#بقلم_احمد_البصري #والكاتبه المتالقه انين الروح
#البارت الاول
#دواره يادنيا
طبعا اني اسمي تانيا مواليد 91 عندي اخ واحد اسمة احمد مواليد 80 مامتزوج
و4 خوات 3 متزوجات اثنين عايشات في شمال العراق وحده عايشه في امريكا لان زوجها دبلماسي وطلع بعثه اربع اسنين لامريكا واني اصغر وحدة مامتزوجة كل همي دراستي اريد اطلع طبيه لان هذا حلم بابا الله يرحمه قبل لا يموت بنفجار الشورجه امي ربة منزل ووالدي موظف بالنفط حالتنة زينة والحمدللة احنة من القومية الكردية راح تستغربون شجاب انفجار الشورجه ع بابا بس احنه ساكنين بغداد الكرخ وبابا عنده محل مستلزمات البيت راح يجهز محله لان جان معوز كم غرض وبهذاك اليوم صار الانفجار ومات الله يرحمه ويرحم جميع الموتا
بالخط جنت كاعده بطريق الرجعه للبيت دك تلفوني
كلعته جانت اختي دعاء تتصل بيه شلته
الوووو هلو حبي دعو شلونج
هلو تانيا انتي وين
اني بالخط راجعه للبيت
اي زين لان ظل بالي عليج تأخرتي
اي حبي والله الطريق كتل ازدحام مينوصف
اوك تانيا انتظرج
خير دعو اكو شي
لا حبي بس علمود انس ناخذه للدكتوره حجزت يمها ساعه ٣
اوك دعو بس اوصل نطلع لان هم ماظل وكت
هو لعد اني ليش خابرتج
اي حبيبتي اشويه اوصل انتي تحضري
وصلت بس اكلت قطعه كيكه وكبل طلعنه وصلنه احمد بسيارته لدكتوره اخذنة ابنها لان عندة حساسية بصدرة وخطيه كوه يتنفس
كتبتلنه الدكتوره ابر ودخول المستشفى كالت لازم ياخذ اوكسجين لان صدره حيل مقبط
طلعنه وكبل ابوجهنا للمستشفى بقينه بيها تقريب ساعه تحت جهار التنفس الحمدلله اتحسنت حالته ورجعنه للبيت ومع الابر والعلاج صار انس افضل
وبعد يومين دعاء كالتلي اني جايه من اسليمانيه حتى اكعد بالبيت هاي شبيج تانيا خلي نطلع
اخذت امي ودعاء وابنها رحنه مول بغداد افترينه وشترينه ولعبنه انس لعبات ع كده تعبنه كتلهم خلي نروح نتعشه بعد لان متت جوع اني
كعدنه ع ميز ورحت ع مطعم اطلبت منه اكلات ومقبلات كلي ربع ساعه ويجهز وبرجعتي للميز
شفت شاب كلش حلو عيونة اكبار وبيها نظره اجنن اني مشكلتي اعشق العيون ونظرتها جسمة رياضي
فقدت وماعرف شلون ركزت ع عيونه فقط وما انتبهت اله ع ضربه الكرسي مال الميز الثاني برجلي وشكد عيب الناس الكاعده عالميز كلها كالت
اسم الله اسم الله
باوعت ع حالي جسمي حلو الكل يكلي هنيالج وبشرتي بيضة وشعري اشقر وطويل من اللة وعيوني عسلية وعندي غمازات وحاجبي من اللة مرتب ومشمور
حجيت ويه نفسي معقوله هذا الجمال كله اني البي ومشافني هذا ابو عيون عابت والله عابت
الصراحه ضجت ليش عود اني حبيت شكل عينه وهو محب شي بيه او حتى ما انتبهلي ولو بطرف عين
ضحكت ع حالي من سمعت صوت دعاء
هاي وين صفنتي تانيا
يمج دعاء خلي اكوم اجيب الاكل
وشفته كام كيفت كلت يمكن راح يجي ياخذ اكله هو ايضا
بس حرامات شفته ترك المكان وطلع حيل نقهرت وضجت
رجعت عالميز وبيدي الاكل
اكلنه وكملنه كتلها الدعاء خلي انس يم ماما وخلينه نمشي بالمول نشتري عطور ومكياج لان مخلصه
