اسرى بلا قيود....ل..انجي عصام الدين ... كاملة

الفصل الرابع

بسم الله الرحمن الرحيم
لا تدع القراءة تلهيك عن الصلاة
الفصل الرابع
🎀🎀🎀🎀🎀🎀🎀🎀
دلف "ليث" الى غرفة والده فوجده يجلس على المقعد المجاور للفراش ويتحدث بصوت خفيض مع "علاء" الذي بدا على وجهه التوتر عندما لاحظ دخوله ولكن "ليث" لم يهتم بما كانوا يتحدثون ونظر لوالده وهو يقول

ليث:لو سمحت يا بابا كنت عايز اسألك عن حاجه
غازي: انا مش فاضي دلوقتي يا ليث خلي الكلام لوقت تاني
ليث: بحنق: لا يا بابا لازم نتكلم دلوقتي
علاء:فيه ايه يا ليث موضوع ايه اللي مهم اوي كدا
ليث: بغضب:بابا انا عايز اعرف فيه حد كلم حضرتك وقالك انه خاطف مراتي وابني وعايز فديه
علاء: بتسرع: ايه ده هو كلمك؟
غازي: علاء انت بتقول ايه ...بص يا ليث دا واحد اكيد بيهرج وعايز فلوس وخلاص
ليث: انت بتقول كدا ليه مش يمكن مليكة معاه فعلاً
غازي: بغضب:لا طبعا مليكة مش معاه مليكة ماتت من زمان انت نسيت اللي انت عملته ولا ايه

اتسعت اعين ليث بسبب حديث والده بينما ظهرت علامات التوتر على وجه علاء ولكن تمكن غازي من الحفاظ على برودة ملامحه ولكن ليس لوقت طويل فما قاله ليث محى الثقة التي كانت مرسومة على وجهه

ليث: وحضرتك عرفت منين اللي انا عملته يا بابا ,محدش يعرف الموضوع ده غير انا وسند بس ,حضرتك عرفت منين
غازي: بغضب: مش مهم عرفت منين انت لازم تنسى الموضوع ده وتنسى المكالمه اللي جاتلك دي فاهم ولا لا
ليث: بشراسة:انسى ازاي ,مراتي مخطوفه ومعاها ابني ازاي عايزني اتعامل كأني معرفتش حاجه
علاء: مش يمكن يابني اللي كلمك ده بيشتغلك زي ما قال ابوك
ليث: بتصميم : حتى لو كان الموضوع كدا انا مش هخاطر وهدفع الفلوس اللي هو عايزها علشان بس اتأكد من كلامه
غازي: بحنق: عارف هو طالب كام ,طالب عشرين مليون جنية ,هتدفع المبلغ ده كله علشان بس تتأكد
ليث:ايوه يا بابا هدفعه وادفع اكتر منه عشر مرات علشان بس اتأكد ان مراتي عايشه وبخير

انهى "ليث" حديثه وخرج مسرعاً من الغرفة فنظر "علاء" بتوتر الى "غازي" الذي كان ينظر لباب الغرفة وقال بقلق

علاء: شوفت يا غازي ياريتك سمعت كلامي ودفعت انت الفلوس اديه كلم ليث
غازي:وهو ينظر اليه: مكنتش اعرف انه هيكلمه انا قولت هيقتلهم واخلص بقى من الموضوع ده
علاء: طيب هتعمل ايه انت عارف انها لو رجعت ليث هيعرف منها انك انت اللي خفيتها زمان
غازي: لا متقلقش مش هتلحق تقوله اي حاجه لاني هقتلها...مالك يا علاء

صمت "غازي" عندما وجد ان "علاء" ينظر امامه وعيناه معلقة بباب الغرفة فنظر بأتجاه الباب فوجد "طه" الذي يقف على باب الغرفة وعيناه متسعة ويبدوا على وجهه انه قد سمع ما قاله غازي فوقف غازي مسرعاً وهو يقول

غازي: بابا حضرتك واقف كدا ليه؟
طه: بحزم: انت وعلاء تعالوا على اوضتي

خرج "طه" دون ان يضيف اي شيء اخر فنظر "علاء" لغازي بقلق وزاد قلقه عندما رأى الرعب مرتسم على ملامح "غازي" لاول مرة
🎀🎀🎀🎀
تحركت "فتنة" على اطراف اصابعها ودلفت لداخل غرفة "سند" وحاولت الا تصدر اي صوت فهي تعلم انه يستيقظ من نومه بسبب اقل صوت ,لم تلاحظ ان الفراش خالي سوى عندما اصبحت بمنتصف الغرفة ,شعرت بالارتباك وهي تستمع لصوت فتح باب دورة المياة وقبل ان تتحرك خطوة واحدة خرج "سند" من المرحاض وكان يرتدي فقط بنطال منامته دون اي شيء اخر فشعرت بأحمرار وجنتيها ونظرت ارضاً وهي تحاول اخفاء اللوحة التي تحملها بين كفيها دون جدوى بسبب حجمها الكبير ,تراجعت للخلف عندما رأت قدميه تتوقفان امامها وسعلت بأحراج وهي مازالت تنظر ارضاً وقالت