فــآئدٍةّ💎(الجزء الثاني)

باب الزهراء مفتوح 💙

حاولي تقتدين بفاطمة الزهراء بكل شي بحياتج، الزهراء جانت مثلي ومثلج، عمر ال١٨ و ال٢٠ بس بهالفتره القصيره الي عاشتها قدمت شي نساء العالم كله لو اجتمعن ماراح يكدرن يقدمنه، الزهراء جانت نموذج المراة الناجحه المثباره الي متنهز، جانت مجاهده ابيتها و عبادتها و تدريسها ودراستها ، صيري مثابره مثل فاطمة، تعلمي منها الثبات والاصرار.. السيده الزهراء حته بعد كسر الضلع ماتركت دروسها ولا تعليمها جانت تنطي دروسها طبيعي وتروح تعلم طبيعي وترجع للبيت تتعبد طبيعي، مابقت نايمه بالفراش ولا ياست رغم حالتها و المها ❤️🙏🏻 هذي هيه الزهراء، هنيئا للمقدتيات بيها

احجي وياها دائما، كوليلها انتي الام الحنون 💔 اتلطفي عليه، ثبتيني عالطريق الصح يا زهراء الوكت يخوف الناس تخوف المجتمع يخوف ديري بالج عليه يا فاطمه، كوني وياي حصنيني من كلشي موزين، طلبي منها التوفيق بدراستج طلبي منها تعلمج الصبر والعلم، اصحاب الحاجات المستعصيه صلو صلاة الاستغاثه بالزهراء 💕🙏🏻

اهل البيت كلهم جانو من يوكعون بشده يتوجهون للزهراء 💔 الامام المهدي ميرد شخص يتوسله بفاطمه، الله ميرد احد يتوسله بفاطمه... الزهراء متترك احد محتاج، اذا انسدت الابواب باب الزهراء مفتوح 💙

اكدت الرويات ان الشفاعة الكبرى يوم القيامة إنما تكون للصديقة الكبرى فاطمة الزهراء ه فلا يبقى يوم القيامة أحد في قلبه ذرة حب الزهراء ع إلا نال شفاعتها بل حتى محبي محبيها تنال شفاعتها

السيد الشهيد دستغيب