Ikaw ang aking langit
Sa pusong nababagabag, payapa iyong hatid
Malaya kong nailalahad sa'yo ang lahat
Ang lahat-lahat, pati ang lihim na ika'y aking hangad
Mga tanikalang bumigkis sa aking puso
May tadhana pa ba na pag-isahin ating bugso
Kumakapit sa pag-asang ako ay mapasaiyo
Mananalig at maghihintay pa rin hanggang dulo
Dyan sa alapaap, patuloy kitang pagmamasdan
Hahatdan ka ng bituin sa tuwing ikay may kadiliman
Ako ang iyong buwan, liwanag sa'yong yapak
Masinagan lang 'yong mga ngiti, sa akin ay sapat
Mabubuhay ako sa ulang iyong hatid
Sasariwain ang mga alaalang atin nang isinilid
Aking pagyayabungin ang sa akin iyong iniwan
Matatagpuan din balang araw ang bawat kaligayahan
Ako ito, ang nangarap na maging iyong mundo
Hindi man ako nararapat, mananatili akong anino
Kakapit at susunod sa binitawang pangako
Hanggang sa muli, magkita tayo sa kabilang dako,
