Hearts Series 1: Crippled Hearts

07

"Shemaia, where are you?" it was her Mom.

"Mommy, sorry hindi po ako nakapagpaalam agad. I will be out with Dr. Dustin Castro tonight. It's his birthday. Huwag n'yo na po akong hintayin sa dinner." aniya sa ina mula sa kabilang linya.

"Oh. Well, enjoy your date with Dr. Castro, anak." batid niya ang ngiti ng ina.

She ended the call. Bumaling siya kay Dustin na nagmamaneho ng sasakyan nito pagkatapos. Nakita niyang umiling ang lalaki.

"Wrong move. Dapat pinagpaalam muna kita kanila Doc." bahagya pa itong napangiwi at mukhang problemado.

Maia laughed a bit at the man's reaction. "It's okay. Hindi naman na tayo teenager. Isa pa, kilala ka naman nila Mom at Dad." ngumiti siya para pagaanin ang loob nito nang sumulyap ito sa kaniya.

Ngumiti na rin si Dustin.

The usherette brought them to their reserved table nang makarating sila sa restaurant na pinagdalhan sa kaniya ni Dustin.

Pinaghila siya ng upuan ng lalaki at umupo na siya doon. Sumunod ito. Binigyan sila ng menu at nagsimula na silang mag-order.

"Thank you, Maia. Hindi na ako mag-isang mag-c-celebrate ng birthday ko ngayon." he smiled at her.

Ngumiti rin siya sa binata. "Wala nga akong gift, e. Sorry." medyo napangiwi siya.

Maagap naman siyang inilingan ni Dustin. "This is already more than enough for me." tukoy nito sa pagpayag niyang makipag-date dito.

Their delicious dinner was served and they enjoyed it. Nagkukuwentuhan sila habang kumakain. Tungkol lang sa ospital at ilang simpleng bagay.

"Thank you for tonight, Dustin." Maia said politely.

"No, thank you." nakangiting anito.

She lightly nodded.

"See you tomorrow at the hospital." anito.

Tumango siya. "See you. Goodnight, Dust."

"Goodnight..."

Ngumiti siya at lumabas na ng sasakyan nito. Bahagya niyang kinawayan ang lalaking nagbaba pa ng bintana. Saka pumasok na siya sa gate nila. Pinagbuksan siya ng guard na nagbabantay doon.

Dumiretso si Maia sa taas nang makapasok sa bahay. Medyo late na rin kaya tahimik na. Nagulat nalang siya nang madatnan si James na nakasandal sa dingding malapit sa pintuan ng kuwarto niya. Umayos ito ng tayo nang makita siya.

"James..."

"How's your date?" salubong nito sa kaniya sa isang seryosong tono.

"Uh..." she was a bit taken aback by his seriousness. "I texted you earlier and... you did not reply..." aniya.

James sighed then he nodded. "You should rest. Maaga pa tayo bukas sa hospital."

Tumango si Maia sa sinabi nito. "Okay... Goodnight..."

"Goodnight." pagkatapos ay tinalikuran na siya nito.

Hinintay ni Maia na makapasok ito sa kuwarto nitong katabi lang ng kaniya. Mahina siyang nagpakawala ng hininga at pumasok na rin sa silid niya.

"May date ka pala kahapon! Natuwa ang Mommy at Daddy mo. Kilala pala nila 'yong Dr. Castro." ani Manang Nelia nang bumaba siya sa dining area kinabukasan.

Umupo siya sa isa sa mga dining chair. "Si James po, Manang?" agad niyang tanong nang makitang wala pa ito doon.

"Hindi pa nakakababa." anang may katandaang kasambahay.