اسرى بلا قيود....ل..انجي عصام الدين ... كاملة

الفصل السابع

بسم الله الرحمن الرحيم
لا تدع القراءة تلهيك عن الصلاة
الفصل السابع
🎀🎀🎀🎀🎀🎀🎀🎀
جلس "سند" على جانب الفراش واخذ يمرر انامله على وجه "فتنة" التي مازالت فاقدة للوعي ,تنهد وهو يلاحظ انها قد بدأت تستعيد وعيها فأبتسم وهو يربت على شعرها الذي نزع عنه الحجاب ما ان وضعها على الفراش واخذ يتحدث اليها بصوت هادىء وهو يقول

سند: فتنتي سامعاني ,افتحي عنيكي انا هنا جنبك ,افتحي عنيكي يا فتنتي
فتنة: وهي تفتح عينيها :ايه اللي حصل ؟
سند: بأبتسامة: محصلش حاجه انتي اللي شكلك كنتي عايزه تشوفي غلاوتك عندي
فتنة:بأعين دامعة: هي ليه رجعت بعد كل الوقت ده؟
سند: وهو يحتضن كفها الى صدره:متفكريش في اي حاجه اهم حاجه عندي انك تكوني بخير

اعتدلت "فتنة" على الفراش واحتضنت "سند" ووضعت رأسها على صدره فوضع "سند" ذراعيه حولها وضمها اكثر اليه فبكت وهي تقول بصوت مختنق اثر بكاءها

فتنة: انا كنت اقنعت نفسي اني نسيتها بس لما شوفتها افتكرت اللي هي عملته زمان وازاي سابتني عشان تتجوز
سند: وهو يقبل رأسها: علشان خاطري يا فتنتي بطلي عياط وصدقيني اللي انتي عايزاه هو اللي هيحصل لو عايزه تقعدي معاها هخليكي تقعدي معاها لو مش عايزه انا مش هخليها تشوف حتى ظلك ,قوليلي اللي انتي عايزاه وانا هعمله بس بطلي عياط انا قلبي بيوجعني لما اشوفك بتعيطي
فتنة: وهي تغمض عينيها: مش عايزه اشوفها ,انا مش عايزه منها اي حاجه غير انها تسيبني زي ما عملت زمان
سند: حاضر يا حبيبتي اللي انتي عايزاه هيحصل

سمع "بند" طرقات على باب الغرفة فأبتعدت عنه "فتنة" بخجل فأبتسم لها وهو يسمح للطارق بالدخول فدلفت غزال الى داخل الغرفة وهي تقول

غزال: ايه يا فتنة ايه اللي حصل يا حبيبتي
سند: مفيش حاجه يا غزال ,فتنة بقت كويسه الحمد لله
غزال: وهي تجلس على الجانب الاخر من الفراش: طيب الحمد لله ,روح انت بقى يا سند عشان جدي كان عايزك ومتقلق انا هقعد مع فتنة لغاية لما ترجع
سند: وهو يقف: حاضر ,انا مش هتأخر يا فتنتي هشوف جدي عايز ايه وارجع على طول

ابتسمت له "فتنة" وحركت رأسها بالايجاب فأنحنى سند وقام بتقبيل جبهتها وخرج الى خارج الغرفة فنظرت لها غزال وقالت بمزاح

غزال: سيدي يا سيدي على الحب اوعدنا يارب
فتنة: بأبتسامة: امال فين نونا؟
غزال: هي وماما وطنط امل وطنط ضحى عند مليكة مرات ليث
فتنة: وهي عامله ايه دلوقتي ,انا لغاية دلوقتي مش مصدقه اللي حصل
غزال: ولا انا ,انا مكنتش اعرف ان ليث ممكن يكون قاسي كدا ويعمل في مراته كدا واضح ان كريم وسند بس هما اللي عدلين في عيال عمامنا
فتنة: ليه بس مهو حمزه هو كمان حنين اوي وعمره ما زعل حد فينا
غزال: لا اتكلمي عن نفسك بس دا انا ذراعي لسه وارم منه
فتنة: معلش يا غزال انتي بس اللي لبسك استفذه وكمان بصراحه انتي لبسك بقى اوفر اوي انا مش عارفه ازاي بتلبسيه يعني اديكي اهو لابسه شورت وبدي حمالات ولا كأن البيت فيه رجاله وعيب يشوفوكي كدا
غزال: بغضب وهي تقف: فيه ايه يا فتنة هو انتي هتعملي زي حمزه ولا ايه ,انا هروح اوضتي احسن انا اصلاً غلطانه اني جيت اقعد معاكي
فتنة: وهي تجذبها لتجلس: انا اسفه والله ما اقصد ازعلك انا بس بتكلم معاكي عادي مقصدش حاجه
غزال:وهي تنظر اليها: خلاص عادي على العموم انا مرتاحه في لبسي ومش هغيره عشان اي حد
فتنة: براحتكك يا غزال اللي انتي عايزاه اعمليه