البارت العاشر

728 51 0

بواسطة Bareq_Aliraqi9

بقلم Bareq_Aliraqi9

#هو_من_بعد_الحب
#البارت_العاشر
#بقلم_حروف_مبعثرة
#اalnasheraliraqi9

اليوم ..ومن بعد نفذت الطلب الثالث ..
الي هو لبس الساعة بالايد اليمنى ..

وبعد الزعل ..
...تراضينة ..
واجة الخط ..صعدت السيارة ..
وصعدت وراها ...

وكل شوي بحجة احاجي الولد التفت
واباوعلها ..

بدت تبين عليها ..ملامح الرضا..
وردت وجناتها ..
وصارت تسولف وية البنات
وحسيت بيها فرحت
ورجعت لسوالفها ..
وردت بيها الروح المرحة ..
من تشوف ..وتقرة علامات الفرح
بعيون حبيبك ..
راح تضحكلك الدنيا كلها
وراح تحس ..كانك اسعد انسان ..

وهكذا مشى يومنا ..
رجعنا ضرغام واريج ..
العشاق ..لكن ..لكل منا مشاعر
محبوسة داخل قفص ..
عيونا تتكلم ..
تصرفاتنا ..
كلشي بينا تحركة مشاعرنا
يامر بي كلبنا ..
وعقلنا ينفذ غصبا عنا ..
اي ..
هو هذا الحب ..
يبين عليك ..حتى وانت صامت ..

الخميس ...
الطريق كلة كضينا ..
سوالف ..اغلب المواضيع هية الي
تفتحها...
بصراحة هية متكلمة جدا ..
وبعد ما وصلنا

وكل واحد بينا راح لقسمة

وباثناء الاستراحة

اجت للقسم مالتي ..
وكالت ..
ضرغام امشي للكافتريا عازمتك

واني هم ..
رحت وياها ..

اريد استرجع علاقتنا مثل قبل

وباثناء جلوسنا بالكافتريا ..

اخذت مني الدفتر ..
واني استغربت
من هالشي ..
وجان تطلع القلم ..
وقلبت بالاوراق ..

طلعت ورقة فارغة
وجان تكتب
فلان اغنية
وفلان اغنية
وكتبت قسم من الاغاني
وكالت ضرغام
من تسمع ذني الاغاني تذكرني

ورديتها بس
اني مو هلكد اسمع اغاني استحرم
اني احب الاشعار وخاصة
اشعار نزار قباني...

اووو ضرغام
يمعود ..
بعدنا شباب ..وخلي نعيش حياتنة
اذا ..منسولف
ومنضحك
ومنسمع اغاني

لعد شنسوي ..
وتالي نكبر ونشيب وتروح علينا
هاللحظات الحلوة

والله ضرغام اني عن نفسي
اسمع اغاني واحبهن

ولازم تسمع هذني الي كتبتهن...

واني منا وغاد اكوم اقرة لنزار
علمود اتذكرك ..

ضرغام ..

تصرفاتها ..كلامها
نظراتها ..
كلها توحي بانها واكعة
بنفس الشباك الي اني واكع
بيها ..

هو من بعد الحب بقلم حروف مبعثرة الناشربارق العراقي

البارت العاشر

قصص مُروَّجة

قد يعجبك أيضاً