اصدقاء ولكن..

اافصل الرابع

اصدقاء ولكن..
الفصل الرابع..
انتو اللي سايبين ..وانتو اللي زعلانين.. وانتو اللي مكسورين.. وانتو اللي متنكدين..وانتو اللي حواديتكم ف كلامكم مابتخلصش..مع انكم اللي غلطوا..وانتو إللي اتخليتوا..وانتو اللي مشيتوا..وانتو برضوا اللي سيبتوا ف عز احتياجنا ليكوا..انتو اللي خليتونا نفقد الثقه حتي ف نفسنا.. وانتو إللي خلتونا مأنمنش لقرب الناس لينا..وانتو اللي هاريين نفسكوا تلقيح علينا ..مع اننا مغلطناش غير أننا وثقنا فيكم ..وانتو اللي عشمتونا ..وانتو اللي وعدتنا..وانتو ياما حلفتوا..
انتو سكرتوا؟!انتو نسيتوا؟! احنا كنا قبلكم اي ولا اي !!؟احنا اللي عملنا ليكم قيمه.. احنا اللي استحملناكم ف كل حاجه..وجينا ع نفسنا اياام.. إحنا اللي سهرنا قلقنين عليكوا .. ومش بنفكر غير ف راحتكوا ..
انتو اللي سايبين وانتوا اللي زعلانين!!انتو فعلا سكرانين😒✋
بقلم: روان محمد
.............................
مراد بقلق: أي إللي حصل ي يارا..
يارا: رجع ي مراد رجع تاني..
مراد: هو مين اللي رجع !!
يارا : اونكل منصور ي مراد ..
مراد بفرحه: بجد ي يارا رجع اخيرااا ..
يارا : انت فرحان!!
مراد: عمك رجع يعني مش هاتزعلي تاني واللي نفسك فيه هايتحقق ..
يارا بدهشة: انا نفسي ف حاجه لما عمي يرجع ، انا ماكنتش عايزه عمي يرجع ..
مراد: كدااابه ي يارا ، انتي دلوقتي فرحانه جداا أنه رجع ، ايوا كان نفسك عمك يرجع علشان كنتي دايما بتقولي أن العم سند والعم ضهر ..
يارا: بس انتو سندي ي مراد وكمان هو عمره ما كان سندي ..
مراد: يارا انا عارف انك عمرك ماكدبتي عليا ، انتي فرحانه صح!!
يارا : ..................
مراد: ماردتيش ، يبقي فرحانه ، طب عمك لما رجع كان زعلان صح ..
يارا: ايوا كان زعلان بس انا مقدرتش ،رغم فرحتي أنه رجع بس موجوعه برضو ، ومضايقة اني زعقت جاامد وزعلته اكتر وقولت كلام ماكنش ينفع أقوله ..
مراد : انا دلوقتي عندي حل حلو بس لازم يتنفذ..
يارا: قول ...
مراد: تنزلي دلوقتي تعتذري لعمك وخليه يقعد يتغدي معاكوا ..
يارا : انا أصلا من غير ما تقول كنت هانزل اعتذر اصلح غلطتي ..
مراد: هي دي لوليتا اللي اعرفها ..
يارا : مراااد فاكر ياسين بتاع النادي واللي اكتشفت أنه دكتور معايا في الجامعة!!!
مراد بتذكر: ايوا فاكر ، ماله اتخانقتوا تاني ولا اي !!؟
يارا : طلع ابن عمي واتخانقت معاه قدام جدو ورودينا وعمر ابن اونكل فتحي واونكل منصور..
مراد: يخربيتك 😂 وعملتي اي ..
يارا:جدو زعقلي وقالي اتعتذر واعتذرت للزفت دا 😒

              ****************
_اونكل منصور انا أسفه..
قالت يارا هذه الكلمات وهي تقف أمام عمها بحزن ..
منصور: انا مش زعلان منك ي يارا ، انتي كان عندك حق ف الكلام دا..
يارا :لا انا غلطت ولازم اتعتذر وانا مش عندي حق مهمها كان حضرتك عمي وانا بنتك ولا اي..
منصور وهو يضمها : طبعا بنتي ، يعني خلاص مش زعلانه ..
يارا بمرح: تؤ تؤ تؤ ..صافي ي لبن ..
منصور : حليب ي قشطه 😂..
ذهبت يارا الي جدها و وقفت أمامه ثم قالت: متزعلش مني انت عارف اني عصبيه شويه صغيره ..
أحمد: شويه صغيره!!؟
يارا : احمم شويه بس..
أحمد: يااارااا ..
يارا : خلاص خلاص عصبيه جداا
رودينا بمرح: طبعا اتصلتي بيه..
يارا : اه اتصلت بيه ..واللي متغاظ مننا يعمل زينا 😝
رودينا: انا هاروح اكلم ايمن ي يارا ، صحيح يارا ..
يارا : شو بدك !!
رودينا: زيدو عامل أي !!
يارا بضحك : كلمته وبيقول بيحب بنت معاه ف الحضانه 😂 ..
رودينا بصدمه : بيحب اي ..
يارا مقلده زياد : يايا انا بحب سوسو اللي محايا في الحضانه " يارا انا بحب سوسو اللي معايا في الحضانه"..
رودينا: يخربيتك ي زيدو😂😂 ..
**زيدو 'زياد' ابن كريم اخو مراد **
                *******************
چمانه: مامي هو ياسين أتأخر ليه ..
شرين: والنبي ي بنتي ما اعرف ، فريده !! جوزك وابنك أتأخروا ليه !!
فريده بعصبية: معرفش ي شرين..
شرين: مالك ي فريده في حاجه حصلت!!
فريده: لا مافيش ولو سمحت مش عايزه اتكلم ، عن اذنك ..
چمانه : غريبه انطي فيري ..
شرين: ماتشغليش بالك انتي ي جوجو..

              ******************
بعد إلحاح من الجميع جلس منصور وياسين وعمر لتناول الغداء معهم وذهبوا الي البيت ، وأثناء الطريق حدث الآتي:
ياسين: مالك ساكت ليه ي عمر ، غريبه يعني..
عمر بغضب : والله بتسال دلوقتي مالي ، انت بتعمل ف يارا كدا ..
ياسين: متعصب ليه ، انا مالي ومال الزفته يارا ..
عمر : انت عارف ان يارا هاتتعصب لما تعرف اننا ظهرنا ف حياتها تاني ورغم كدا قولت فجاه وبدون تمهيد للموضوع اننا ولاد عمها وغير كدا ليييه محدش قالي أن عمي مصطفى الله يرحمه عنده ولاد ..كل اللي اعرفه ان عند عم ومات وبس ..
كاد ياسين أن يرد ولكن قطع كلامه صوت منصور : هاتتخنقوا قدامي انتو الاتنين ولا اي!!!
ياسين: ي بابا انت شايف عامل ازاي ..
منصور : ياااسين اي اللي بينك وبين يارا !!!
ياسين: هااا ..

               ******************
_ما الذي بين يارا وياسين !!
_ ما الشئ الذي حدث واغضب فريده !!
_ ما سر غضب عمر من ياسين

سنتعرف ع كل هذا ف الفصل القادم من اصدقاء ولكن..
بقلم : روان محمد 💜🌼
#الكاتبةة_الصغيرةة💛🍃

...........................