الرجل الوحش
الحلقه الثامنه
بدا جبل يستطرد ف الحديث مع خاله
شوف ياخال انت عارف اني سافرت بعد مقتل بوي ماسفرنيش الا وصيته اني اهج من اهنه ليعتروا عليا زي ماوصلوا لبوي
وفعلا خدت القرشات الي اتصرفتلي فيهم وسافرت بعد المعهد وكنت لساتني صغار عشرين سنه ماليش خبره ف شيء ورايح بلد غريبه لا اعرف لغتها ولا شيء عنها واصل
وروحت علي ميلانو وادخل الفنادق اهناك ايه الاسعار دي ياخال
دااني القرشنات بتوعي ماتخفنيش سبوع اكل وشرب
وبعدين ف الوجعه السوده دي
هعمل ايه حجزت ليله عشان كنت ميت من التعب واللف ارتاح وانزل الف علي شغل
وفعلا وصلت فندق فهموني بالعافيه وطلعت اترميت كيف الجتيل ومن طالعه النهار حملت خلجاتي ف يدي ومشيت هايم علي وجهي لاعارف رايح فين ولا ايه منتظرني
وادخل كل هبابه محل اسال عن شغل اللي يفهم يكرشني ومافيش شعل واللي مايفهمش برديك يكرشني من محله زي مايكون بيطردني من الجنه ياخي
خاله :داانت تعبت والدنيا دارت عليك ياولدي
جبل :واي دوار ياخال اني اتمرمطت
انت شوفت دوار لسه
المهم فضلت اكده لحد الجوع ماجرصني بلف علي كعوب رجلي من طالعه النهار ومادجتش طعم الزاد ولا الموي
المهم لجيت امحل كحيان اكده علي ماتفرج دخلت كلت وشربت
حتي الشرب بفلوس حداهم
مش كيف عندينا تلقي زير ولا قله ولا اي جردل وسخ حتي فيه شويه موي تبل ريقك
لا جزايز اكده مافيها بؤين ولا تروي
مش كيف مايه النيل بالبلهارسيا بتاعتها تغزيك
خاله يقهقه الله يجازي شيطانك ياولد
فيك ده كياته ولك نفس تهرج عاد
جبل :من غلبي واللي شوفته ياخال
دا الواعر لساته ماجيناهوش
المهم ماقادرش اخد فندق وتخلص الفلوس واقعد اندب كيف الولايا
فقلت اتصرف واتاوي ف اي موطرح ولا جنينه
واروح جنينه وانام هبابه والقالك البوليس طابب فوق دماغي وعلي مافهمت بعد خناق ومعافره وياهم وجروني ع القسم
لولا الباسبور وياي واطلعوا عليه كنت رحت ف ستين داهيه ولا رحلوني
خاله :وبعدين ياولد
جبل:لقيت واحد عربي قعد يفهم بالايطالي وخدني وياه شقته ابيت الليله وبعدها ابقي امشي
أنت تقرأ
الرجل الوحش
Romanceسنتعرف علي ماحدث لجبل بالخارج في السنوات التي قضاها بالغربه وأيضا افعاله مع زينه
