#هو_من_بعد_الحب
#البارت_الخامس_عشر
#بقلم_حروف_مبعثرة
#اalnasheraliraqi9
ضرغام
عمة ابوية وعائلة ابنها،،
بقوا ابيتنا خمسة ايام وبخلال هالايام
گمت الاحظ اماني بيها شبه من اريج
من ناحية اختلاطها،،
يعني تاخذ وتنطي بالكلام ،
يعني ما متقيدة مثل اي ضيف ،
لا بالعكس تسولف هواي وية خواتي
وية زوجة عبد الله وية امي ،،
صح ما حجيت وياها ،
لكن ما ادري ليش اراقب تصرفاتها
ما اعرف اكو شي يشدني لمراقبتها،
احب المراة الاجتماعية ،
وهالصفة جانت باريج ،
وهسة دا اشوفها باماني ،
،،،،،،
وبعد خمسة ايام
عمة ابوية وبعد ملحة
منها على انو تروح لاهل زوجها بالنجف
لان امي وابوية مجانوا يقبلون يرحون
كالو اخاف الطريق مو آمن
لكن اصرت انو اتروح هناك هم تعتبر
محافظة امنة
وبالفعل راحوا للنجف ،
وبعد ما راحوا ،
ابوية كال ضرغام ابني
بنت ابو احمد الله يستر عليها
بنية حلوة ومؤدبة خلي نخطبها الك
الى متى تبقى تاجل بسالفة زواجك
اقتراح ابوية
مع مشاعري الي تشبه موج البحر بمدها
وبجزرها،،تضاربوا مشاعري اببعض
بين حب سابق انتهى بفشل
وبين اعجاب جديد
يشبه حبي السابق
اي اماني بروحها المرحة ،،
كدرت تلفت نظري بهل كم يوم الي جانوا
عدنا شفت بيها روح اريج المرحة
شفت بيها ضحكة اريج سوالفها،
اول انسانة بعد اريج تعجبني ،
بعيدا عن الشكل
اماني تختلف عن اربيج بشكلها
اريج جميلة
واماني جميلة
ولكل وحدة منهن جمال خاص
يختلف عن الثانية
لكن اكو شبه بروحهن،،
وبعد ما ابوية اقترح علية
حسيت انو اني هالمرة
ما اكدر ارفض فكرة الزواج
كليتي خلصتها
عسكرية كذلك
اريج وانتهت علاقتنا اببعض
رجعة ما اكدر ارجع اخطبها نفسيتي ماتتقبل هالشي
غيرها ،،الي شفتهن والي اهلي كالولي عنهن
ماوحدة منهن دخلت ابالي
لكن هالمرة اكو شي احسة صح
احس انو هالانسانة توالمني
فكتلة لابوية خلي افكر
ضحك وكال
يابوية ما تحتاج تفكير
ترة البنت متتعيب ومنا وبينا
والقريب اولى من الغريب ،
ومع هذا فكر لحد ما تصفى الدنيا
ونشوف تاليها وية هالحروب
وين يصفى بينا الدهر
وصرت افكر واقارن
ضليت ايام افكر
وبعد ما سقطت بغداد
وانتهت الحرب ،،
أنت تقرأ
هو من بعد الحب بقلم حروف مبعثرة الناشربارق العراقي
Romanceقد تجمعنا الصدف وتزرع في قلوبنا الحب فهل لنا من ذلك الحب نصيب
