وفي حد من الحرس الي عندك هيوصلك لحد المطار ومتقلقيش كل الورق سليم ومحدش هيعرف انك جني انت لينا سيده اعمال وصاحبه شركات والكل هيعاملك باحترام وخصوصا في مطار مصر يعني متقلقيش من اي حاجه ماشي
جني؛ماشي
حمزه؛تمام هكلمك تاني بكره
جني؛ماشي سلام
حمزه؛سلام
قفلت معاه ورجعت لسيرين
جني؛يالا نمشي
سيرين:يالا ياستي خلصتي رغي
جني:ااه خلصت ياظريفه
ومشيوا رجعت جني البيت لقت ماجده لسه داخله
جني؛ازيك ياماما
ماجده:اهلا ياحبيبتي
جني:حمزه حجزلي بعد يومين بعد بكره بليل همشي
ماجده؛ليه كدا هو مش قال بعد اسبوع
جني:مش عارفه هو قالي كدا
ماجده:يعني انت كمان هتمشي وتسبيني لوحدي
جني حضنتها :انت عارفه انه غصب عني ياجوجو صح
ماجده:عارف
جني:وصدقيني مش هنغيب كتير اسبوعين بالكتير ونرجع لازم اجيب حقي وحق ابويا
ماجده:عارفه ياخبيبتي عارفه ربنا يعينك يارب وينصرك عليه
جني:امين يارب
ماجده:يالا بقي عشان نجهز الغدا مع بعض
جني:ماشي اغير هدومي بس واجيلك هوا
ماجده:ماشي
في مصر
حمزه قاعد بيكلم نفسه :يعني ايه يعني كل الزمن دا وانا ظالم عمي وهو كان بيساعد ابويا كله بسبب ادهم بس انا مش هسيبك يادهم لازم ادفعك تمن كل الي عملته دا وهيبقي غالي اووي
اتصل بهاشم
هاشم:الو خير يادكتور حمزه
حمزه:هاشم انا عايزك في خدمه
هاشم:أؤمر الي تطلبه عيني ليك
حمزه:الامر لله واحده انا بس عايز اكلم عمي
هاشم:مش عارف هقدر ولا لا دا شئ صعب اوووي انفذه الحراسه عليه شديده ومش اي حد يدخله
حمزه:انا عارف بس انا عايزك تحاول
هاشم:حاضر هعمل الي اقدر عليه
حمزه:ولو وصلت وعرفت تدخل متعرفهوش هيكلم مين قوله في حد عايزك بس مش اكتر من كدا
هاشم:حاضر بس ليه مش عايزه يعرف
حمزه:عايز اعرف هيعرفني ولا لا هيحس بيا ولا لا
هاشم:حاضر هحاول اعمل الي اقدر عليه
حمزه:تمام هستني مكالمتك سلام
هاشم :سلام
فضل حمزه قاعد.مستني اتصل هاشم بفارغ الصبر عدي ساعه اتنين تلاته وبرضه متصلش
عند هاشم كل شويه يحاول يدخل بس ميعرفش لحد ما نجح في محاوله منه ودخل له اتصل بحمزه
هاشم:دخلت له بس5 دقايق عشان محدش ياخد باله
حمزه؛ماشي بس زي ما اتفقنا ميعرفش مين الي بيكلمه
هاشم:ماشي
هاشم:سالم بيه
سالم:ايه ياهاشم جه امر بموتي ولا ايه 😕
هاشم:لا انا جايلك بخصوص حاجه تانيه
سالم:حاجه !حاجه ايه دي
هاشم:خد كلم
سالم:اكلم مين
هاشم:حد عايزك خد شوف بنفسك
سالم خد التليفون
سالم:الو
حمزه سمع صوته وعيونه دمعت قد ايه صوته هزيل وضعيف :الو
سالم:مين معايا
حمزه:ايه مش عارف صوتي
سالم:اكيد انا غلطان مش ممكن حمزه هو الي يكلمني
حمزه:لا مش غلطان حمزه هو الي بيكلمك ازيك ياعمي
سالم:ياااااه اخيرا سمعت صوتك انا بقيت كويس كويس اوووي كمان انت عامل ايه
حمزه:انا كويس
سالم؛خلي بالك من نفسك ادهم عايز يقتلك
حمزه:متقلقش عليا انا عارف كل حاجه وعارف كمان انك مظلوم
سالم:انت عرفت كل دا ازاي
حمزه:هاشم بيساعدني اي حاجه عايز توصلهالي قوله
سالم؛هاشم!هاشم هو الي بيوصلك كل حاجه عن ادهم مش ممكن يعني دراعه اليمين هو الي بيخونه
حمزه:هاشم جي يبنتقم من ادهم ،ادهم اذي ناس كتيررر اووي واهو بيلم الي زرعه
سالم:معاك حق يستاهل كل الي يجراله
حمزه:ان بس عايزك تتماسك قريب اووي هخرجك من الي انت فيه دا كله
سالم:الله اعلم مين الي يعيش
حمزه:متقولش كدا انا هساعدك
سالم :ان شاء الله
هاشم:كفايه كدا عشان محدش يلاحظ حاجه
سالم:طيب سلام دلوقتي ياحمزه خلي بالك من نفسك يابني
حمزه:حاضر ياعمي وانت كمان خلي بالك من نفسك
وقفل معاه وهو بيعيط علي حال عمه الي بيعتبره زي ابوه
عدي يومين وجه معاد سفر جني حمزه اتصل عليها
حمزه؛ها جاهزه ياحبيبتي
جني:ااه انا خلاص هخرج من البيت اهو والحرس بره مستنيني
حمزه:ماشي ياخبيبتي خلي بالك من نفسك كلها 4 او5 ساعات وتكوني في مصر
جني:ان شاء الله ياحبيبي
حمزه:تمام هكلمك تاني ابقي رني عليا لما توصلي المطار
جني:ماشي سلام
وقفل معاها واتصل بهاشم
حمزه:ايوه ياهاشم
هاشم:ايوه معاك
حمزه:جه الوقت تروح دلوقتي لادهم وتعرفه انها هتوصل النهارده بليل
هاشم:تمام في حاجه نسيت اقولهالك
حمزه؛حاجه ايه
هاشم:ادهم عايز واحد خدامه تشتغل عندك وتتجسس عليك ووصاني اجبهاله
حمزه؛كنت عارف انه هيعمل كدا اسمع كلامه وشوفله واحده تتجسس فعلا مش تبعنا
هاشم:ازاي يعني انت عايزني اجبلك واحده تتجسس عليك فعلا
حمزه:اسمع كلامي ياهاشم هو اكيد هيدور وراها لازم تكون زي ما هو عايز فعلا عشان ميشكش في حاجه وانا هخلي بالي منها هنا ماتخفش
هاشم:الي انت عايزه حاضر
حمزه:المهم زي ما قولتلك قوله انها هتوصل مصر النهارده
هاشم:ماشي سلام
حمزه:سلام
راح هاشم لادهم
ادهم:خير ياهاشم في اخبار جديده
هاشم:ايوع ياباشا وصلي ان خطيبه حمزه هتوصل مصر النهارده بليل
ادهم:بجد حلو اووي كدا يبتدي الشغل اعرفلي هتوصل امتي بالظبط واذا كان حمزه هيروح يجبها بنفسه ولا لا عشان لازم اشوفها
هاشم:حضرتك هتروح تشوفها بنفسك
ادهم:ايوه اعرفلي بس انت هتوصل امتي
هاشم:امرك ياباشا اي اوامر تانيه
ادهم:لا روح انت
مشي هاشم وملم حمزه عشان يقوله
حمزه:ايه ياهاشم في حاجه ولا ايه
هاشم:ادهم طلب مني اني اعرف هتوصل امتي بالظبط واذا كنت هتروح تجبها بنفسك ولا لا عشان يروح يشوفها في المطار بنفسه
حمزه:ودا ليه يعني
هاشم:مش عارف ولما سألته قالي اعمل الي بقولك عليه
حمزه:تمام ياهاشم ماشي اقفل انت دلوقتي واي جديد كلمني
هاشم؛طيب اقوله هتوصل امتي
حمزه: قوله 2 بليل ولو سألك هجبها ولا لا قوله مقدرتش اعرف بس تقريبا لا
هاشم:تمام ماشي سلام
حمزه:سلام
فضل حمزه يفكر ادهم هيعمل ايه وليه هيروح يشوفها بنفسه في المطار تليفونه رن وكانت جني
حمزه:ايوه جني وصلتي المطار
جني:ايوه خلصي ورقي واركب الطياره
حمزه:ماشي اسمعي لازم تعملي الميكب واللبس الي اتفقنا عليه وتوصلي المطار لينا ماشي
جني:ليه
حمزه:ادهم احتمال يجي المطار عشان يشوفك
جني:ليه يعني
حمزه:مش عارف اعملي الي اتفقنا عليه وخلاص
جني:حاضر
حمزه:سلام اول ما توصلي رني عليا
جني:حاضر سلام
^^^^^^^^^^^^^^^^^^^^^^^^^^^
(استوووووووووووووب)خلص البارت
ادهم ناووي علي ايه ؟
ليه عايز يستقبل جني في المطار ؟
توقعاتكم في الكومنتات وتفاعل كتييييييير 😄❤