صراع السلطة والعاطفة ..لاجئة في جحر الافاعي بقلمي منال منولة

مالذي يخفيه مروان عن رنيم

في هذاك الوقت ماكانتش مصدقة واش كانت تشوف .. كان منظر مخزي بزاف يقشعر له الابدان .. الى جانب انه حست ب قلبها وجعها لدرجة انها تلفت وجرات للدار تحاول تهرب من هاذيك الاصوات والمشاهد ..

حطت المفتاح فالباب وحلت ودخلت وتكات عليه وتما انهارت بالبكا .. مكانتش تتصور انه رح يكون جارح وعديم الاحساس بالطريقة هاذي .. ولكن هاهي تعرف ضرك انه خليل هو خليل وعمره لا رح يتغير

ومرت ليلة اخرى .. وحل صباح جديد ..مازلنا في منطقة الثعابين وفي شقة خلليل .. في غرفة رنيم الى اول ما قفلت 8 صار المنبه يصوني .. في تلك الاثناء حلت عينيها وكان راسها كان يوجع فيها بزاف .. وهذا لشيء عادي فهي لبارح عندها مابكات ..

المنظر هذاك وجعهااا وزيد ميكايلا اكيد دارت هكاك لتقلق من قيمتها .. وزيد سي السيد حتى ل 4 تاع الصباح لادخل .. وكان ريحتو غير شراب .. حست بيه كي دخل .. بلاك حتى كي حست بيه رقد باه قدرت تغمض عينيها ..

طفات المنبه ووخرت الاغطية وتمشات من اتجاه الدوش تما شافته راقد فوق الفوتاي .. حست بالقرف منه وربما حتى انه مادوش .. كملت طريقها و لدوش عملت روتينها الصباحي وخرجت ... بحيث كان راقد فوق الفوتاي ووقت تقلب الغطا طاح

واذا راقد بالبوكسار برك .. وقفت تما تتمعن فيه وفي صدرو العريان وفجاة تفكرت كي البارح كان رايح يزيد يكمل عليها ويغتصبها .. فوتت لسانها على شفتها .. و غمضت عينيها وتخيلت روحها بين يديه .. لحظات حتى فاقت على روحهااا..وشبيها صارت هكا منحرفة ..

في هذاك الوقت تلفت و دخلت للكوزنية بدات تدير فالقهوة .. وتدير فالحس بلعاني .. تخبط فالكيسان والطباسا .. تخرج في غلها فيهم ..

الامر الى قلق خليل فتح عينيه وخلاه ناض .. حس راسو رح يطرطق .. لبارح فوت ليل كامل يشرب .. هو موالف بصح المرة هاذي كثر .. وزيد الحس الى راهي دير .. ضرك يديرلها حل .. كمل تمشى حتى دخل للكوزنية وين لقاها واقفة ودور ومنظرها مضحك ب ذيك كانت ال بيجامة فالغوز ودور ..

خليل ( قعد على الطابلة .. وضيق عينيه ) عام كامل ديري فالحس ..

رنيم (دارت وحطتلو فنجان القهوة من سكات .. )

خليل( بقا يشوف معاها .. موالف تصبح عليه ليوم وش بيهااا .. )عندك قرايااا ليوم

رنيم (بلا ماتشوف فيه ..) اي

خليل( حكم الملعقة وبقى يحرك ممبعد قرر يستفزها شوي ويقلقها ) مم مليح .. بصح انا تبانلي راكي تضيعي فالوقت .. وش رايك اقعدي فالدار تعلمي طيبي كاش حاجة

رنيم (بقات ساكتة .. وتغسل فالماعين ..)

خليل ( لاحظ التطور الى وصلتله ) سمعت من ايهم بلي نتي شرتي عليهم يسو السلاح فالكاميون صح

رنيم( في هذاك الوقت حكمت المنشفة ومسحت يديها و دارت ليه وهي مزيرة على سنانهاا ) عملت هيك مشان بيسان وايهم حرام تروح رجلهم في وساختك ماشي