هو من بعد الحب بقلم حروف مبعثرة الناشربارق العراقي

البارت السادس

#هو_من_بعد_الحب
#البارت_السادس
#بقلم_حروف_مبعثرة
#اalnasheraliraqi9

كظينا الطريق بس تسأل ..
عن معدلي ..
عن اهلي ..
وهكذا ...
اريج ..انسانة ذات شخصية نادرة
جدا سواء بالشكل ..
او بالاخلاق ...
محجبة ..لبسهة محتشم ..
لكن ..سبورتيية ...ومتكلمة ..
ولكن وفق الادب والاصول ...
طبعا جان يوم خميس ..
ورحنا عبرية ...
من نعبر الشارع ...اصير اني من صفحة السيارات
المارة ...
علمود لا سامح الله اذا يصير حادث اني اتاذة مو هية ....
اخاف عليها ...
ومن نصعد السيارة..الزملها الباب .
لحد ما تصعد واصعد وراها ..
ما احب ..اي بشر يطخ بيها ..
هذا طبعي ..غيور جدا ...
وحتى هالشي وية خواتي اسوي ..

وجانت تسالني ليش اتصير انت من جهة
السيارات ....
اجاوبها انتي امانة بركبتي..
كملنا الطريق
وصلنا الجامعة وكلمن راح لقسمة ..
بس قبل ما ندخل
سالتني ابيش الساعة تكمل
كتلها ب ٢ ...
وانتي ...
جاوبت اني اكمل ب ١٢...
لكن راح انتظرك ...
بس ليش تضلين تنتظرين ..ساعتين
كالت ..اجينة سوة ونرجع سوة
ولا نسيت اني امانة بركبتك ..
تحجي ...واني اتهرب من النظر لملامحها ..
الي تاخذني لغير عالم ...

ضحكت ...
اي صح انتي امانتي ...
يلة بعد كل محاظرة اجي
يمج ونكعد سوة نسولف ونقرة ..
تمام...
تمام ...
خلص الدوام ..
وطلعت لكيتها تنتظرني ...
من بعيد اشرتلي ...واشرتلها ...
بمجرد اشوفها ...تتخربط مشاعري ..
كانت ذواقة باختيار الملابس ..
جانت
صاحبة طول جميل ..
وجسم رشيق ...
ومثل المسطرة عدلة ..
ملابسها مميزة ..
وتلبس ربطة ..
الربطة تنزل منها صفحة ..
والصفحة الثانية ..
على كتفها ..
اني دا اسولفلكم ...
اواخر التسعين جان موديل الربطة ..
الكبيرة ...
اريج ...كل شي بيها عجبني ..
ويوم عن يوم ...
صرت انعجب بيها اكثر ..
صعدنا اول سيارة ..
ومن ردت ادفع الكروة مقبلت ..
كالت انت الجية كل الكروة دفعتها
واتفقنا الرجعة علية ..
باوعت عليها ..
اريج ..انتي مرة
واني رجال وعيب على الرجال
مرة تدفع كروتة ..
ردت ..
ضرغام احنة اتفقنا ..
والله ..اذا مخليتني ..انزل
وبعد ابد ما اركب وياك ..كامت ..
سحبتها ..من معصمها
من فوك القميص ..
لكن جسمي تكهرب ...
كعدتها ...وباوعت لايدي تعتصر معصمها ..
كالت ترة وجعتني ..
انتبهت وخرت ايدي ..
وكتلها ..اريج ...
ترة مو حلوة بحقي
رجال ..واخذ كروة من مرة ..
صفنت شوي

زين ضرغام
راح احط الكروة باللفكس مالك ..
وانت عود طلعها ...

وتالي خلت الكروة باللفكس
وبعدين طلعتها ودفعت الكروة ..
الطريق كلة تحجي ...
ولا تسكت وتنكت ..
واني اتهرب من عيونها ..
ابادلها الكلام ...
لكن ..ما اباوع لعيونها ..
لو ادنك ..لو ابوع للشارع ..
لو اضل اشغل ..نفسي باوراقي
تهربا ...منها ...
شكد ما اريد اوصف جمال عيونها
قليل ...
ملامحها ..فم صغير
خشم جميل واصلا نادر هيج تصميم انف
حلوة حيل...
واخلاقها بعد احلى ..
متصورت بيوم من الايام ..
احب امراة ..واذوب بكل تفاصيلها لهذا الحد
........
وصلنا ...نزلت قبلي ...
واني رحت سلمت على ابوية ..
جنة من ننزل ننزل براس الشارع
ومحل ابوية ..
وبعد محلات وكهوة ..
فاني ما احب الناس تاخذ نظرة
عنة اخليها تنزل قبلي
واروح اسلم على ابوية ..
وشوية الهي نفسي
علمود هية تدخل للفرع
ومتجيها حجاية ..
بعد ما سلمت على ابوية وطلعت
دا اتمشة ..
طبيت للفرع
لكيتها واكفة
سالتها خير اريج ليش واكفة
كالت انتظرك ...
بس اريج ترة بيتكم قريب
ليش تنتظريني..
مخفتي الناس تحجي عليج ..
اهلج ...
هههههه ضرغام اهلي عدهم ثقة جبير بيك
ابوية اخواني يحبوك ..
وخو امي لحد الان تعايرنة بيك ..
تكول ضرغام جان اشطر طالب
بالمدرسة...اصلا مدوختنة بيك هههههه
ضرغام رحنة سوة نرجع سوة ..
هذا اتفاق ...بهل اثناء ابوها فات للفرع
سلم علينا ..ومشى راح للبيت
اني من يمي خجلت ...

بالليل كامتة الافكار تاخذني وتوديني
مثل الامواج

اريج ..الصدفة الجميلة بحياتي
اريج ...الحب الي ..مستوطن قلبي
منذ الطفولة ...
ملاك ..مجرد اعجاب ..
وملا مكان بقلبي كان في ذاك الوقت
فارغ ...
لكن هسة
تغير الوضع ..
رجعت اريج ...
وزينت حياتي
لكن هم ما اكدر ..ابادر او احجي
لان اهلها امنوها عندي
واذا اخطي اقل خطوة اعتبر خاين
للامانة ..
لازم ..اصبر وانتظر الى ان اتخرج..
بالبيت ..ابوية ..
كال ضرغام ترة اريج وانت
لايكين لبعض خل اخطبها الك
وامي هم شجعت ..
لكن رفضت ..
لان صعبة الناس مامنيني عليها ..
يابة خليها لوكتها ..
.....
اريج رجعت يم اهلها ..
وسجلت بالخط مالتي ...

هية تكعد ليورة يم البنات
واني يم الولد ليكدام ..

....الطريق كلة نكظيها سوالف وضحك
منحس بالطريق ...سواءا ..اني مع الولد

...وهية ..هم دك سوالف ..وية البنات..
ما عدا يوم الخميس
الخط ميطلع لان العدد قليل..
فنروح عبرية ...
فد يوم خميس ..
وكالعادة كاعدين بالسيارة
جان تكول ضرغام ..سؤال

اتفضلي ..

ضرغام ليش انت وية الولد تسولف وتشاقة
لكن وياية جدا رسمي ..

اريج ..الصراحة ..
اني طبعي وية البن

ات ما اتشاقة هواي
واسولف..هواي على كد السؤال
والجواب ..

اممم...
بس اني راح اخليك تسولف وتشاقة
وتضحك ..لكن بس وياي ..
وراح تشوف ..

هههههههه...
افتهم منج تتحديني ..
ههههههه شلون متفهمها افهمها ..
لكن انشوف ..بالاخير منو يفوز ..
باوعتلها وضحكت ..
وعيوني سرحت بعيونها ..
جان تسوي حركة طفولية
وكالت شوف شلون ضحكتك
من بداية التحدي واضحة النتيجة
راح اربح ..

بكلبي كلت لو تعرفين شنو انتي
وشنو من من حب احملج ...
جان ..احترقتي مثلي ..

..
رفقا ..يا محبوبتي ..رفقا ..
.لاتنظري الي هكذا
بعينيكي الخضراويتين
لاني ..احترق عشقا ...
نعم ..
ولا تبتسمي ..
ولاتهمسي بشفتيكي الجميلتين ..
ولا تتقربي اكثر ..
لانني ..حتما ..وماكدا ..ساذوب شوقا..
رفقا ..بي رفقا ..
رفقا ..يامعشوقتي .رفقا

وللحكاية بقية