كلبى دايما عنده عادة غريبة معتقدش انها لطيفة و هيا خدش الباب فى منتصف الليل و الصوت طبعا بيبقا مزعج جدا لكن فى احدى الليالى متوقفش عن خدش الباب لاى سبب ناديته خمس مرات متوقفش وصل الموضوع انى حدفت مخدة على الباب عشان يوقف لما لقيت كلبى جنبى بينبح و طلع كان جنبى طول الوقت !!!!)
...
كان عندى حوالى خمس سنين لما صحيت على صوت دوشة اول ما فتحت عينى لقيت راجل و اقف قدامى بدقن بنى طويلة و شعر اسود و لبس اسود فضلت ابصله بخوف وارجع على سريرى لورا لحد ما وصلت للحيطة ابتديت اعيط و لما بصيت تانى كان اختفى بس كان عندى احساس برضه بوجود شخص جنبى عالسرير لحد ما طالبته انه يمشى حالا لانى خايف و فعلا راح الاحساس ده و حسيت ان السرير فضى عمري ما هنسى وش الراجل ده انا عمرى ما قابلته حد شبهه قبل كده ولا حتى حد من اهلى قابل شخص بالمواصفات ديه قبل كده
....
لما كان عندى 15 سنة قررت اروح مع اصحابى نستكشف الشلالات كان يوم احد و قررنا نروح لشلال قريب من مزرعة صغيرة كنا ماشيين فى الطريق لما لقينا خط طويل من الناس قدامنا بيبعد عن المزرعة و متجه للمدينة لما كانوا بيقربوا كنت متوقع انه موكب جنازة بس لحظة فيه حاجة غريبة لما تجاوزونا لاحظنا انهم كلهم رجالة و لابسين اسود و راسهم نازلة لتحت بدرجة معينة كلهم منزلينها بنفس الدرجة و ده خلانا مش شايفين وشوشهم خالص و فجأة اختفوا كأن ملهمش اثر و مكانوش موجودين !!!
....
بليل كنت قاعد لوحدى و فى اوضة النوم بتاعتى لما سمعت صوت خطوات جاية من تحت قررت اقوم اشوف فى ايه فورا قبل ما اخد اول خطوة سمعت صوت تكسير زجاج بشع فى بار والدى فى الدور الى تحت و الصوت وقف بسرعة طلعت اشوف فى ايه لقيت فعلا زجاج متكسر تحت و سمعت صوت صريخ بشع جدا فى بيتى بس انا لوحدى فالبيت جريت على اوضتى قفلت الباب عليا استنيت لحد ما اهلى وصلوا و لما وصلوا فعلا ملقتش اثر لحتة زجاج صغيرة حتى فالبيت و دورنا فى كل حتة و النتيجة واحدة مفيش حد فالبيت غيرى !!!
....
YOU ARE READING
رعب غربى حقيقى
Horrorديه بعض المواقف الحقيقية حصلت لناس (اجانب) و قالوها اتمنى تعجبكوا ♥️♥️
