هل جربت ان تكون في موقف
حب من طرف واحد
هل كنت يوما في مثل هذا الموقف
جربتم الحب من طرف واحد انه ليس حب فقط..
وانه وجع من طرف واحد
انه زهراء من البصرة عمامي شيوخ
عندي ٢عمام وعمه وحده عمي الجبير شيخ عنده ولد وبنات
احمد و سعدوياسر وزينب وطيبه
مزوجين بس ياسر وسعد مامزوجين
وعمي الثاني ماخذ خالتي عدهم
٣ولد عمار وقاسم وحسام مزوجين بنات ٢ سميه واسماء مزوجات
اخواني
وعمتي ارمله وعدها بنيه
اسمها سهى بكدي
وولد سيف مامزوج طبعا عمتي كاعده ويه عمي الشيخ ابيت جدي
جدتي وجدي عايشين
عندي اخواني علي وحسـين
مـزوجين بنات خالتي سميه واسماء
واخت واحده فاطمه اصغر من بسنه عمرها ١٨
احنه كلنه كرايب وعمومتنه ماياخذون غريبه ولاينطون غريب
بيوتنه كلها صفه
خل احجيلكم عن نفسي
انه بيضه عيوني سود كبار شعري لنص ظهري يعني مابيه شي مميز
طبعا تركنه الدراسه انه واختي ابوي مايقبل لصف السادس ابتدائي وبطلنه لا طلعه ولا شي كلشي عدهم عيب بس حدنه لبيت عمامنه
واذا تمرضنه انروح للطيب
للسوك مانطلع عدهم عيب البنيه اطب سوك اذا نحتاج شي امي اجيبه النه وحتى بيت عمي كمت مااروح الهم دوم من وره سيف ابن عمتي احسه ساقط ودائما نظراته تلاحگني من امشي مااحبه تطلع روحي منه ابو البنات مايدري كلبي ساكنه واحد
اي كلبي ساكنه واحد اسمه ياسر
احبه وادري تالي حبي اله مااحصل بس الوجع بس مو بيدي حبيته وحبه مشى بشراييني
صح مابيني وبينه كلمه بس من انروح الهم مجرد سلام
بس اني حبيته ماادري شلون مرات يجينه للبيت بالديوان يم اخواني
واسمع سوالفهم وضحكته لترد بيه الروح
دعيت ربي يطلعه من كلبي اذا حبه يسببلي وجع بس ماصار الشي الي رته يوم عن يوم احبه اكثر واكثر
صادف اليوم خميس كالعاده نروح لبيت جدي وعمي الشيخ كل خميس يسوي ثواب وتلتم عمومتنه كلها
كعدنه الصبح
تريكنه وخلصنه كالت امي
امي: انه راح اروح لبيت عمجن اساعدهن فشله تعالن وياي
فاطمه: يمه شويه ونجي
زهراء: يمه انه مااروح
امي: ليش ماترحين مااضلين وحدج
زهراء: بداخلي مااريد اروح واشوف ذاكه الساقط ونضراته
يمه هسه انه ليكول ضاله مدري وين هوه هذا بيت عمي وهاي هوستهم بره شعندي اسد الباب واكعد
امي: لا مااضلين كومي فضينه البسي وتعاي شكل لبوج اذا سئل
زهراء: تنهدت وكمت امي اذا حجت حجايه مااتثنيها
لبست ثوب طويل لون احمر ومن الخصر بيه احزام اسود مخصر عليه وانه جسمي حلو مرتب لفيت الشال واخذت العبابه وطلعت فاطمه هم مخلصه طلعنه الشارع كله زلم رفعت راسي شفت اخوي علي اشرلي دنكي وامشي
يالله هوه محد غريب وصلنه لبيت عمي بينه وبينهم بيت عمي حاتم
تونه دخلنه واشوف الماخذ عقلي وكلبي طلع من الاستقبال سلم على امي
ياسر: شلونج عمه انشاءالله بخير
امي:هلا عمه هلابيك شلونك شو كطعت لاتمر ولاشي لو بعيدين كلنه حكه
ياسر: هههه والله عمه حكج بس الله شاهد عندي شغل انشاءالله على الجايات
اي بنات شلونجن
زهراء:فاطمه: الحمدالله
زهراء: راح وامي دخلت واني هايمه بطوله وهيبته والله عشكته عالفطره عمر ماتخيلت اكله انه احبك او يصير بينه شي نفس هذولي الي يحبون بعض بالمسلسلات
حبيبه وبس ماافكر بشي ثاني
دخلت سلمت عليهن هوسه دخلت على بيبي سلمت عليها
الشيخه: ليش ولجن لاتمرن شنو شمالجن اخاف فوزيه ماتخليجن
(فوزيه امي)
فاطمه: لا والله بيبي بس مالنه خلك نطلع
زهراء: هسه شفتينه ارتاحيتي انشاءالله
الشيخه: ماارتاح لمن اشوف كل وحده بيت رجلها
فاطمه: بيبي ليسمعج يكول شيبنه
تره بعدنه صغار
الشيخه: ام السان كومي لا ابهاي العوجيه ( العصه)
زهراء:ههه كامت فاطمه كالت بيبي
الشيخه: شبيج زهورة جنج مريضه
زهراء لابيبي مابيه شي
شويه وكمت للمطبخ ضليت اشتغل وياهن خفايف لمن اذن وصلو وصبينه
اجو ينكلون
دخل العله
سيف: ها زهراء شلونج
زهراء:😕 الحمدالله
راد يحجي بس انه لبسته سويت روحي اشيل بالماعين شويه ودخل ياسر
ياسر: ياله بساااع فضنها
ام ياسر: اي يمه خلصنه شيلو ياله
زهراء: بداخلي يروحلك فده سيف وعشيرته ههه
كملنه تغدوه واحنه تغدينه
كمت اجيب لبيبي ماي تغسل لئن ماتكوم تعبانه
دخلت للمطبخ طلعت ماعون طاسه
خليت صالاحيه ماي ترستها ومااسمع بس صوت فززاني
سيف:اي زهراء هل ايام ماتبينين
زهراء:مايعجبني اروح لمكان وبيه ناس ساقطه حجيت هج وتقدم
كمت ابلعم
سيف: شنو قصدج
زهراء:يمكن فهمت قصدي شلت الصلاحيه صار كدامي
وخر خل اطلع
سيف:واذا مااوخر شسوين
زهراء:والله صيحه وحده المهم كلهم عليك راد يتقرب عليه سمع حركه بره خله وطلع غميته
كبر اي والله شكد ساقط
وديت الماي لبيبي غسلت ورجعته
خلصنه بدينه بالماعين
غسلنه وكملنه شفت الساعه ٤ امي بعدها ماوراها روحه خليت وكعدت يم البنات سوالف وضحك
للمغرب رجعنه للبيت وياسر بعد ماشفته
أنت تقرأ
دموع العشك
Lãng mạnالقصه باللهجه العراقيه فتاة تهيم بحب ابن عمها ياتره هل المشاعر متساويه ام يبقه الحب من طرف واحد خل انشوف للكاتبه زهرة الشمس
