همس الذكريات
الحلقه الرابعه
بقلم سحر فرج ❤❤❤
دخل جاسر هو وحازم بمنتهى السرعه اول لما سمعوا صوت ضرب النااار ودخلوا الفيلا وشافوا عمر وزمايله وهما بيتابدلوا ضرب النار مع شخص وقع على الأرض اول لما جت الطلقه فيه من مسدس عمر .
حازم قرب من الشخص اللى وقع على الأرض علشان يشوفه ماكس ولا لا وقرب اكتر وشافه و فعلا أكد لعمر أنه الحيوان ماااكس . ولسه هايجى جنبه 😱😱😱
عمر ..... حااااااسب ياااا حااااااااازم
حااااااااازم .
وجرى بسرعه عمر ووقف اودام حازم قبل ما الطلقه تيجى فيه من مسدس ماااكس للاسف .
وخد عمر الطلقه فى صدره ووقعوا على الارض هما الاتنين حازم وعمر .
وفى الحظه دى كانت نزلت منه من فوق على صوت ضرب النار واتصدمت اول لما شافت حازم على الأرض هو وعمر والدم مالى المكان .
منه ... عاااااااااااااااااااااا. حااااازم
جاسر جرى باقصى سرعه عليهم وعرف ان حازم بخير وان اللى اتصاب عمر والطلقه جت فى صدره .
جاااااسر .. عمر. عمر. رد عليا . رد عليا يا عمر .. اتصلوا بالاسعاف بسرعه .
حازم قام بسرعه وخد منه فى حضنه بس للاسف .. اول لما شافته وقعت على الأرض واغمى عليها .
اتصدم حازم من منظرها ومن هدومها المقطعه .
حازم ... منه . منه فوقى يا حبيبتى. انا جنبك متخافيش من حاجه حقك عليا انا اللى سمحت للحيوان ده أن يعمل كده فيكى . سامحيني يا حبيبتى .
وفى ثوانى شالها وجرى على بره وركب عربيه جاسر وراح على اقرب مستشفى .
فى السرايه كانت الحاجه سهام فى اوضتها بتصلى فرض ربنا وبتدعى لعمر أن ربنا يحفظه ويسترها معاه دايما ويعديها على خير .. وفجاه حست بألم فى صدرها وحست بشىء غريب اوى قلقها على عمر .
فقامت وطلبت من الحاج ادهم أنه يتصل بعمر ويطمن عليه .
الحاج ادهم ... خير يا حاجه فى ايه ومالك وشك اصفر كده ليه و خايفه كده ليه .
الحاجه سهام .. مش عارفه يا حاج قلبى واكلنى على عمر مش عارفه ليه .. اتصل بيه يا حاج وطمنى عليه ينوبك صواب .
الحاج ادهم ... أهدى يا حاجه .. انا لسه مكلمه النهارده ومطمن على أحواله وهو بخير . ليه قلقانه عليه بس .
الحاج سهام .. مش عارفه يا حاج مش عارفه . ربنا يستر .
الحاج ادهم .. خير يا حجه أن شاء الله وقولى يارب .
________________
وفى الفيلا عند ريهام كان الكل قاعد قلقان وبالذات لما خرج جاسر وحازم فجاه من غير ما يقولوا هما رايحين فين .. ومحدش فيهم راضى يرد على موبيله ولا جاسر ولا حازم .
