كرونيك :💕💕إيناس&فارس💕💕

👒البارت 01👒

|| الحلقة 01 ||
هيا ايناس بنتي هاو لحق لكورتاج -رانا حابطين طاطا 
خرجت ودمعة مفارقتش عيني 💔
بون نبدالكم من لول باش تفهموا انا ايناس في عمري19سنة انا وحيدة دارنا كنت نتمنى يكون عندي اخ و اخت مي الله غالب 
لمهم بدات قصتي كي جبت الباك ديالي بنتيجة مليحة كيما كنت متمنيا رفعت راس والديا وكنت متمنية نكمل قرايتي ونخرجهم من الغرقة لي كنا فيها بابا كان عامل بسيط فرحت بزاف وكنت نزرب ونخير واش نكمل تخصص لكن تجري الرياح بما لا تشتهي السفن بابا مرض وكان لا زملو عملية مستعجلة وحنا معندنا حتى واحديقدر يعاونا بابا دخل لسبيطار وكنت دايما معاه خطرة رحت نسقسي طبيب على بابا نلقا عندوا راجل  خخخخ بقلاوة معسلة مشكيتش😍 مننتوج محلي طويل سمر شعرو كحل و ذيك لحية زادت فيه نص حليت فمي حتى نطق قالي واش تخزري فيا تعرفيني واقيل قتلو الله لا يعرفني بيك قالي ندفنك تحت سبيطار وتزيدي تهدري معايا هكا خزرت فيه من لفوق لتحت ورحت وخليتو كنت فسبيطار دايمن نشوفو درت ابحاثي هههه لقيت بلي باباه مريض لتم و بابا مسكين كانت حالتو تزيد ومزال ملقيناش دراهم لعملية وحد النهار كنت رايحة عند بابا حتى نسمع طيحة فواحد شومبرة مقدرتش نصبر دخلت نجري نلقا شيخ مسكين طايح فالأرض ومكان معاه حتى واحد عاونتو و نوضتوا شفت حالتو قصرت معاه شوية حكالي على وليدو لي مهبلو وحاب يزوجو حتى انا حكيت لذاك شيخ على  بابا حتى دخل ذاك لفرخ هذا شي نتا ؟! خزر فيا وقالي واش راكي ديري هنا طيري ، وجهي ولا حمر من تبهديلة قتلو راني خارجة سلمت على باباه (عمي احمد) وخرجت او وليت كل ما نشوفو مكاشو نروح نشوف عمي احمد كان عكس وليدو حنين ويهدر بالعقل اما وليدو تحسي لكره في عينيه ولعنف 😠والغضب انا وكرهتو من تصرفاتو كان ميتعاشرش ناس كامل يعيط عليهم لمهم عمي احمد حبني بزاف او ولا دايرني كي بنتو كنت دايمن معاه وحد نهار جا ليا سي فارس شرير😈 هههه حكمني من يدي ولصقني فالحيط 
قالي :شوفي انا نكرهك بصح لازم نفذ واش راه حاب بابا ، لازم نتزوج بيك قعدت حالة فمي :نحي يدك وجعتني وانا جامي لا نتزوج بواحد كيما نتا وجيت رايحة قالي :علابالي بمرض باباك وانا نخلص عملية ونستكلف بكلش بشرط تتوزجي بيا ستة شهور ونطلقوا خزرت فيه ورحت مهدرت والو