الفصل الخامس
الجدة جميلة :- انا مش بقولك كدة يا ابني عشان تقولي هتجوزها دي الاصول
فارس :- وانا عارف الاصول يا تاتا عشان كدة انا بقولك عايز اتجوز مكة وصدقيني انا هحميها
وقفت مكة بعصبية وقالت :- انت بتستغل الموقف وبعدين لما الناس دي اشرار اوي كدة مستنيين اية مجوش قتلوني لية
فارس بحدة :- قصدك اية
مكة بغضب :- قصدي طلبك مرفوض يا حضرة الضابط لان انا بصراحة بقة مش مصدقة حكاية ان الناس دي هتقتلني لانهم كان بإمكانهم انهم يقتلوني وانا معاك يوم الحادثة بس محصلشي يبقي انت كداب
الجد بحدة :- مكة عيب كدة اعتذري
ذهبت مكة بسرعه الي غرفتها بدون اعتذار بينما ذهبت ورائها همس ايضا
جميلة بحرج :- انا اسفة يا ابني
فارس :- ولا يهمك بس صدقيني مكة في خطر علي فكرة انا مكنتش بستغل الموقف ولا حاجة انا كنت هتجوزها علي الورق بس عشان تبقي في الفيلة قدامي بصفتها مراتي ومحدش يقدر يتكلم
احست جميلة بصدق كلام فارس فقالت :- انا هعطيك الرقم بتاعي ولما مكة تهدي هرن عليك عشان تيجي تتكلم معها
فارس وهو ينهض من مكانة يقول :- انا تحت امرك في اي وقت ثم مد يدة لها وقال :- دة الكارت بتاعي في جميع ارقامي
جميلة :- شكرا يا ابني
فارس وهو يصافحها يقول :- مع السلامة
جميلة :- مع السلامة
……………………………………………………………………………………………………
مرت عدة ايام ولم يحصل فيها اي شئ جديد
وفي يوم استيقظت الجدة علي كابوس وقلبها يدق بسرعه البرق قامت من فراشها وذهبت الي غرفة مكة فلم تجدها ولكنها وجدت همس تقف خلفها وتقول :-
- صباح الخير يا ست الكل
جميلة :- صباح النور انتي كنتي فين ومكة فين
همس :- انا كنت بحضر الفطار ومكة راحت الجامعه عشان في محاضرة بدري
جميلة :- انتي مش ناوية تروحي الجامعه بردو يا همس
همس بحزن :- انا عايزة اروح اول يوم مع بابا
جميلة :- ربنا يرجعه بالسلامة ثم اكملت انا هدخل اوضتي
همس :- اوك وانا ربع ساعه هكون حضرت الفطار عشان نفطر
جميلة :- ماشي يا حبيبتي براحتك
ذهبت همس للمطبخ بينما ذهبت جميلة الي غرفتها وتنهدت بضيق وقلق ثم امسكت هاتفها واتصلت علي فارس
الجدة جميلة :- السلام عليكم
فارس :- عليكم السلام خير يا تاتا حصل حاجة لمكة
الجدة جميلة :- معلشي يا ابني ابقي روح هاتها من الجامعه عشان انا صحيت من كابوس وحش انهاردة وقلقانة عليها اوي انا عارفة اني هتعبك معاية بس والله دا.........
قاطعها فارس وهو يقول :- ولا يهمك يا تاتا انا هخلص شغل بسرعه وهروح اجيبها
جميلة :- فارس
فارس :- نعم يا تاتا
جميلة :- انا عارفة انك متعرفنيش ولا اعرفك بس وصيتي ليك يا فارس انك تحافظ علي مكة وتحميها وتخلي بالك منها لو حصلي حاجه
فارس :- انتي بتقولي الكلام دة لية يا تاتا ربنا يطول في عمرك
الجدة :- معلشي يا فارس هقفل دلوقتي عشان همس
فارس :- مع السلامة
قفلت الجدة الهاتف بينما دخلت همس وهي تحمل الطعام وتقول يالا يا جدتي الحلوة عشان تفطري
الجدة جميلة :- حاضر
- ثم اكملت ممكن تخرجي يا همس مع اصحابك انهاردة عشان انا هروح ازور واحدة جارتي في المستشفي ومش عاوزه اسيبك هنا لوحدك
همس /حاضر يا تاتا
……………………………………………………………………………………………………
في قصر هارون الدجوي
هارون بشر :- نفذ انهاردة يا علاء
علاء :- حاضر يا باشا
ذهب علاء بينما جلست نداء علي رجل هارون وقالت بمياعة :- مالك يا حبيبي انت مش عاجبني اليومان دول
هارون بضيق :- ابن المهدي بيفتش ورايا
نداء :- مين ابن المهدي دة
اخرج هارون هاتفة واتي بصوره فارس وقال :- هو دة فارس المهدي
نداء وهي تتفحص الصورة وفي عقلها :- اخيرا في حد هيخلصني منك ومن شرك
هارون :- مالك با نداء
نداء :- ها لا مفيش بس حسيت اني شوفت فارس دة قبل كدة
هارون بضحكة انتصار :- فارس دة يا نداء اللي انا بعت واحد من رجالتي يقتل امه ادام عيون جوزها وحرقت قلبة عليها وبعدين خلصت علية ههههههه
نداء بخوف في نفسها :- كم انت شرير يا هارون لولا عائلتي لكنت تركتك وذهبت
……………………………………………………………………………………………………
بعد حوالي خمس ساعات امام جامعه الاعلام كان يستند فارس علي سيارتة ينتظر مكة وفور خروجها ذهب اليها
مكة يضيق :- انت اية اللي جابك هنا
فارس بهدوء :- ممكن تركبي الاول
مكة بحدة :- لا مش هركب
فارس وهو يحاول ان يهدأ من نفسة :- معلشي يا انسة مكة ممكن تركبي عشان اوصلك
مكة بحدة :- قولت لا يعني لا
فارس بغضب :- انتي اللي اجبرتيني علي كدة
حمل مكة وادخلها السيارة رغما عنها وصعد هو ايضا وذهب بها في اتجاه منزلها
……………………………………………………………………………………………………
في منزل الجدة جاءت من الخارج ووجدت بابا الشقة مفتوح
جميلة بصوت عالي :- همس يا همس انا قولتلك كذا مرة متسبيش الباب مفتوح
لم تخرج همس من الغرفة ولكن خرج رجلان ضخمان
جميلة بخوف :- انتو مين
……………………………………………………………………………………………………
في النادي
همس :- انا لازم اروح بقة يا جماعه انا اتأخرت اوي
دعاء صديقة همس :- يا بنتي لسا بدري احنا اصلا بقالنا كتير مشفناكيش عشان مش بتيجي الجامعه انا مش بشوف غير مكة ومهرة وحتي كمان مهرة مجاتشي انهارده
همس بدهشه:- غريبة اصلها لو مش هتروح مكة كمان مش بتروح
لمياء صديقة همس :- فكرتيني ده في حتة شاب مز جة خد مكة من الجامعه بالعربية بتاعته والبنات كانت هتموت علية
همس بتعجب :- مين دة
لمياء :- معرفش
همس :- اوك يا بنات انا لازم امشي بقة عشان متأخرشي اوك
لمياء ودعاء :- اوك باي
……………………………………………………………………………………………………
في سيارة فارس كانت مكة تنظر بغضب من شباك السيارة ثم التفتت فاجئة وقالت :- علي فكرة انا هقول لتاتا عليك انت عارف البنات هتقول علية اية دلوقتي وكمان ان......
لم تكمل مكة لانها احست بنغزه في قلبها فتأوهت فأوقف فارس السيارة
فارس بقلق :- انتي كويسة
مكة :- اه انا كويسة انا بس تعبت شوية لان كان في محاضرات كتير اوي انهارده
اعاد فارس تشغيل السيارة وقال :- انتي عايشة مع تاتا جميلة من امتي
مكة بحزن :- من وانا عندي خمس سنين
فارس بدهشة :- انتي كنتي صغيرة اوي تاتا جميلة كانت بتتفاهم معاكي ازاي
مكة ببتسامة :- تاتا جميلة دي كل حياتي هي بابا وماما وجدتي وجدي وكل حاجة حلوة في حياتي تاتا دي لو حصلها حاجة انا ممكن اموت عارف هي كانت تعبانة في مرة وانا كنت عماله اعيط قولتلها في الوقت دة انتي لو سبتيني زي بابا وماما انا هموت نفسي عشان كدة تحس ان تاتا متمسكة بالحياة عشاني
تذكر فارس مكالمتة مع الجدة جميلة فتنهد بقلق وقال :-انتي بتحبيها اوي كدة
مكة : - بحبها اكتر من نفسي تاتا كانت بتعتبرني انا وهمس ولادها لان همس يتيمة الام وخالو بيسافر امريكا عشان شغلة فكنت انا وهمس علي طول مع تاتا
فارس :- ربنا يخليكوا لبعض
مكة :- يا رب
في هذا الوقت رن هاتف فارس وجد فارس ان المتصل حسام فأجاب
فارس :- انا زعلان منك انت بتتصل لية
حسام بضحك :- وحشتني يا عم في اية
فارس :- لا انا مش هسامحك علي اخر مرة عشان سافرت من غير ما تسلم علية
حسام :- المسامح كريم يا فروستي
فارس :- متقوليش كدة
حسام :- ماشي يا فروستي ههههه
فارس :- هقتلك بس لما ترجع
حسام :- اية رأيك لو قولت لك اني في مصر
فارس بفرحة :- انت بتتكلم بجد
حسام :- اه والله انا في مصر وكمان روحت الفيلة وقولت لدادة متقولكشي اني جيت عشان اعملها لك مفاجاءه
فارس ببتسامه :- حمد الله علي سلامتك يا درش
حسام :- انت عارف انا فين
فارس :- فين
حسام :- في النادي
فارس :- انت مش بتعرف تضيع وقت ابدا
حسام :- طبعا يا ابني دا انا حسام
فارس :- معلشي يا حسام هقفل معاك دلوقتي ونبقي نتكلم بليل مع بعض في الفيلة لما ارجع عشان سايق
حسام :- ماشي يا حبيبي مع السلامة
فارس :- مع السلامة
حسام ابن عم فارس جمال المهدي وهو ضابط شرطة في القوات المسلحة وعندما اصيب في مهمة اخذ اجازة لمدة ثلاثة اشهر وسافر الي والدتة نبيلة وابية جمال
……………………………………………………………………………………………………
في النادي
اصطدمت همس بشخص
همس :- انا اسفة
الشخص :- انا اللي اسف
همس :- خلاص حصل خير بعد اذنك
الشخص :- استني يا انسة
همس :- نعم
الشخص :- ممكن اعرف اسمك
همس بحدة :- لأ
ذهبت همس وتركت الشاب ينظى في مكانها
الشخص :- بتتقل بس مزه
……………………………………………………………………………………………………
وصلت مكة وفارس الي بيتها وصعدا العمارة ووقفت مكة امام الشقة
مكة لفارس :- اية دة ده الباب مفتوح
فارس :- واية يعني مفتوح
مكة :- تاتا مش بتسيب بابا البيت مفتوح عشان في شباب في العمارة عشان كدة انا مستغربة
فارس :- ممكن تكون سابتة مفتوح عشان لما تيجي تدخلي علي طول
مكة :- اوك تعالي ندخل
دخلت مكة وفارس الشقة
مكة بصوت عالي ومرح :- جوجو انا جيت انتي فين يا جوجو ردي عليا عشان انا عايزة اقولك ان فارس انهاردة اخذني غصب من امام الجامعه جوجو انتي فين انتي مش بتر……………………
قطع كلامها صدمة لم تكن تتوقعها وقعت الكتب من يدها ووقفت بلا حراك بينما وقف فارس بدهشة ثم نظر الي مكة فوجدها تقف لا تتحرك لا ترمش حتي بعينيها تقف كالتمثال
كانت صدمة كبيرة لجمت كلا من فارس ومكة
يتبع
أنت تقرأ
البريئة والقاسي بقلم الكاتبة إيمان شريف (ميمو)
غموض / إثارةفتاة تري جريمه قتل بعينيها وتكون الشاهده الوحيده عليها فوجب عليه حمايتها فهل ستفوز بحبه ام ستنهار حصونها بسبب قسوته
