اصدقاء ولكن..

الفصل الثامن

اصدقاء ولكن..
الفصل الثامن..
_اي رايك بالحب ي يارا ؟!
سألها ياسين هذا السؤال وهما ف طريقهم الي المستشفي
_الحب عموما شئ جميل ..حب ربنا ..حب الأهل ..حب الصحاب..حب الناس ..حب البطيخ ف الصيف ..حب البرتقال ف الشتاء..
لكن احنا بقي سيبنا كل ده ومسكنا ف حب المحن زي حبعمري ، وابن قلبي ، وسمينا الاكونت خطيبة محمود وقلبي لعبود وشوربه السي فود..عادي نتعب من البرد ف مالوش لازمه البوست بتاع "كثرت امراضي وذادت اهاتي" إنتي فاهمه معني كلامي اصلا!!؟ولا هو مزمار عبسلام!!وتلاقي الاخ سوما العاشق بيكتب كومنت ويقول"سلامه اهاتك،ويارب اللي يكرهنا يبقي زي حالاتنا" اييي ي جدعان ف اي !!لا لا بجد هو اي اللي بيحصل!!؟بتتكلموا مع بعض ف الفون ف تقوليله "حبيبي انا ايدي اتلسعت من الزيت"ف يقولك :قربي ايدك كده من الفون ويبوسهالك ، وبعدها تقولي ايدي خلاص خفت 🌚🌚.. دا بقي اسمه اي لامواخذه!!محن مضاد للحروق مثلا..ولما بسألك ليه بتشرب من كوبايه الشاي بتاعتها تقولي اصلي بحبها سكر زياده!!انتو ازاي طايقين نفسكوا كده !!؟ولما يتأخر عليكي ف الرد وبعدها يرجع يثبتلك أنه كان بيتفرج ع صورك وبيفكر فيكي،تقومي انتي بقي "هيييح ي نبض قلبي" اهو نبض قلبك ده ي عنيا واخدكوا بالدور مش سايبه هيا.. حضرتك اتخطبتي دا طبعا حقك وحطيتي صوره خطيبك البروفايل بتاعك وقولنا مااااشي ..لكن مش كل يومين تنزلي صوره ي حبيبتي هو تايهه ولا اي!!؟ومش كل شويه حضرتك تنزل صور ايديكوا ورجليكوا وتقولي هاتنحسد ي بيبي ، هاتتحسدوا ع اي لامواخذه يعني ده وجودكوا مع بعض ابتلاااااء ..رجاء يعني مش تدخلي تكتبي لنفسك ع الصراحه وتنزليها وتقولي "حب الناس ي خوانااا"انتي هاتشتغلينا !!؟حب الناس مين هو انتي حد يعرفك غير أمك واخواتك !!؟ مش بتنزلي صور ليكي كويس جدااا لكن مش تنزلي صور ل داكوتا جونسون ولا اميليا ولا انجلينا جولي وتكتبي شبهي،وصحبتك تهيص معاكي وتقولك لا لا انتي احلي ي كوكو! لا انتو بالذات ليكوا مكان مخصص ف جهنم علشان كدب الابل دا 😒😒
#الكاتبه‍ الصغيره‍♥♥
ياسين بضحك : هههههههههه يخربيتگ ي يارا انا فصلت ضحك ههههههههههههه
يارا بضحك:والله بتخنق من الناس دي اويييييي 😂😂..
ياسين مؤيد : فعلا والله حاجه تخنق، بصوا احنا هانروح نجيب عمر من الشركه ونروح المستشفى..
يارا : تمام مافيش مشكله..
وصلوا الي الشركه وركب عمر ف الخلف بجانب رنا..
عمر : اهلا ازيك ي يارا ..
_الحمد لله تمام..
_ازيك ي انسه رنا ..
_ الحمد لله تمام ..وبليز رنا بس من غير انسه علشان بتعصب..
_ تمام ي رنا 😂
وصل الجميع إلي المستشفي ودخلوا الي رودينا ماعدا يارا ذهبت الي الطبيب لتطمن ع أختها ..
فُتح الباب فجاه : ومن تاني اكيد راجعين انا دايب وكلي حنين قصد عينييي
رنا:صوتك وحش 😝
_صوتي حلو ..ولا اي رايكوا ..
عمر:صوتك حلو جداا ي لولو والله ..وكنتي دايما بتاخدي المركز الاول في المسابقه وانا باخد المركز التاني..
يارا بدهشة:وانت عرفت ازاي اني باخد المركز الاول ..اي دا انت بتغني؟؟
عمر:ايوا ي ستي بغني وكنتي دايما بتغلبيني بصوتك .. ولما اجي اسالك عنك علشان اكلمك بيقولوا انك سافرتي..
رودينا:فعلا يارا بتسافر بعد المسابقه ع طول لبنان ..
ياسين بدهشة:اشمعنا لبنان ؟!
رودينا:لان اهل مامي عايشين هناك ويارا متعلقه بالمكان هناك جدااا..
رنا:معلش ي جماعه انا لازم أمشي ..وحمدلله علي السلامه ي رودي..
رودينا: الله يسلمك ي حبيبتي ..عمر معلش ممكن توصل رنا ل تحت..
عمر: اكيد طبعا .. اتفضلي ي رنا
رن هاتف ياسين واستأذن للرد
_الو ايوا ي بابا.. وسكت قليلا .. دلوقتي؟!. وسكت قليلا..امممم طيب تمام مش هتاخر
.......................
_ وانتي جايه من الأرض ولا جايه من السماء..
_نععم ف حاجه ي عمر؟!
_هاا لا انا بغني..
_طيب ..
_وانتي جايه من الأرض ولا جايه من السماء دا اللي زيك بيجي مره كل ١٠٠ سنه من نظره روحت فيها..
قطعته رنا : ميرسي جداا تتفضل تطلع انا هاركب تاكسي ..
عمر:لا طبعااا ازاي دا يحصل انا لازم اطمن انك ركبتي الاول ..
_ تمام وميرسي تعبتك معايا..
_لا تعب ولا حاجه دا تعبك راحه ي جمييل 😉..
_افندددم؟!
_ احمم ولا حاجه ويلا التاكسي اهو ..
.........................
منصور: اخيرا هانتجمع تاني ..
أحمد: ربنا يطول في عمرك ي بني وتجمعهم ع طول ..
منصور: انا اتصلت ب ياسين وهو مع يارا ف المستشفي عند رودينا..
أحمد: يعني يارا مع ياسين ؟!
منصور: ايوا ، وقولت ل ياسين يجيب يارا ويجي..
أحمد :تمام ي بني ..
.......................
يارا بغضب: يعني اي الكلام دا ..
رودينا: ي يارا اهدي لو سمحت ..
ياسين: يارا بابا أتصل وقال كدا يبقي تسمعي الكلام وتيجي معايا..
يارا : ودا ع أساس انك والدي وانا المفروض اسمع الكلام..لا انت بتحلم انا مش هاتحرك من هنا ..
ياسين : يارا انا ابن عمك واكبر منك يعني المفروض تسمعي الكلام..
يارا بعناد : لا..
ياسين بنفاذ الصبر: انا هاتصل بجدك وهو يتصرف معاكي
لم ينتظر حتي ردها واتصل ب جدها
_ الو ايوا ي جدو .. لا يارا مش عايزه تيجي .. معرفش بتقول مش هاتحرك من هنا .. حاضر ي جدو.. اتفضلي ي يارا كلمي جدك
يارا: ي جدو ..
الجد مقاطعا: يارا اسمعي كلام ياسين وتعالي يلا ..
يارا : حضرتك عارف راي ف الموضوع دا ..
الجد: يارا تعالي ولما تيجي نتكلم ف الموضوع دا ..
يارا: اوووف ..طب و هدومي وكتب الجامعه اللي ف البيت ؟!
الجد أحمد: قولي ل ياسين يروحك البيت هاتي اللي انتي عايزاه ومتتاخريش ..
يارا بستسلام: حاضر ي جدو .. سلام
ثم نظرت إلي ياسين: اتفضل ..وعايزه اروح بيتي الاول علشان اجيب حاجات من هناك
ياسين:ياصبر ايووب .. اتفضلي ي سنيوريتا..
يارا بخفوت: بارد.. ثم قالت بصوت عالي نسبياً: سلام ي رودي ..
رودينا وهي تحاول كبت ضحكتها: سلام ي لولو ..
...........................
في منزل منصور الجارحي....
_ ممكن أفهم بتعيطي ليه دلوقتي؟!
_ علشان محدش ف البيت دا فاهمني .. ماما قالتلي اعمل كدا يمكن ياسين يحس بيا وانطي فيري مشغوله مع اونكل منصور ، وياسين وعمر مع ولاد عمه والكل عارف اني بحب ياسين ومحدش حاسس..
_ بصي ي جوجو دا مش سبب بالنسبة ليا انك تعملي ، ياسين بيعتبرك أخته وكان بيتعامل معاكي كدا بس لما اعترفتي قدام الكل انك بتحبيه هو زعل جداا وانتي عارفه كدا ..انسي ياسين ي جمانه ..عارفه أنه صعب بس لازم نحاول..
_ مش هقدر ي اسماء والله مش هقدر ..
_لما تحس حالك انطفيت،تعبت،فقدت القوه،فقدت الحياه،فقدت حالك؟!
لما تكون بأقصى حالات الحزن،تعيس،كئيب،مش عارف اي الخطوه الجايه؟!
وقتها لازم تشغل مخك،لازم تركز،تقوي حالك بحالك،انت السند،انت اللي عمر ماحد هايقدر يكسره مهما مريت باي حاله ، خليك دايما فاكر أنك حد قوي ، واثق من نفسك ، اتمسك بأحلامك ، بطموحاتك،بأهدافك
مجرد تعب وهاينتهي ووقتها هاتحس بفخر لما توصل للنهايه ، هاتحس بالفخر لما تشوف نفسك الشخص اللي رسمته ف خيالك..
بما أوتيت من قوه فذالك مجرد ارهاق وسايزول عندما ينتهي التعب ..ماشي ي جمانه ؟! ولو احتاجتي اي حاجه ي جوجو انا جمبك وزي اختك كمان
#الكاتبةة_الصغيرةة
_ اوعدك اني هاحاول وشكرا جداا ي سمسم..
...........................
بقلم: روان محمد 💜🌼
#الكاتبةة_الصغيرةة💛🍃

............................