مذكراتي العزيزة (كاملة)

الجزء الثالث والثلاثون: خطة قذرة

في الفجر

تلقى أر كيه اتصال من المستشفى وذهب لهناك مسرعا

في الصباح، عندما ذهبت نور للمستشفى علمت ان السيدة عنايات مريضتها الأولى التي ساعدت في جراحتها عانت من مشاكل في القلب وأجرت عملية اضطرارية في الصباح الباكر. جرت نور لمكتب أر كيه لتعلم ما حدث بالظبط. عندما وصلت لمكتبه وجدت تي في مكتب أر كيه وهو كان ثائر جدا ويصيح بأعلى صوته على تي فوقفت خارج المكتب حتى ينهي حديثه مع تي ولكن كان صوتهما عال وكل المارين سمعوهما

"ده غرفة العمليات بتاعتك. هي مريضتك. انا ما يهمنيش مين اللي ركب المسمار. انت مشرفتها. المفروض تراجعي على شغلها. ده مسئوليتك انت مش هي"

"انت بتدافع عنها علشان هي زوجتك؟ ده خطأها هي مش انا"

"انت عارفة ان ده مش الحقيقة. انا مش بدافع عن أي حد. ده كان اول يوم لها اول عملية ليها وانت سيبتيها من غير اشراف"

"كنت فكراها دكتورة شاطرة زي ما بيقولوا لكن طلعت اغبى واحدة"

"خدي بالك من الفاظك. اياك تتكلمي عنها كدة"

"انا عارفة انك هتلومني على اخطائها"

"ده خطأك انت مش هي"

"أتاكد اني مش هاتحمل مسئولية خطأها"

"امشي دلوقتي اخرجي وانا هاشوف هنعمل ايه"

خرجت تي من المكتب ونظرت لنور بغضب ونور قررت ان الوقت غير مناسب لتتكلم مع أر كيه فابتعدت. بعد دقائق معدودة تلقت اتصال من زوجها يطلب منها ان تأتي لمكتبه. فتوجهت لمكتبه على الفور وهي تعتلي على ملامحها الخوف والرعب من غضب زوجها

"ممكن ادخل؟"

"اتفضلي"

"كنت عاوزة اسال عن حالة مدام عنايات"

"أنا طلبتك علشان نفس الموضوع"

"حصل لها ايه؟"

"قولي لي الأول مين اللي ثبت المسامير في عظامها؟"

"انا ليه؟ هو في مشكلة في المسامير؟"

"مسمار منهم فك وجري مع الدم لقلبها ومزق قلبها من جوا كانت هتموت النهاردة قلبها وقف مرتين على تربيزة العمليات"

صدمت نور مما سمعت وانهمرت الدموع من عينيها وأجابت زوجها باكية

"انا متاكدة اني ثبتت المسامير كويس حتى دكتورة تانيا اكدت على شغلي قالت لي علشان تثبته اكتر"