اصدقاء ولكن..

الفصل الثاني

اصدقاء ولكن..
الفصل الثاني..
"نفسي أسألك سؤال بسيط مش لاقيه اي أجابه ليه
ليه بلاقي في قربي منك كل شيء انا نفسي فيه
ليه بنادي الناس باسمك وابقي خايفه اني اخاصمك
حاسه اني بقيت اقاسمك الهواء اللي بعيش علييه
ليه بشوف الكل شكلك
ليه بعيش دايما مشاكلك
حاسه اني نص شكلي وأن نص التاني شكلك
فيك حاجات موجوده فيا
حبه حبه تزيد شويه
إحنا فينا حاجات كتير زي بعض وهيا وهيا
كل حاجه عملتهالك حاسه اني بعيش بدالك
ورغم اني قويه ببقي
في كل حاجه محتاجلك"
غنت يارا هذه الكلمات ل "اصاله" بعد إلحاح أختها وزوجها ، وقد حازت اعجاب الكثير من النادي ع صوتها..
رنا : بتغني ي حيوانه وانا مش موجوده ..
يارا : ما انتي جيتي في نص الاغنيه ..
رنا : ماااشي ي يارا ، حسابك معايا ف الجامعه لوحدنااا ..
يارا بمرح : الحقني ي جدو ، رنا هاتقتلني ..
رودينا: بطلوا جنان انتو الاتنين احنا ف النادي..
أيمن"زوج رودينا":ماتحوليش ي دودو مش هايسكتوا ، دول عامليين زي الراديو ، مش بيسكت ..
يارا: ماااااشي ي ايمن ، هاخد منكوا مصطفى حبيب خالتو لما يجي ..
رودينا: حد قال لحضرتك اني هاسمحلك تخدي ابني مني اصلا ..
رنا : بسسسسس انا اللي هاخد مصطفي لا انتي ولا هيا..

                 ****************
فريده: الكلام دا معناه اي ي منصور !!
منصور: معناه إن ولاد اخويا هارجعوا لبيتهم ، بيت العيله ي فريده
فريده: علي جثتي ولاد حنان يجوا يعيشوا معانا
منصور بعصبية: هايجوا ي فريده وغصب عنك ، انا اتحرمت منهم ٢٣ سنه بسببك حرام عليكي بقي ، انا ماصدقت اني شوفتهم
منصور يوجه كلامه ل ياسين وعمر : اعملوا حسابكوا انتو الاتنين هاتيجو معايا بكرا هانروح ليهم ، وانا هاقوم اسال ع عنوانها علشان نروح
فريده: هي بقت كدا ي منصور ، يا انا يا هم في البيت
منصور : ..........
جمانه بصوت منخفض: هو في اي ي مامي
شرين:في حريق هايكون في بيت خالتك
عمر ل ياسين: ف اي ي بني مالك !!
ياسين بصدمه:انت عارف مين دي
عمر : طبعااا دي يارا بنت عمك الله يرحمه
ياسين: لا دي يارا بتاعت النادي والجامعه
عمر : نعم ، مين ، ازاي  

               ****************
في صباح اليوم التالي ..
منصور : يلا ي ياسين يلا ي عمر احنا هانمشي دلوقتي
ياسين: عرفت العنوان ي بابا !!
منصور : اه عرفت ، هو فين عمر!!
ياسين: نازل ي بابا
جمانه: صباح الفل ي سينو
ياسين: جماااانه انا عيل قدامك علشان حضرتك تقولي سينو ، ياريت نحترم نفسنا شويه
جمانه: بس انا بنت خالتك ثم أكملت بتوتر بعض الشئ:وهابقي قريب مراتك
ياسين بسخرية: بنت خالتي وقولنا تمام ، لكن مراتي دي جديده شويه ، ولا حضرتك هاتتجوزيني وانا معرفش
جمانه بعصبية: ياسين انت عارف اني بحبك وعارف كمان اني مش زي اللي إسمها نڤين ..
ياسين: جمااااااااااااانه الظاهر أنك نسيتي نفسك ، لا انتي شبها ولا هي شبهك مااشي ارتاحي بقي، وانا مش بحبك مش بحبك ي جمانه ، انتي اختي وبس غير كدا دا وهم من عندك انتي
عمر : الله خناقه ع الصبح، اي الحلاوه دي
ياسين: حمدالله على السلامه ي زفت ويلا قدامي بدل ما اقتلك دلوقتي
عمر بصوت منخفض:تتخانقوا ودا يطلع عليا