Naaalala mo, by previous account owner.
Naaalala ko
ang bawat pintig
ng pusong nananakit
ang bawat titik, salita, pangungusap
na lumalabas sa iyong labi
ang bawat galaw at kumpas
na ginagawa ng iyong mga kamay
Naaalala ko
kung paano ka tumawa
ang iyong mga ngiti, kabigha-bighani
na parang liwanag ng talang maningning
na ngayo'y dumilim din
Naalala ko rin
ang pinagsamahan natin
akala kong mayroon pa
wala rin palang silbi
siguro'y sa malayo nalang
ako magmamahal
tulad ng dati
hanggang ngayon
na parang kaibigan nalang
