مذكراتي العزيزة (كاملة)

الجزء الثالث والاربعون: اهتمامهما

مذكراتي العزيزة
انا عارف اني جرحتها. انا عمري ما كنت عاوز اجرحها. لكن مفيش قصادي حل تاني. انا ما اقدرش أعيش معها عادي جدا زي أي اتنين متجوزين. انا ما اقدرش اديها مشاعري وانا عارف انها هتسيبني في يوم من الأيام. يمكن هي بدأت تحس بمشاعر تجاهي. يمكن تعودت علي. يمكن بدأت ترتاح معي ومع قربي. حتى انها دلوقت مرتاحة للمستي ولمعاشرتي. لكنها هتسيبني لما يرجع لها حبها تاني. انا عارف انها زوجة مخلصة. انا متاكد انها مش هتعمل حاجة غلط. انا واثق فيها تماما على شرفي. لكن ما اقدر اثق فيها على قلبي. انا ما اقدر اعطيها قلبي. هتجرحني تاني. هي دايما تجرحني. وانا مش هاقدر اتحمل اكتر من كدة. انا لازم ابعد عنها. اللي حصل بينا كان بس علشان انقذها مش هيغير أي حاجة بينا هي هتفضل زوجتي لكنها مش حبيبتي.

مذكراتي العزيزة
قول اللي عاوز تقوله يا رأفت. انا عارفة انك بتحبني. انا متاكدة من ده. انت نسيت اني كنت في وعيي بعض الأوقات. انا شوفت قلقك علي. انا شوفت الرعب في عينيك من انك تفقدني. انا حسيت بحبك في لمساتك. انت بتحبني بجنون. انا مش عارفة ليه لغاية دلوقتي بتخفي مشاعرك جواك. مش عارفة ليه بتكذب عن حبك.
لكن ما تقلقش يا رأفت. انا هاستناك. هاستنى لغاية لما تفتح لي قلبك تاني. انا هاستنى لغاية لما تظهر لي حبك تاني. انت استنيتني لما ما كنتش بحبك من اصله. انا كمان هاستناك وانا عارفة انك بتحبني انت بس حابس حبك جوه قلبك. مش مهم قد ايه هيكون صعب علي. مش مهم قد ايه هتجرحني بكلامك. انا هاستناك علشان انا عارفة انك بتحبني.

مرت الأيام وهم على نفس المنوال القديم. يعملون طول النهار في المستشفى وفي الليل كل منهما ينام بمفرده في غرفة منفصلة.
*******

بعد شهر
كان أر كيه ذاهب لمؤتمر طبي. وجاءت نور لتودعه.
"انت شوفت الشنط؟ انا حطيت كل حاجة لكن لازم تتاكد لو محتاج حاجة تاني"
"كله موجود شكرا"
"خد بالك من نفسك. الجو هناك برد دلوقتي. لو هتخرج بالليل تقل على نفسك"
"ما تقلقيش. انا هاخد بالي من نفسي. انت كمان خدي بالك من نفسك. انا ما كنتش عاوز اسيبك دلوقتي. انت لسة ما رجعتلكيش صحتك بالكامل. انا لاحظت انك كنت دايخة امبارح. يا ريت ما ترهقيش نفسك. المفروض تقعدي في البيت وما تروحيش المستشفى"
"لو قعدت في البيت طول النهار هازهق. ما تقلقش علي. انا زي الفل. انت بس ما تتاخرش"
"مش عارف انت ليه رافضة تروحي تقعدي عند والدتك الفترة ده انا كدة هاقلق عليك"
"انا هابقى كويسة. ده بيتي وانا مش ارتاح غير فيه. ما تقلقش علي وخد بالك من نفسك"
"على الأقل لو سمحت اعملي تحليل الدم اللي قولت لك عليه. انا عاوز اعرف نسبة الهيموجلوبين عندك قد ايه. ممكن بسبب الدم اللي فقدتيه علشان كدة انت لسة ضعيفة"
"حاضر هاعمله بكرة"
"هتقولي لي على النتيجة"
"طبعا هاقولك امشي بقى علشان ما تتاخرش على الطائرة"
"انا ماشي دلوقتي هارجع يوم الاثنين مش هاغيب اكتر من أسبوع"
"استمتع بوقتك هناك وخد صور كتير"
"حاضر"
"كنت عاوزة اروح معك المطار"
"لا خليك هنا انا هاروح مع السواق الوقت متأخر ومش عاوز اقلق عليك"
"ماشي براحتك"
"خدي بالك من نفسك سلام"
"سلام. هتتصل بي لما توصل؟"
"الوقت هيكون متأخر وانت هتكوني نايمة"
"لا انا مش هانام الا لما تتصل بي"
"ماشي هاتصل بيك لما أوصل هناك"
"سلام"
"سلام"

***********

الساعة الثالثة فجرا
كانت نور جالسة في سريرها تقرأ كتاب عندما سمعت موبايلها يرن فتلقت المكالمة من اول رنة
"انت لسة صاحية؟"
"قولت لك مش هانام لغاية لما تتصل بي"
"انا خلاص وصلت الفندق دلوقتي نامي انت محتاجة ترتاحي"
"الرحلة كانت مريحة؟"
"ايوة"
"اكلت؟"
"اه في الطائرة"
"غرفتك مريحة؟"
"ايوة كويسة ومريحة التحقيق ده مش هيخلص؟"
"تحقيق؟ انا بس حبيت اطمن على كل حاجة انها كويسة"
"اسف ما قصدتش كدة انا بس تعبان وعاوز انام"
"ماشي روح نام دلوقتي"
"سلام"
"سلام"
قبل أن ينهي أر كيه المكالمة سمع صوت زوجته تسأله
"اسمع انت لسة هنا؟"
"ايوة يا نورهان"
نور شعرت بضيقه من نبرة صوته
"اسفة لكن اديني رقم غرفتك واسم الفندق"
"انا في الهيلتون غرفة رقم 587"
"ماشي دقيقة اكتبهم"
"حاجة تاني؟"
"لا روح نام"
"شكرا يا هانم"
"على ايه؟"
ضحك ار كيه بسخرية
"على انك سمحت لي انام"
"انت اللي عمال تتكلم ومانعنا احنا الاتنين اننا ننام"
"ماشي تصبحي على خير"
"تصبح على خير"
انهيا المكالمة وبعد ثلاث دقائق رن موبايل نور مرة ثانية
"ايوة يا أر كيه انت نسيت حاجة؟"
"لآ"
"امال ما نمتش ليه انت كويس؟"
"اديني فرصة اقولك انا اتصلت ليه"
"اسفة"
"انا اتصلت بماما علشان أقول لها اني وصلت هي طلبت مني اتصل بيها لما أوصل لكن تليفونها مش بيرد تقريبا نامت. ممكن لو سمحت الصبح تتصلي بيها علشان انا عاوز انام وهي هتتصل بي بعد 3 ساعات تصحيني"
"حاضر هاتصل بيها الصبح. نام أنت"
"شكرا"
"سلام"
"سلام"
قبلما تنهي نور المكالمة سمعت زوجها يناديها
"نورهان انت لسة هنا؟"
"ايوة"
"اول حاجة تعمليها الصبح انك تعملي التحليل ماشي؟"
"حاضر"
"اوعديني انك هتبعتي لي النتيجة"
"اوعدك اول حاجة هاعملها اول لما أوصل المستشفى. وهابعت لك النتيجة"
"روحي نامي بقى ما تسهريش اكتر من كدة"
"ماشي تصبح على خير"
"تصبحي على خير"

**********

الصباح التالي
أتصلت نور بامها مثلما طلب منها أر كيه. واخذت عينة من دمها وطلبت من ممرضة ان تأخذ العينة وتوصلها للمعمل
"انا عاوزة صورة دم كاملة للعينة ده"
"حاضر يا دكتورة"
"اسمعي خليهم يعملوا تحليل حمل برضه"
"حاضر يا دكتورة"
بعد نصف ساعة، ذهبت نور للمعمل لتأخذ النتيجة ونظرت لنتيجة التحاليل وهمست بصدمة
"انا حامل"
*******************************************************************
#مذكراتي_العزيزة على الأنكت
https://www.inkitt.com/stories/romance/267796