اسرى بلا قيود....ل..انجي عصام الدين ... كاملة

الفصل الثامن

بسم الله الرحمن الرحيم
لا تدع القراءة تلهيك عن الصلاة
الفصل الثامن
🎀🎀🎀🎀🎀🎀🎀🎀
كانت اصوات الشجار تتعالى في غرفة المكتب الخاصة "بطه الرافعي" فمنذ ان عاد حمزة من الخارج وهو حرفياً يجر غزال الباكية خلفه واخذ يصرخ بغضب وهو يتحدث مع والدتها التي كانت تحاول تخليص ابنتها من بين انامله وتمكنت من ان تفعل ذلك بمساعدة زوجها الذي اخبرها ان تأخذ غزال وتذهب لمنزل اسرتها وهم جميعاً يجلسون في غرفة المكتب يتحدثون عن سبب ما فعله حمزه فقد كان صوته الغاضب يكاد يحطم المنزل وهو يقول

حمزه: يعني ايه ازاي اضربها يا عمي؟ بنتك ممسوكه في شقة مشبوهه مع شلة شباب بيتعاطوا مخدرات
علاء: انت اكيد كداب انا بنتي مستحيل تعمل كدا
حمزه: انا مش كداب انا لسه جايبها من القسم ولولا ان الضابط اللي قبض عليها يعرفني كان زمان فضيحتنا على كل لسان
غازي: بس بردوا كان لازم تتصرف بهدوء يا حمزه
ليث: بغضب: هدوء ايه يا بابا بيقولك شقة مفروشه ,ادي اخرت دلعك فيها يا عمي
طه: بحزم: بس خلاص ولا كلمه زياده ,اطلع يا علاء نادي بنتك قولها اني عايزها
علاء: غزال راحت مع مامتها عن اهلها يا بابا ,انا قولتلها تبعدها عن هنا شويه
طه: ازاي الكلام ده ,مراتك وبنتك يرجعوا يا علاء ويلا كل واحد يروح على اوضته واستنى يا حمزه عشان عايزك
حمزه: حاضر يا جدي تحت امرك

وقف كلاً من "غازي" و "علاء" و "رأفت" و "ليث" واتجهوا الى خارج الغرفة بينما تقدم "طه" وجلس امام "حمزه" وهو يقول

طه: بص يا حمزه انت عارف معزتك عندي اد ايه صح ولا لا
حمزه: بهدوء: عارف طبعاً يا جدي وأسف لو كنت عملت حاجه تزعلك
طه: لا طبعاً انا مزعلتش ولا حاجه بس عايز اطلب منك طلب واتمنى انك توافق عليه
حمزه: قول يا جدي طلباتك اوامر وانا عمري ما هقول لحضرتك لا
طه: انا عايزك تتجوز غزال ,انت الوحيد اللي هتعرف تعدلها وتصلح التربيه الغلط اللي ربهالها ابوها وامها
حمزه: اتجوزها....بعد كل اللي حصل ده يا جدي
طه: لو مش عشان خاطري يبقى عشان خاطر سمعتنا لان غزال مش هتبطل والمره دي عملت كدا الله اعلم المره اللي جايه هتعمل ايه
حمزه: بتفكير: حاضر يا جدي هعمل اللي حضرتك عايزه
طه: ربنا يريح بالك يا حمزه

ابتسم "حمزه" لجده واتجه الى خارج الغرفة وهو يفكر في ما اخبره به "طه" وفكر انه هو من سيقوم بأعادة غزال الى الطريق الصحيح بكافة الطرق الممكنه
🎀🎀🎀🎀
في اليوم التالي
جلست "فتنة" بجوار "نجية" التي كان يبدوا على وجهها الحزن الشديد وتنهدت وهي تحتضنها وتقول

فتنة: مالك بس يا نونا؟ مهو خلاص كل حاجه هتتصلح
نجية: ازاي بس يا فتنة وسيرتنا بقت على كل لسان ,انا مش عارفه ازاي حمزه هيقدر يبص في وش صاحبه ده تاني بعد اللي غزال عملته
فتنة: غزال لسه صغيره وغلطت والحمد لله الموضوع جه على اد كدا بس
نجية: صغيره ايه بس ما انتي اهو اصغر منها واعقل منها مليون مره وعمرك ما تعملي اللي هي عملته بس اقول ايه منها لله سعاد هي اللي بوظتها ومخلتش حد يبقى ليه كلمه عليها بس العيب مش عليها العيب على ابني اللي خلاها تعمل ما بدالها
فتنة: بأبتسامة: خلاص بقى اللي حصل حصل ,قوليلي بقى هنعمل فرح حمزه وغزال فين انا سمعت جدي وهو بيقول انهم هيتجوزوا
نجية: مش لما يلاقوها الاول ,عمك علاء راح لاهل مراته ملقهاش راحت ليهم وميعرفش هما فين
فتنة: اكيد ممكن يكونوا راحوا اي فندق قريب ,متقلقيش يا نونا كل حاجه هتكون زي ما احنا عايزين بالظبط غزال طيبه والله واكيد الموضوع اللي حصل معاها ده فيه حاجه غلط
نجية: بتنهيدة: ربنا يستر ,انا مش عارفه ايه اللي بيحصل معانا ده ربنا يعدي الايام اللي جايه دي على خير
فتنة:يارب يا نونا يارب