كرونيك: 💕💕"زواج_على_ورق"💕💕

💋البارت 01💋

...
...الحلقة الاولى
..
القدر ... كلمة انا بالذات تخوفني ...نخاف من اللي مخبيهلي ... حاجة بديهية اننا نحتارو في واش راه يصرا لكن الحاجة الغير مالوفة اننا نحوسو على السبب في هاذا ... ماناش كامل قويين باش نقراو مابين السطور ... قلييييل منا اللي يحاول ويحاول ويحاول باش يوصل ..
اريج طفلة مزيانة بماتعطيه الكلمة من معنى ... عينين كبار خضر ..بشرة بيضا شعر بلون كستنائي ... ابنة الدبلوماسي الاول ادهم وكاميليا اللي اصولها لبنانية و تنظم اشهر الحفلات في العالم .... اهم معلومة على اريج مش مدى غناها لالا بل اعاقتها في المشي نعم ياسادة كيما فهمتو اريج مشلولة شلل نصفي حتا وهاك هي بقات مفعمة بالامل وتحب الناس وجامي حسدت بصح يبان بلي "القدر" مش رح يرحمها ومخبيلها بزاف حوايج ومحضرلها عباد منهم الخايب والمليح مسكينة واش رح تعاني .....كانت دور بكرسيها في الجنينة وقرا في كرونيك ودور بين الورد وتعشق في ريحتها .... في جيهة وحد اخرى عند ادهم بوها كان قاعد يهدر معا .... عشيقتو هه كان يخون في كاميليا كان يهدر - مزروووية هه ...-......- طبعأ عارف ...-.... -عارفاتيني مانقدرش نطلقها -.....-اريج وين نحطها نتي عارفة حالتها ....-....-وي عارف بلي اعاقتها سبب في اخفاء علاقتنا بصح هادي بنتي شااراح نديرلها ..... -....-فكرة بصح شكون يقبل بيها .... دق الباب -حبيبتي دقيقة ونرجعلك ....غلق وقال - ادخل ...-دخل سيكرتير يجري ...- كاين خبر يسوى ملاين ... ادهم بلهفة -اللي هو ؟؟!! ..السيكرتير علي وهو يقعد - مش نتا قلت نتبعو نزار ولد السياسي عمر ***؟؟؟ ...-ايه ...- البارح كان في بار معا الممثلة كريستينا - الامريكية ؟؟ ..-يييه تخيل هذا الخبر صدمة ورح يرجعو للخلف بميات خطوة ومستحيل يلحقك ( متنافسي بو نزار وبو اريج) ... ابتسم بخبث وقال -مليييح هايل ...-واش قررت نفقصو الحبة ونخلوه يهبط للهاوية -لالا مش وقتو ...-السكرتير باستغراب -وقتاه هاذي فرصتنا - رح ننشرو الخبر اما مش ضرك حددلي موعد معاه .... هزلو راسو وراح .... في مكان بعيد على هاذ الاجواء في ماليزيا ...في احد افخم الفيلات كان نزار راقد على كرشو رجل في الشرق والاخر في الغرب منظرو يضحك ... دخلت كريستين لابسة شوميز نتاعو وجايتها سيكسي على الاخر ورافعة سنيوة فطور ليه حطتها على طابل لي جنب راسو وقعدت جنبو طبست عليه باستو من عنقو من تالي .... ماناظش نومو ثقيييييل ... ابتسمت وعاودت باستو جنب وذنو -هممم -حبيبي ...هو سمع صوتو تبسم وشحال يعشق صوتها على الصباح ...بصوت مبحوح فيه النوم -يا روحو ،...-هيا قوم باش نروحو ندورو قبل موعد الطيارة -خليني نرقد .... - هه هيا حبيبي نزعف منك .... جبدها من يدها تكاها جنبو وكبش فيها وحط رجلو فوق رجليها باش ماتتحركش وهي شايخة بالضحك ...- خلينا هاك ....-امممم ..سكتو شوية من بعد قال - وقتاه نتزوجو ونولو كل نفيقو هاك ... كي سمعت بسيرة الزواج وجها تقلب ..-حبيبي وضعي وتعرفو راني فنانة صاعدة ارتباطي ضرك مش رح يفيدني العكس.... فد من هاد الهدرة ناض قعد وعطاها بالظهر لبس تريكوه ودخل الدوش وهو يصيح ويقول -يمالا ارتباطنا عائق بالنسبة ليك كرهت دايمن نحاول نقربلك ونتي تبعدي ...سكر الباب ودخل في البانو يدوش ...وهي تقلو من ورا الباب -حبي استناني عامين من بعد ساهل .... -..... -مش رح ترد معليش ا نعرف كيفاه نخليك تهدر ... تبسم على هبلها بصح زعمة شااراح دير ؟؟؟ .....فتحت الباب حتا تفجع -هبلتي سكريه البدر ...رفعت اكتافها سكرت الباب وتنقزت دخلت معاه وبدات دغدغ فيه وهو شايخ على هبالها .... بصح يحوس يكون عايلة معا حب حياتو علاه هي تصعب فيها هاك .... طلعو في الطيارة وهو قلبو مقبوض كل مرة يزيد يكبس في يدها وهي تتوجع .... عند علي وادهم .....- واش احوال ولدك -عال العال الحمد لله ....-اممم وينو - في ماليزيا -اكيد شايخ تما .....-هه والوولدي حدو حد خدمتو ... ضحك بخبث وقال -نتمنا .....-واش تقصد ..... بلا مايرد نادا السيكرتير دخل عطاه فوتوات وراح ....قبل مانوريك الفوتوات نحكيلك حاكاية -ناديتلي هنا باش تحكيلي ....-الحكاية فيها عبرة اسمع من بعد روح - اوكي بصح فيسع عندي مشاغل كيما التعرف الوفد الالماني جاي اليوم وولدي تاني اليوم ....-اذا كان هاك مانحكيش نقول طول - احيكي ... - رح نعرض عليك طلب رووووعة -راني نسمع - لقيتلك عروس لولدك .......... بعد ساعتين نزار كان خرج من المطار وحدو باش مايخرهش معا كرستين دخل للطوموبيل الي كانت تستناه ولقا بوه تما ... -اهلا ...-اهلا بولدي المصون معامن كنت ... ...بلع ريقو وحاول يتلف بوه -يهديك كنت وحدي ....-ممممم كريستين واش راه واش اخبار مسلسلها الجديد ...- وانا واش عرفني ...-اهااا ...ويعطيه كف -هاذي اخر تربيتي فيك ..تخون ثقتي وتزيد وتكذب ....- بابا شاراك تقول ...- والله كيما سمعت على شعرة كنت رح تحط سمعتي في الحضيض بسبب غبائك بصح الحمد لله نقدرو نلموها اما لازم ... -واش لازم وانا مستعد -تتزوج ابنة ادهم*** اريج .... قال بصدمة -نتزوج وشكون تاني هاذيك المشلولة مستحيل باااا ... -مش نسقسي فيك يلزمك تخلص ثمن افعالك - بصح انا نحب وحداخرى - كريستين ؟ لازمك تنساها ...-في خاطر وحدة ماتسوى والو حتا المشي ماتعرفش رح تحشمني قدام ناس صحابي يشحمو عليا وكريستين اللي نحبها وتحبني بابا لازم كاين حل ....-اسكت دا يلمك اريج تربية واخلاق ...-مايهمش -انا قلت اللي عندي مانيش مستعد نخسر منصبي بسبتك وزاوجك بعد شهر وغدوة الجرائد رح تعلن زواجكم باش تكون في الصورة .... ________بابا يخطبني انا ؟؟؟؟ -ايه -كيفاه قبل بيا وياعاقتي -هو يحبك ورح يقبل بيك ... عينيها وساعت - يحبنيييي؟؟؟ ..من جيهة مصدومة ومن جيهة فرحانة واخيرا رح تعيش الحب اللي تقرا عليه وحلم بيه ومعامن معا مهبل البنات نزار على سن ورمح ...مافكرتش برشا ووافقت صح قلبها ماقايلها خير بصح ماهتمتش بزاف .... اليوم العرس قصدي دفينة بالنسبة لنزار اللي بسيف اقنع كريستين ووعدها يكونو معا ببعض بعد العرس وبلي رح يفسد حياة هاذيك البريئة حتا تحبس العرس ...هو دايرها هي فسدتلو حياتو هيا عارفة كيفاه قبل وماوفقة ...ماهوش مستوعب بلي رح يتزوج من طفلة معاقة كيفاه رح تسعدو كيفاااااه .... هي كانت حايرة وعلاه ماكلمهاش لحد الان تعرف اسمو برك وشايفة وجه في التيفزيون برك واش هاذ الظلم وعلاه هي ماش كاتبلها تكمل فرحتها وعلاه دايمن ناقصتها #
يتبع .